HÔSIA 6:3 - Mara Bible RV (BSI)

³ Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

HÔSIA 6:3 ပူးပေါင်းရင်းမြစ်များ

2 SAMUELA 23:4

My noh khaihpa hawhta châ ta, Noh vaw chhi ta meihdo a y leipa my hawh a châ. Vâsua khai noh khaih pha ry liata, Alei si panyupa a kaw pyuhpa hawhta a châ.

ZAWBÂ 29:23

Vâsua hâpa hawhta ei biezy hâ ei ta, Châhvâ vâsua daopa hawhta ama pakah ama â tyh.

HLAZY 19:4

Chatahrasala ama ao ta leilô zydua chahryh ta, Ama biezy khizaw kaokih taihta a pathâh. Noh châta avâzy liata poh o parai ta,

HLAZY 19:6

Avâ chhâna tawhta vaw chhi ta, Avâ chhâna liata tla ta, A lalôhna a nyusai theipa y veih ei.

HLAZY 63:8

Ei hro ta khâchâ cha patu ta, Na ku chachâh lâta eina cha-ao chi.

HLAZY 65:9

Alei he vaw tlypa ta ti bao chi ta, Alei thata na paphasa; Khazohpa chavah cha ti ta bie ta, Na vaw pachhuapanoh chiehpa hawhta, Chyhsazy cha sâh ta na pasa ei.

HLAZY 72:6

Abei cha sibie thlyupa chô liata vâsua hawhta châ sala, Alei a baopa khihti hawhta châ mawh sy!

BIESOZY 4:18

Mosiapazy lâpi deikua cha khihdei khaihpa hawh châ ta, Nohchhô locho a tlô hlâlei a khaih via lymâ.

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

ISAI 32:15

Chô lâ tawhta Thlahpa hrypa eima châ tita, Râhchawhpa cha lei phapa lyu lâta a lie aw ta, Lei phapa lyu cha râhmâhpa a lyu hlâlei cha, Cha hawhta a châ aw.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

HÔSIA 10:12

Na châta siana chi tu la, Kyhpachâna tleih beih leipa thei hria mah y; Na râhmâhpa palie bâ teh. Tahmâ he Abeipa tlua daihti cha a châ hih, Chatanachata a vy aw ta, Na chô liata siana avâ a pasuasa aw.

HÔSIA 14:5

Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

HÔSIA 14:6

A chiahzy pazawh aw ta, Ôli tho hawhta a ngia ngaita aw ta, Lebanaw hawhta a roh a pahâh kaw aw.

HÔSIA 2:20

Ngâchhihna ta châ pahawh aw na ta, Abeipa cha na pahno aw.

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MIKÂ 5:7

Zakaw laibâhpazy cha, Phopizy hry liata ama y aw; Abeipa tawhta diati hawhta châ aw ei ta, Sibiepa chô lia vâsua hawhta ama châ aw; Chyhsa châta pahawhpasâh leipa aw ei ta, Chyhsa sawzy hâ hra aw veih ei.

ZEKARIA 10:1

Châhvâ daihti liata Abeipa lâ vâsua hiah u la, Vâ thlih a taotuhpa Abeipa lâta hiah teh u. Chyhsazy châta vâkatlâ pasuasa aw ta, Mo to hnohta lyurâh sibiepazy a pie aw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MATHAI 13:11

Zisu ta âmo cha a chhy ta, ama hnohta, “Nâmo cha vârâh khinarâh bieparuzy pahno awpa ta piepa châ ei chi ta, âmo deikua cha piepa châ veih ei.

LUKA 1:78

Eima Khazohpa zawngiahna vâta, Chô lâ tawhta noh chhipa ta miah a za tly aw;

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

RYHPACHANEINA 32:2

Ei pachuna avâ hawhta suah sala, Ei bie diati hawhta tla mawh sy; Si panyupa chô liata avâ di hawhta tla sala, Sihnapa chô liata avâ hawhta suah mawh sy.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.