HÔSIA 5:4 - Mara Bible RV (BSI)

⁴ Ama hmotaopazy ta Ama Khazohpa lâ kua heih awpa pakhâ ha ta, Sihryh khona ta ama palôh bie ta, Abeipa pahno veih ei.

HÔSIA 5:4 ပူးပေါင်းရင်းမြစ်များ

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 50:38

Nohkâhna ta a tizy a dyuh aw ta, Ama kua khai aw. Khazoh nothlahpazy yna râh châ ta, Khazoh nothlahpazy vâta Ama hru khai hana râh a châ.

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.

ZEREMIAH 9:6

Tlybaina chô liata tlybaina hropa pacho thlu ei ta, Dôveina chô liata dôveina hropa ama pacho thlu; Kei na pahno khoh veih ei,” Abeipa ta a tah.

HÔSIA 13:13

Chanô sawzeih pasana ta tlô thlu ta, Châhrasala sawchapaw so leipa a châ; A daihti vaw tlô ta a vaw luah leipa ta, Chhi â pahypa lâ a vy vei.

HÔSIA 4:1

Hy Izarei sawzy saih u, Abeipa bie thei teh u; He râh liata a pahrâpazy Abeipa ta a cha leih ei: Ngâchhihna charei leipa ta, Ngiachhiena charei hra leipa ta, Râh liata Khazohpa pahnona y vei.

HÔSIA 4:11

Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

HÔSIA 4:12

Ei phopi ta ama tho nothlahpa a saohiah ei ta, Ama tho chôchahrei tawhta bietapazy ama dao. Sihryhna thlahpa ta lâpi paviasa ei ta, Ama Khazohpa amâ pheisai haw.

HÔSIA 4:14

Chatahrasala, nama sawchanôzy cha, Ama sihryhna vâta hrie aw veih ei na; Nama myuhnôzy chhao, Amâ pheina vâta hrie aw veih ei na; Chapawzy ta sihryhnô cha a pheikhei ei ta, Âzuahnôzy nata atheihna ama hlâ khohpa tlao a châ. Pahnona a phahlapa phopi cha a leidia aw.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

HÔSIA 7:11

Epharai cha vachhuh lyu ta, Dôvei nao ta, palôh hnei vei; A châh ta Izi awsao ei ta, A châh ta Asuria lâ ama sie.

HÔSIA 8:11

Epharai cha moleina atheihna maisâh hluhpi tao ta, Châhrasala moleina taona maisâhzy lâta amâ lie haw.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 8:55

Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

1 SAMUELA 2:12

Eli sawchapawzy cha dyutlai leipazy châ ei ta, Abeipa pahno veih ei.