HÔSIA 4:15 - Mara Bible RV (BSI)

¹⁵ Hy Izarei, nâma a pheina vâta, Zudâh cha thailei châ khah sy. Kilkal lâ vawh leipa la, Bethave lâ chhao khy khah y; “Abeipa a hrohpa hawhta,” tahpa ta Bie a taih hra khah y.

HÔSIA 4:15 ပူးပေါင်းရင်းမြစ်များ

2 THÂTIHZYRONA 17:4

a pathlatuhpa Khazohpa tluapa ta, a biepiepazy zyh ta, Izarei maw lâ râh taozie hawhta tao hra vei.

2 THÂTIHZYRONA 21:11

Cha dei châ vei, Zudâh tlâh râh liata su sâhpazy tao ta, Zerusale khihsawzy sihryhna lâ a chhipa ta, Zudâh­ cha lâpi paviasa ta.

ISAI 48:1

Hy Izarei moh bipa Zakaw pathlazy, Zudâh tizy tawhta vaw pua ei chi ta, Ngâchhihna nata adona ta châ tlôh leipa ta, Abeipa moh ta bie a taihpa ta, Izarei Khazohpa a padotuhpazy saih u, He bie he thei u la;

ZEREMIAH 44:26

“Chavâta nâmo Izi râh liata a pahrâpa Zudâh mo zydua saih u, Abeipa bie he thei teh u: Pachâ teh u, ei moh rônahpa ta bie ei taih haw. Izi râh liata a ypa Zudâh chyhsa ahy pakah ta hmahta, ‘Ei Abeipa Zehôvâh hrona reipa ta ei reih,’ tahpa ta ei moh reih beih khao aw veih ei, Abeipa ta a tah.

ZEREMIAH 5:2

“Abeipa hrona reipa ta ei reih,” tah taraw ei ta, Haipa ta bie â taih tyhpazy ama châ.

EZEKIA 20:39

“Nâmo deikua cha, Hy Izarei pathlazy saih u, Abeipa Zehôvâh ta hetana heta a tah: Ei bie nama nathlie lei awpa khiahta cha, tahmâ tawhna heta nama zydua ta sie u la, nama khazoh nothlahpazy cha kei chakao chyu muh vy. Ei moh pathaihpa deikua cha, nama hmohlâpazy nata nama khazoh nothlahpazy ta papuapalei khao khuh vy.

HÔSIA 10:5

Bethave liata viahchaotawzy vâta, Samâri mo amâ chalyu aw; A rônahna ta a puasai hapa vâ ei ta, A chyhsazy ta cha thlu aw ei ta, A theihthaipazy amâ chalyu aw.

HÔSIA 10:8

Izarei moleina Ave su sâhpazy cha, Paraopa a châ aw. Ama maisâhzy liata Diahsai nata ahlohzy pyuh aw ta, Tlâhpizy hnohta, “Miah vao teh,” tah aw ei ta, Tlâhthlôhzy hnohta, “Miah vi teh,” ama tah aw.

HÔSIA 11:12

Epharai ta haipa bie ta na chadô ta, Izarei chhôhkha ta dôveina ta eina chadô ei. Zudâh deikua cha, Khazohpa nata charei khoh ta, Pathaihpa chô liata ngâchhihpa ta a y.

HÔSIA 12:1

Epharai cha ziza chahâpa ta, Noh y ta nochhi thlih a chadai ta, Haiphiana nata atudaina ama papôhsa. Asuria nata biehrai tao ei ta, Izi râh lâ sathaw ama paphao tyh.

HÔSIA 12:11

Kilia liata moleina a y khiahta cha, Hraoleipa lâta ama pua tlai aw: Kilkal liata viahchao tôhpazy ta atheihna hlâ ei ta, Ama maisâhzy cha, Leipalie tlâh liata Alô pahmaohpa hawh dei a châ.

HÔSIA 12:12

Zakaw cha Aramia râh lâ a râ ta, Cha liata Izarei cha lapinô châta a chakao; Lapinô châta mietakuzy a vaih tyh.

HÔSIA 4:12

Ei phopi ta ama tho nothlahpa a saohiah ei ta, Ama tho chôchahrei tawhta bietapazy ama dao. Sihryhna thlahpa ta lâpi paviasa ei ta, Ama Khazohpa amâ pheisai haw.

HÔSIA 5:8

Kibia liata saki tô teh u; Râmâ liata chiahmie tô u la, Bethave liata adyuhna pyu parosa teh u; Hy Benzami, eima cha pazi.

HÔSIA 9:15

Ama moleina zydua Kilkal liata y ta, Cha su liata ei hao tua ei. Moleina hmo ama taopa zydua vâta, Ei o tawhta papua aw ei na ta, Kyhpachâ khao aw veih ei na; Ama beimachâ zydua cha, Chhorupa sai ama châ.

AMÔSÂ 4:4

“Bethel lâ a vy u la, Vaw molei teh u; Kilkal lâ a vy u la, Moleina vaw papôh teh u. Namâ theihnazy cha, My chareih ta vaw cheih u la; Nama su hrawh su khazy cha, Noh thôhna noh ta vaw cheih teh u.

AMÔSÂ 5:5

Bethel tlua leipa u la, Kilkal lâ sie khah u; Besebâ lâ chhao kiah hra khah u. Kilkal cha sei ta sie tlai aw ta, Bethel cha hraoleipa a châ aw.”

AMÔSÂ 6:10

Athipa châta ropahâhpa a rao awpa a heinawh a vy sala, o tawhta a ri puakhei a chhuahpa ta, o chao chhâna liata a ypa cha hiahri sala, “Nâma leipa ta ahrohpa ama y khao ma?” tah sala, “Y veih ei” a tah khiahta cha, ano ta, “Na reih pathlie kha! Abeipa moh eima reih awpa châ vei” a tah aw.

AMÔSÂ 8:14

Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

ZAWSUA 5:9

Abeipa ta Zawsua hnohta, “Tanoh he Izi mo ama cha mohnaona nâmo tawhta ei pahlei haw,” tah ta. Chavâta cha su cha tahmâ taihta Kilkal tahpa a châ.

ZAWSUA 7:2

Zawsua ta Zerikô khihpi tawhta Bethel nochhi lâ Bethave kiapâh liata a ypa Ai khihpi lâ chyhsa tuah ta, ama hnohta, “Khy u la, râh kaw mohparu teh u,” tah ta. Chyhsazy cha khy ei ta, Ai khihpi cha kaw mohparu ei ta.