HÔSIA 6:5 - Mara Bible RV (BSI)

⁵ Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

HÔSIA 6:5 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

1 ABEIZY 14:6

Ochhi liata â vaw ngiapa a phei pyu a thei nahta, Ahiza ta, “Nâ, Zerôbaw lapinô y, a vaw ngia teh. Khazia chyhsa hropa hawhta nâ tao? Thâtih pha lei ngaitapa cha chho awpa ta tuapa ei châ.

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

1 ABEIZY 18:17

Ahabâ ta Elaizâh a hmô nahta, a hnohta, “Nâma he ma, Izarei nôpopa ta a sohtuhpa chi cha?” tah ta.

1 ABEIZY 19:17

Hâze zaozi tawhta a râpa maih cha Zehu ta thie aw ta, Zehu zaozi tawhta a râpa maih cha Elaisâh ta a thie aw.

2 ABEIZY 1:16

Elaizâh ta abei hnohta, “Abeipa ta hetana heta a tah: ‘A bie a saohiah awpa Khazohpa Izarei râh liata a y khao leipa ma a châ haw? Khazia Ekaraw khih khazoh Bâlâzebu a saohiah awpa ta lyuhchâpazy na tua? Chavâta rakhô na kiapa tawhta chô khao aw va chi, na thi tlai aw,’” tah ta.

2 THÂTIHZYRONA 21:12

Hrohsopa Elaizâh tawhta ano lâ châpaphaopa vaw tlô ta, a hnohta, “Châ pathlatuhpa Dâvi Khazohpa Abeipa ta hetana heta a tah, ‘Na paw Zehôsaphâ lâpizy a chhih leipa chi ta, Zudâh bei Âsâ lâpizy chhao a chhih leipa chi ta,

ZAWBÂ 15:30

Zohna tawhta pua leipa aw ta, Meipaleih ta a chiahzy paraoh aw ta, Khazohpa pakah hu ta a phaoh syulyu ha aw.

ZAWBÂ 34:10

“Chavâta nâmo, hmo a pahno thaipazy saih u, Na nathlie teh u; Khazohpa cha hmo moleipa tao beih leipa aw ta, Atotaotheipa cha hmo doleipa tao beih aw vei.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

HLAZY 37:6

Na siana cha khaihna hawhta papua aw ta, Nâ dona chhao nohchhô hawhta a châ aw.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ZEREMIAH 1:10

Tanoh he phopizy nata khinarâhzy chô liata cha soh na ta, Phia awpa nata phie awpa ta ei cha soh; Pahleipadia awpa nata thy awpa ta cha soh na ta, Sa awpa nata lo awpa ta ei cha soh,” tah ta.

ZEREMIAH 1:18

Pachâ teh, he noh liana heta Zudâh râh zydua châta thokhy khihpi ta cha tao na ta, thua tôh nata dawh thokhyzy ta ei cha tao. Zudâh beizy, a beimachâzy, a theihthaipazy nata râhsawzy châta thokhy khihpi châ aw chi ta, thua tôh nata dawh thokhyzy na châ aw.

ZEREMIAH 13:13

Chatawhcha ama hnohta, ‘Abeipa ta hetana heta a tah: Pachâ teh u, he râh liata a pahrâpa zydua, Dâvi beidyuchhai liata a tyuhpa beizy, theihthaipazy, hrohsopazy nata Zerusale khihsaw zydua parina ta ei pabie khai aw ei.

ZEREMIAH 23:29

“Ei bie cha mei hawhta châ ta, lôpanô a pakeichheih khai theipa syulô hawhta châ vei ma?” Abeipa ta a tah.

ZEREMIAH 5:14

Chavâta Zehôvâh, Pheisaihzy Khazohpa ta hetana heta a tah: “Cha hawpa bie cha ama reipa vâta, Pachâh teh, ei biezy cha na pakah liata mei pachâsapa ta, He phopi he tho pachâsa aw ei na ta, Mei ta a kâ khai aw ei.

EZEKIA 11:4

Chavâta ama hnohta hrohsona bie phuah la, Hy chyhsa sawchapawpa y, phuah mah y,” tah ta.

EZEKIA 3:9

Na khi cha pachielô hlâta a châ viapa alô châ chaipa hawhta ei tao aw. Saw chhorupazy châ hra ei sala, âmo cha chi leipa la, ama hmiaphaozie vâta na thlazoh khah sy,” tah ta.

EZEKIA 32:18

“Chyhsa sawchapawpa y, Izi nata phopi rônahpa zuahzy cha khaohtlô liata a tla hapazy hnohta alei ry lâ pathla la, Izi zawpizy cha hetana heta chakhei teh:

EZEKIA 43:3

Aluahna ei hmôpa cha, khihpi parao awpa ta â vy nota ei hmôpa aluahna nah khata miakhapa châ ta, Khebâ chavah kiah liata aluahna ei hmôpa nah khata miakhapa a châ. Chatawhcha â khu lâta pao na ta.

ZEPHANIA 3:5

A chhôh liata a ypa Abeipa cha sia ta, Hmo doleipa tao beih vei; My chareih ta a ryureina dopa palâsa ta, Â doleipa ta ryureih beih vei. Chyhsa doleipa deikua cha, Nozana châh chhao pahno vei.

HMOTAOPAZY 7:31

Mawsi ta a hmô nahta, a hmo hmôpa cha a noâh ngaita ta, mo awpa ta a kei hnia ta. Abeipa ao vaw pua ta,

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

EPHESI 6:17

Chatawhcha pachhana lakhu a khu u la, Thlahpa zaozi a chaba teh u. Thlahpa zaozi cha Khazohpa bie a châ.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 2:16

Chavâta ro mah y. Chataleipatala nâ lâ a vy patoh aw na ta, ei pakah zaozi ta âmo cha ei vaw dyuh aw ei.

BIEPHUAH 9:15

Cha dawh, cha noh, cha thla nata cha kô châta rao chiehpa vâlyuhchâpa papalihzy cha, chyhsa su thôh su kha thie awpa ta pathliepa châ ei ta.

BIEPHUAH 9:21

Ama lianycheinazy, ama dyuthainazy, amâ patlana moleinazy nata ama parunazy chhao ro hlei veih ei.

1 SAMUELA 13:13

Samuela ta Sawla hnohta, “Hru ngaitapa ta hmo na tao haw. Abeipa na Khazohpa ta zyh awpa ta biepiepa a cha piepa zyh khoh va chi. Zyh ha la cha, Izarei chô liata nâ beina he Abeipa ta chhâzaw châta a pa-i ha awpa tlai.

1 SAMUELA 15:22

Samuela ta, “Abeipa ta, Abeipa ao nathliepa â lypa hawhta, Raopa hlânazy nata atheihnazy he â ly ma? Pachâ teh, atheihna hlâta reingiahna pha via ta, Mietaku tôhpa thaw hlâta bie nathliepa a pha via.

1 SAMUELA 15:32

Samuela ta, “Amale bei Akâ kha kei lâ a vaw chhi teh u,” tah ta. Akâ cha ano lâta thathyu kawpa ta vawh ta. “Thina chichhihpa ei khôkhâh ha thlyu aw hih,” tahpa ta pachâ ta.

1 SAMUELA 15:33

Samuela ta, “Na zaozi ta chanôzy saw leipa ta a taopa hawhta, Na nô chhao chanôzy hry liata saw leipa a châ aw,” tah ta. Chatanachata Samuela ta Akâ cha, a pôhpa â pachhaih khaina taihta Abeipa hmiakô ta Kilkal liata chhawh ta a thie haw.