HÔSIA 5:1 - Mara Bible RV (BSI)

¹ Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

HÔSIA 5:1 ပူးပေါင်းရင်းမြစ်များ

ZEREMIAH 11:7

Châ pathlatuhpazy kha Izi râh tawhta ei kaw chhi papua no tawhta tanoh taihta, ei bie zyh awpa ta â i ngaitapa ta ei vaw chho ngâ thlâh ha tyh ei.

ZEREMIAH 13:18

Bei nata a nô hnohta hetana heta tah teh: “Dyuchhai a hnaipa liata a tyuh teh u; Nama beilakhozy tla ha ta, Nama rônahna lakho a tla haw.”

ZEREMIAH 46:18

“Ei hrona reipa ta ei reih, Abeipa, a moh Pheisaihzy Abeipa ta a tah. Tlâhpizy hry liata tlâh sâh chaipa Tabaw tlâh hawhpa a vy aw ta, Tilaipi kiah liata Kâmel tlâh hawhpa â vy aw.

HÔSIA 10:15

Chavâta, Hy Bethel, Na moleina rarôh ypa vâta, Cha cha na chô lia a tlô aw. Khih vaw deih aw ta, Izarei bei cha tlokhuh chhawh pathlahpa a châ aw.

HÔSIA 13:8

Chavyh a taw ama chhupa hawh ta A zawhnao aw ei na ta, Ama châh-ao alâna taihta Ei hriechhei khai aw ei; Cha liata âmo cha, Chakeibarôhneipa hawhta nie aw ei na ta; Sahrâhpa hawhta Ei hriechheih khai aw ei.

HÔSIA 4:1

Hy Izarei sawzy saih u, Abeipa bie thei teh u; He râh liata a pahrâpazy Abeipa ta a cha leih ei: Ngâchhihna charei leipa ta, Ngiachhiena charei hra leipa ta, Râh liata Khazohpa pahnona y vei.

HÔSIA 6:9

Hraotuhpazy ta chyhsa amâ byhpa hawhta, Theihthaipazy chhao ta ama tao hra; Sekhe lâpi liata chyhsa thie ei ta, Moleina pasichhih ngaitapazy ama tao.

HÔSIA 9:8

Hrohsopa cha ei Khazohpa châ ta, Epharai riahvaituhpa a châ; Châhrasala a lâpi zydua liata, Pavaw khoheih ta y khâh ta; A Khazohpa o liata, Ahaona ta a ykhâh.

ZÔELA 1:2

Machâzy saih u, he he thei u la, Râhsaw zydua saih u, nah pachôh teh u! He hawhpa hmo he nama chhâ liata a tlô beih ma? Châ pathlatuhzy chhâ liata chhao a tlô beih ma?

AMÔSÂ 3:1

Hy Izarei sawzy saih u, Abeipa ta nama hnohta a reipa bie he nathlie u la, Izi râh tawhta ei chhi papuapa Izarei phopi ta thei teh u:

AMÔSÂ 7:9

Aisika su sâhpazy cha, Roryhrapa ta taopa châ aw ta; Izarei supathaihpazy chhao, Paraopa a châ aw; Zerôbaw pathlazy cha, Zaozi ta ei thyuhnao aw ei.”

MIKÂ 3:1

Chatawhcha hetana heta ei tah: Nâmo, Zakaw pathla luhpazy nata Izarei phopi ryureituhpazy saih u, He bie he thei teh u! Adona cha nama pahno awpa châ vei ma?

MIKÂ 3:9

Nâmo, Zakaw pathla chhituhpazy saih u, Nâmo, Izarei phopi ryureituhpazy saih u, Adona a hao ei chi ta, Apatlâpa a pakosapazy saih u,

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MALAKHAI 2:1

“Chavâta nâmo, theihthaipazy saih u, he biepiepa he nâmo châta a châ:

RYUREITUHPAZY 4:12

Abinôâ sawchapawpa Bâraka Tabaw Tlâh lâ a khy haw tahpa Siserâ chho ei ta.

RYUREITUHPAZY 4:6

Debawrâ ta Kedesâ Nâthalai râh liata Abinôâ sawchapawpa Bâraka kei paawsa ta, a hnohta, “Zehôvâh, Izarei Khazohpa ta hetana heta a tah, ‘Sie la, Tabaw tlâh lâ pangai la, Nâthalai nata Zebulawna chizy tawhta pheisaih 10,000 a chhi teh.

1 SAMUELA 7:16

Kô chareih ta Bethel, Kilkal nata Mizpâ zy chahlô ta, cha su zydua liana chata Izarei chô liata ryureih ta.

1 SAMUELA 7:5

Samuela ta, “Izarei saw zydua Mizpâ liata a hmaohpakhy khai teh u, Abeipa lâta thlah ei cha chhâpa aw ei,” tah ta.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.