HÔSIA 4:2 - Mara Bible RV (BSI)

² Chhiesana nata haiphiana ta bie ta, Lianycheina nata paruna ta biepa ta, Apheina zy a pôh lymâ; Pakhâpa to parao khai ei ta, Thisaih lona â zao thlâh haw.

HÔSIA 4:2 ပူးပေါင်းရင်းမြစ်များ

ÂTHAONA 4:8

Kainâ ta a unawhpa Abela hnohta, “Lyu lâ sie ei sih y,” tah ta. Lyu liata ama y nota, Kainâ ta a unawhpa Abela cha thyuhnao ta, thie ha ta.

ISAI 24:5

Alei chô liata a pahrâpazy ta ryhpazy parao ei ta, Bieraopazy pananopa ta, Tlyzaw biehrai ama phiepa vâta, Alei cha âmo ry liata papuapaleipa ta a y.

ISAI 48:1

Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

ZEREMIAH 51:5

Ama Khazohpa, Pheisaihzy Abeipa ta Izarei nata Zudâh cha siesai leipa ta, Kaldia râh deikua cha moleina ta bie ta, Izarei Mo Pathaihpa chô liata ama moleina ta a bie.

ZEREMIAH 6:7

Tikhaoh ta ti khâ a papuapa hawhta, A moleina khâ a papua. Atudaina nata raona pyu a chhôh liata theipa châ ta, Pasana nata hmahphaona zy ei hmiakô liata khâ ama y.

CHAPHÔHTUNA 4:13

A hrohsopazy moleina vâta châ ta, A theihthaipazy paraona vâta a châ; A chhôh liata thisaih palo ei ta, Chyhsa siapa thisaih a palotuhpazy vâta a châ.

EZEKIA 7:23

“Bâlia daih teh! Râh he thisaih palona moleina ta bie ta, khihpi chhao atudaina ta a bie ha hih.

HÔSIA 10:13

Nâma pachâna liata a pahnieh chi ta, Pasaipha hluhpi na hneipa na ngâpa vâta, Moleina lei paliepa ta, Adoleina sâh hria chi ta, Haiphiana theilâpa na nie.

HÔSIA 10:4

Bie hluhpi a chia ei ta, Haipa ta bie a taih ei ta, Biehraizy ama tao. Chavâta pachiana cha, Châmaih sibiepazy hawhta, Lyuzy liata a kaw pyuh tyh.

HÔSIA 11:12

Epharai ta haipa bie ta na chadô ta, Izarei chhôhkha ta dôveina ta eina chadô ei. Zudâh deikua cha, Khazohpa nata charei khoh ta, Pathaihpa chô liata ngâchhihpa ta a y.

HÔSIA 12:14

Epharai ta Abeipa cha thata a hie a pahâh haw; Chavâta a thisaih maoh paphaosa aw ta, A reipachhienazy vâta viari a thô aw.

HÔSIA 5:2

Dyuhtuhpazy ta chyhsa thata thie ei ta, Ama zydua ta ei chhorei aw ei.

HÔSIA 6:8

Kilia cha hmoparaopazy khihpi châ ta, Thisaih lona ta a bie.

HÔSIA 6:9

Hraotuhpazy ta chyhsa amâ byhpa hawhta, Theihthaipazy chhao ta ama tao hra; Sekhe lâpi liata chyhsa thie ei ta, Moleina pasichhih ngaitapazy ama tao.

HÔSIA 7:1

Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

HÔSIA 7:3

Ama moleina ta abei palysa ei ta, Ama haipa bie ta beimachâzy ama palysa.

HÔSIA 7:4

Ama zydua ta apheipa châ ei ta, Lômathu sahpa ama lyu. Viahdie neihna daihti tawhta viahchhâ thyuna taihta, Viahchhâ taotuhpa ta tho a ti awpa a byuh khao leipa, Lômathu sahpa hawhta ama châ.

MIKÂ 3:2

Nâmo, hmo phapa a hao ei chi ta, Hmo chhiepa a pasôpazy; Nâmo, ei chyhsazy vo hlaih ei chi ta, Ama ruzy tawhta ama sa a kaopazy;

MIKÂ 3:9

Nâmo, Zakaw pathla chhituhpazy saih u, Nâmo, Izarei phopi ryureituhpazy saih u, Adona a hao ei chi ta, Apatlâpa a pakosapazy saih u,

MIKÂ 6:10

Moleipa o liata moleina sôhzy ei my thei aw ma? Chhiesapa ta a ypa panuana tloh leipa ei my thei aw ma?

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

ZEPHANIA 3:1

Khihpi thuhnypa nata puapa, Tlybai a hmâhpa khihpi cha, A hu a po na!

ZEKARIA 5:3

Ano ta ei hnohta, “Kha kha alei chô zydua a chahryh awpa chhiesana a châ. Châbu chatypa phiapa hmia lâ liata ropa hawhta, parutuhpa maih hriepa châ aw ei ta, châbu chatypa phiapa hnôh lâ liata ropa hawhta, haipa ta bie a taihpa chhao hriepa a châ hra aw,” tahpa ta na chho ta.

ZEKARIA 7:9

“Pheisaihzy Abeipa ta hetana heta a tah: Ryureina dopa ta ryureih u la, unawhzy chô liata hmo pha tao u la, zawh a ngiah raihrie teh u.

MATHAI 23:35

Chatanachata chyhsa siapa Abela thisaih tawhta supathaihpa nata maisâh likawh ta nama thiepa Berakia sawchapawpa Zekaria thisaih taih ta, alei chô liata chyhsa siapa thisaih palopa zydua thisaih maoh cha nama chô liata a vaw tlô aw.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

RYHPACHANEINA 5:11

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.

RYHPACHANEINA 5:18

“Nâ phei awpa châ vei.

RYHPACHANEINA 5:19

“Na paru awpa châ vei.

1 THYSALAWNIKA 2:15

Cha Zuzy cha Abeipa Zisu nata hrohsopazy a thietuhpa châ ei ta, keimo chhao miah papua ei ta, Khazohpa palysa leipa ei ta, chyhsa zydua chakhiatuhpa ama châ.

BIEPHUAH 17:6

Cha chanô cha mopathaihpazy thisaih nata Zisu mâtyzy thisaih a paripa ta hmô na ta. Ei hmô nahta, ei noâh ngaita ta.