HÔSIA 4:7 - Mara Bible RV (BSI)

⁷ Ama pôh via nahta, Ei chô liata tlao molei via ei ta, Ama rônahna cha nozana ta ei tao aw.

HÔSIA 4:7 ပူးပေါင်းရင်းမြစ်များ

EZRÂ 9:7

Miah pathlatuhpazy daihti tawhta tanoh taihta thata thailei a châpa eima châ. Eima paraonazy vâta, keimo nata eima beizy nata eima theihthaipazy cha, râh hropa beizy ku liata nata zaozi ta thie awpa ta hlâpa châ pi ta, seichâna lâta a chhi awpa nata hrao awpa ta hlâpa eima châ. Tanoh taihta noza hmiachhiepa ta eima y.

HÔSIA 10:1

Izarei cha kre zôh sichâphapa châ ta, A pathei pha ngaita tyh. A pathei hluh via nahta, Maisâh hluh via tao ta; A râh a pha via nahta, Panana tôh a hluh via.

HÔSIA 10:6

Asuria lâ phaopa châ aw ta, Bei laipa ama pie aw. Epharai cha nozapa ta y aw ta, A khazoh nothlahpa vâta Izarei cha hmiachhiepa ta a y aw.

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

HÔSIA 13:6

Ama lao bâ ei ta, Ama rih bie ta; Ama rih a bie nahta, Ama palôh lai ta; Kei eina my ha ei.

HÔSIA 4:10

Abeipa amâ heihsaipa vâta, Nie aw ei ta, Ama py bie aw vei; A patla aw ei ta, Pôh hlei aw veih ei.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

HÔSIA 6:9

Hraotuhpazy ta chyhsa amâ byhpa hawhta, Theihthaipazy chhao ta ama tao hra; Sekhe lâpi liata chyhsa thie ei ta, Moleina pasichhih ngaitapazy ama tao.

HÔSIA 9:11

Epharai rônahna cha, Pavaw hawhta â zaw syulyu ha aw; Saw sapa nata saw phaopa y khao leipa aw ta, Nawh â chohpa y khao aw vei.

HABAKU 2:16

Rônahna châ leipa ta, Nozana ta tlao na bie aw; Nâ chhao doh teh, Na thluahruana â lâna hâh ta! Abeipa ku chachâh lâta nyu cha, Nâ lâ a vy aw ta, Na rônahna cha nozana ta a khu aw.

MALAKHAI 2:9

Ei lâpi a chhih leipa ei chi ta, ryhpa kyh liata khokhei viapa nama hnei tyhpa vâta, kei chhao ta chyhsa hmiakô liata cha panawhsa ei na ta, mohnao chhihpa ta ei cha tao ha ei,” Pheisaihzy Abeipa ta a tah.

RYHPACHANEINA 32:15

“Zesuruh cha vaw thawh ta â chapie. Vaw thawhpa ta, Vaw pahly chi ta, Na mithawh kaw. Châhrasala ano taotuhpa Khazohpa a heihsai ta, A pachhana lôpanô khâpasaw ta reih khao vei.

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.