HÔSIA 6:4 - Mara Bible RV (BSI)

⁴ Hy Epharai, kheihta ma ei cha tao aw? Hy Zudâh, kheihta ma ei cha tao aw? Nâmo phana cha my meihdo hawh dei châ ta, My diati thlai ta a paipa hawh dei a châ.

HÔSIA 6:4 ပူးပေါင်းရင်းမြစ်များ

ZEREMIAH 3:10

Cha zydua a hmô thlâh hapa chhao ta, a narônô haiphiahnô Zu­dâh cha palôh hmeiseihpa ta kei lâ vaw kua leipa ta, a pakheipa ta a vaw kua tyh,” Abeipa ta a tah.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

ZEREMIAH 34:15

Nâmo deikua cha atliata liana khata ro ei chi ta, chyhsa to ta nama vaih châta khotalaina phuahpa ta, ei mohmô liata hmo dopa tao ei chi ta, ei moh a phaohpa o liata ei hmiakô liata biehrai nama tao.

ZEREMIAH 5:23

“Châhrasala he phopi he palôh kuhchhapa châ ei ta, Chhorupa ama châ; Lâpi tlei ei ta ama sie nano syulyu haw.

ZEREMIAH 5:7

“Kheihta ma ei châ ngiahthai thei aw? Na sawzy ta na siesai ei ta, Khazoh a châ leipazy moh reipa ta bie amâ taih hapa cha. Ama rihbiena taihta ei pasapa chhao ei ta, Nâ pheisai pyly ei ta, Âzuahnôzy o lâ a hripi ta ama ngai tyh.

ZEREMIAH 5:9

Cha hmozy vâna chata hrie aw veih ei na ma? Cha hawhpa phopi chô liata ei phuh la aw va na ma?” Abeipa ta a tah.

ZEREMIAH 9:7

Chavâta Pheisaihzy Abeipa ta hetana heta a tah: “Ei phopi cha pathaisa aw ei na ta, Ei pasia aw ei. Cha hawhta tao thlâh ha leipa ta cha, Ei phopi châta khâpa hropa ma ei tao aw tly?

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

HÔSIA 13:3

Chavâta mydi ameih hawhta châ aw ei ta, My diati thlai ta a paipa hawhta ama châ aw. Sawhri tawhta sâh sihpa zie pathlahpa hawhta châ aw ei ta, Opy tawhta meikhuh a puapa hawhta ama châ aw.

HÔSIA 7:1

Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

MATHAI 13:21

châhrasala ano liata thari a thla leipa vâta, bohpi leipa dei y thei ta, bie vâta rietheipasana tlyma, taolana tlyma a vaw y nahta, thlai a pao ha tyh.

RYUREITUHPAZY 3:12

Izarei sawzy cha Abeipa mohmô ta moleina hmo tao heih ei ta. Abeipa mohmô ta moleina ama taopa vâta, Abeipa ta Môabâ bei Ekalaw cha Izarei pahnie awpa ta a tha patlô ta.