HÔSIA 6:10 - Mara Bible RV (BSI)

¹⁰ Izarei o liata hmo chhiepa ei hmô; Cha liata Epharai ta sihryh ta, Izarei ta anosasyh â papuapalei.

HÔSIA 6:10 ပူးပေါင်းရင်းမြစ်များ

1 ABEIZY 12:8

Châhrasala pawhrâhpazy ryhraokheina cha thy ta, ano richâhkha thyutlia a hmiakô liata a duah tyhpazy tlao a saohiah ta.

1 ABEIZY 15:30

He hmo he Zerôbaw moleina hmo taopazy vâta nata Izarei a pamoleisapa vâta a vaw tlôpa châ ta, Abeipa, Izarei Khazohpa pathi a pa-ia hapa vâta a vaw tlôpa a châ.

2 ABEIZY 17:7

Cha hawhta ama yna chhâpa cha, Izarei sawzy ta Izi bei Phiraoh ku ry liata ama yna Izi râh tawhta a kaw chhi papuatuhpa Abeipa ama Khazohpa chô liata hmo parao ei ta, khazoh hropazy tlao chi ei ta,

ZEREMIAH 18:13

“Chavâta Abeipa ta hetana heta a tah: Phopizy hiahri tua rai u, Cha hawhpa hmo cha ama thei beih ma? Laihsa kônô Izarei ta hmo rarôh y ngaitapa a tao ha hih.

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

EZEKIA 23:5

“Ôhôlâ cha kei eih a châ thlâh ha nota, â zuah ha heih ta, a Asuria mo a khopawzy chô liata a aohraoh ha heih.

EZEKIA 23:7

Asuria molaipa zydua liata â zuah ta, a sihryhkheipa chyhsazy khazoh nothlahpa zydua ta â papuapalei.

HÔSIA 4:11

Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

HÔSIA 4:12

Ei phopi ta ama tho nothlahpa a saohiah ei ta, Ama tho chôchahrei tawhta bietapazy ama dao. Sihryhna thlahpa ta lâpi paviasa ei ta, Ama Khazohpa amâ pheisai haw.

HÔSIA 4:17

Epharai cha nothlahpa nata a zao ha ta, Ano y ta y mawh sy.

HÔSIA 5:3

Epharai cha pahno na ta, Izarei ta nâ nyusai thei vei. Hy Epharai, sihryh ha chi ta, Hy Izarei, na pualei haw.