HÔSIA 6:1 - Mara Bible RV (BSI)

¹ “A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

HÔSIA 6:1 ပူးပေါင်းရင်းမြစ်များ

2 THÂTIHZYRONA 30:6

Châ phaohtuhpazy ta abei nata a beimachâzy châ cha phaopa ta Izarei nata Zudâh râh zydua lâta sie ei ta, abei biepiepa hawhta, “Hy Izarei sawzy saih u, Khazohpa cha nâmo, Asuria beizy ku tawhta a puapa, laibâhpazy lâta â vaw heih thei nawpa ta, Abeipa, Abarahâ, Aisika nata Izarei Khazohpa lâ kua heih teh u.

ZAWBÂ 16:9

Hiehâhpa ta Khazohpa ta na hriechheihpa ta na taola ta, A hâh na charieh chie ta, Ei khakhaipa ta eina mochakhi.

ZAWBÂ 22:23

Atotaotheipa lâ na kua khiahta cha, Paduapathipa châ aw chi ta; Adoleina na poh o tawhta lâhlapi lâ thypa ta,

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

ZAWBÂ 5:18

Ano cha hmah paphao ta, Chahrypa heih tyh ta; Pasasa ta, A ku ta a patlâh heih tyh.

HLAZY 30:7

Hy Abeipa, na khokheina vâta, Ei tlâhpi cha thatlôpa ta paduasa chi ta; Na hmia na nyu ha tita deikua cha, Pachârôhpa ta ei y tyh.

HLAZY 6:2

Hy Abeipa, zawh nâ ngiah ma y, Ei panao ha hih; Hy Abeipa, na patlâh mah y, Ei ruzy a pasa ngaita.

HLAZY 71:20

Nôpona nata chhiena hluhpi nâ pahmôsatuhpa nâma tlai chata, Na pahro heih aw chi ta, Alei athupa tawhta eina thaoh heih aw chi.

BIECHHOTUHPA 3:3

Thie daihti y ta, patlâh daihti a y; Phie daihti y ta, sa daihti a y;

ISAI 17:7

Cha noh liata, chyhsa ta ano a Taotuhpa lâ moh aw ta, a mo ta Izarei Mo Pathaihpa cha a hmô aw.

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

ISAI 30:26

Cha dei châ vei, Abeipa ta a phopi hmahphaopa chahry ta, âmo a tuna hmah a patlâh noh liata, thlâpâ cha noh tlu ta khaih aw ta, noh chhao a lie sari ta khaih aw ta, noh sari chhôh a khaihpa zie a khaih aw.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 3:22

“Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.

ZEREMIAH 30:12

“Abeipa ta hetana heta a tah: Na hmah patlâh thei awpa châ vei, Na hmah phaopa a ru ngaita.

ZEREMIAH 30:17

‘Thy hapa’ cha tah ei ta, ‘He he ahy hmahta pachâ leipa Zaio a châ hih!’ Ama cha tahpa vâta, Tlâhna cha pie heih aw na ta, Na hmahzy ei patlâh aw,” Abeipa ta a tah.

ZEREMIAH 33:5

Kaldia mo a dyuh awpa ta a vy taraw ei ta, châhrasala ozy cha ei hiehâhna nata ei pathiiana ta ei thiepa rizy ta pabiepa tlao châ ei ta, ama moleina zydua vâta, he khihpi he ei hmia ei nyusai hapa kha a châ.

ZEREMIAH 33:6

Chatahrasala hnatlâna nata patlâhna vaw tlôkhei aw na ta, patlâh aw ei na ta, thlalôhna kipa nata abohna ei pahmôsa aw ei.

ZEREMIAH 50:4

“Cha nohzy liata nata cha daihti liata, Izarei sawzy nata Zudâh sawzy hmaohkha ta amâ vy aw; Chana chôta a vy aw ei ta, Abeipa ama Khazohpa ama tlua aw,” Abeipa ta a tah.

ZEREMIAH 50:5

“Zaio lâpi hiahri aw ei ta, Zaio lâ hmiachhypa ta, ‘A vy teh u, Chhâzaw biehrai my khao lei awpa tao sih la, Abeipa cha a zao ei suh u,’ ama tah aw.

CHAPHÔHTUNA 3:11

Ei lâpizy tawhta nâ daophipa ta na hriechheih ta, Roryhrapa ta eina paysa.

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

HÔSIA 12:6

Na Khazohpa lâ kua la, Ngâchhihna nata adona patu la, Na Khazohpa cha khâ ngâ mah y!

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 14:4

“Ama paosaina patlâh aw na ta, A saipa ta ama kyh ei pachâ aw; Ei hiehâhna ta a kuasai ha ei.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

THEIHTHAINA 14:48

“Theihthaipa ta moh awpa ta a vy ta, hri cha o pamih pathipa a châ tawhta a kawh via laih leipa khiahta cha, theihthaipa ta o cha pathaihpa ta a phuah aw. Hri cha a pai hapa a châ.

ZEPHANIA 2:1

Hy nozana a pahno leipa phopi, A hmaoh u la, a hmaohpakhy teh u;

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.

1 SAMUELA 2:6

Abeipa ta thie ta, A pahro heih tyh. Athihkhih lâ pangiasa ta, A pathyu heih tyh.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.