HÔSIA 5:9 - Mara Bible RV (BSI)

⁹ Hriena noh liata Epharai cha roryhrapa ta a y aw, Izarei chizy chô liata a tlô thlyu awpa ei phuah.

HÔSIA 5:9 ပူးပေါင်းရင်းမြစ်များ

ZAWBÂ 12:14

A phie ha khiahta cha, Ahy hmah paduapathi thei leipa aw ei ta; Chyhsa a khawhlôh ha khiahta cha, Ahy hmah pahy thei aw vei.

ISAI 37:3

Âmo ta Isai hnohta, “Hezekia ta hetana heta a tah: ‘Tanoh he nôpona noh châ ta, rana noh chhao châ ta, nohzaona noh a châ. Sawzy ama pina daihti tlô ha ta, châhrasala papihsa awpa ta thatlôna y khao vei.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

ISAI 48:3

“Hmo parohpazy kha, Hlâno tawhta reih ha ei na ta; Ei pakah tawhta a puapa, Ei phuah hapazy ama châ. Thlai ta tao ei na ta, Ama vaw tlô pâ lymâ.

ISAI 48:5

Hlâno tawhta nama hnohta reih na ta, A vaw tlô hlâta nama hnohta ei phuah haw. Chataleipatala, ‘Eima khazoh nothlahpa ta a taopazy châ ei ta, Eima tho nothlâhpa khiepa ta biepie ta, Eima thua nothlahpa leihpa ta bie a piepa a châ,’ Nama tah pathlei aw na.

ISAI 7:16

Hawtipa ta hmo chhiepa dythapa ta hmo phapa atlyhna châh a pahno hlâ chhao ta, na chi kawpa bei panozy râh cha siesaipa a châ aw.

HÔSIA 5:12

Keima hmâchhâh he Epharai châta Chhoma-u hawhta châ na ta, Zudâh chhôhkha châta hmyna hawhta ei châ.

HÔSIA 5:14

Epharai châta chakeibarôhneipa hawhta châ aw na ta, Zudâh châta chakeibarôhneipa lochopa hawhta ei châ aw. Kei, keima tlai ta hriechheih aw ei na ta, Ei sie ha aw; Siekhei aw ei na ta, A pachha awpa y aw veih ei.

HÔSIA 7:12

Sie hra ei sala, Ama chô lâta ei sao parai khâh aw ei na ta, Avâ pavawzy hawhta ei daophi aw ei; Ama zawpi ta bie ama theipa hawhta Ei chhorei aw ei.

HÔSIA 8:8

Izarei cha ama palâ khai haw; Phopizy hry liata y ta, Hmobaoh hmâ tlâh leipa a châ bâ.

HÔSIA 9:7

Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

AMÔSÂ 7:17

Chavâta Abeipa ta hetana heta a tah: ‘Na lapinô cha khihpi liata âzuahnô châ aw ta, Na sawchapawzy nata na sawchanôzy zaozi ta ama pao aw. Na râh he thliena ri ta thliepa ta rai khaipa châ aw ta, Nâma tlai chhao râh pathaih leipa liata na thi aw; Izarei cha ano râh tawhta lâhlapi lâ sei ta a sie tlai aw.’”

AMÔSÂ 7:9

Aisika su sâhpazy cha, Roryhrapa ta taopa châ aw ta; Izarei supathaihpazy chhao, Paraopa a châ aw; Zerôbaw pathlazy cha, Zaozi ta ei thyuhnao aw ei.”

MIKÂ 6:13

Chavâta kei chhao ta, A pasa kawpa ta cha tu na ta, Na moleina vâta, Roryhrapa ta ei cha tao haw.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

ZAWHÂNA 16:4

Ama daihti a vaw tlô tita, ei cha chho chhieliepa ei a châpa namâ thei nawpa ta, he biezy he nama hnohta ei reih. “Nama hnohta ei ypa vâta, he biezy he âthaona tawhta cha chho veih ei na.