HÔSIA 4:11 - Mara Bible RV (BSI)

¹¹ Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

HÔSIA 4:11 ပူးပေါင်းရင်းမြစ်များ

BIESOZY 20:1

Kresawhti cha pahneisaotuhpa châ ta, Sahma cha tu a thyupa a châ; Chazy ta a dôvei theipa chyhsazy cha asopa châ veih ei.

BIESOZY 31:4

Hy Lemua y, kresawhti he beizy châta châ leipa ta, Beizy cha kresawhti ama do awpa châ vei; Ryureituhpazy chhao sahma ama do awpa châ vei.

BIESOZY 6:32

Chanô liata a pheipa cha, Hmo a pahno thai leipa châ ta; Cha hawhpa hmo a taopa cha, Anosasyh â paraopa a châ.

BIECHHOTUHPA 7:7

Tlybaina ta asopa chhao pahrusa ta, Panaopapana ta palôh a pamoleisa tyh.

ISAI 28:7

Theihthaipa nata hrohsopa zy chhao ta, Kresawhti vâta a chavia chavô ei ta, Sahma vâta paochheichhâpa ta ama y. Sahma vâta a chavia chavô ei ta, Kresawhti ta âmo cha palâ ta, Sahma vâta paochheichhâpa ta ama y. Aluahna kyh liata pavia pavô ei ta, Bietluna tao nawpa kyh liata ama paochheichhâ tyh.

ISAI 5:12

Ama kyhchhizy liata kresawhti doh ei ta, Totâ, tlaipih, paotlâ nata siaramo zy tôpa ta a ly ei ta, Abeipa hmotaopazy deikua cha pachâ veih ei, A ku raihriazy chhao hmô veih ei.

ZEREMIAH 23:13

“Samâri hrohsopazy liata pasichhihpa ei hmô: Bâlâ moh ta hrohsona bie phuah ei ta, Ei phopi Izarei amâ chhi chhei.

HÔSIA 4:12

Ei phopi ta ama tho nothlahpa a saohiah ei ta, Ama tho chôchahrei tawhta bietapazy ama dao. Sihryhna thlahpa ta lâpi paviasa ei ta, Ama Khazohpa amâ pheisai haw.

HÔSIA 5:4

Ama hmotaopazy ta Ama Khazohpa lâ kua heih awpa pakhâ ha ta, Sihryh khona ta ama palôh bie ta, Abeipa pahno veih ei.

HÔSIA 7:11

Epharai cha vachhuh lyu ta, Dôvei nao ta, palôh hnei vei; A châh ta Izi awsao ei ta, A châh ta Asuria lâ ama sie.

THEIHTHAINA 10:9

“Nâ tlyma, na hnohta a ypa na sawchapawzy tlyma, ahmaohna poh o chhôh lâ namâ ngia tita, kresawhti tlyma, sahma thatlôpa tlyma nama doh awpa châ vei. Chataleipatala nama thi pathlei aw. Cha cha nama chhâ zydua châta chhâzaw ryhpa a châ aw.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

1 SAMUELA 25:36

Chatawhcha Abikai cha Nâbâ lâ vawh ta, moh tua u, Nâbâ cha a o liata kyhchhi vaw tao ta, abei kyhchhipa hawhta kyh vaw chhih ta. Nâbâ cha a pari hapa vâta a ly kawpa ta vaw y ta. Chavâta a mylâ khih pavâ hlâlei cha, Abikai ta khâpa hmah chho leipa ta.