HÔSIA 4:1 - Mara Bible RV (BSI)

¹ Hy Izarei sawzy saih u, Abeipa bie thei teh u; He râh liata a pahrâpazy Abeipa ta a cha leih ei: Ngâchhihna charei leipa ta, Ngiachhiena charei hra leipa ta, Râh liata Khazohpa pahnona y vei.

HÔSIA 4:1 ပူးပေါင်းရင်းမြစ်များ

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

HLAZY 81:9

Nâma liata khazoh hropa y leipa aw ta, Chihropa khazoh hmia liata nâ bôh lei awpa tlai!

ISAI 1:10

“Nâmo, Sawdawmâ ryureituhpazy saih u, Abeipa bie thei u la, Nâmo, Kawmawrâ mo saih u, Eima Khazohpa pachuna bie lâ nama nah pachôh teh u!

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 28:14

Chavâta he phopi chô liata Zerusale liata ryureih ei chi ta, Chyhsa a pahneisao thaipazy saih u, Abeipa bie thei teh u!

ISAI 34:1

Hy râhzy saih u, thei awpa ta a vaw hnia u la, Phopizy saih u, nathlie teh u! Alei ta thei sala, A chhôh liata a ypa zydua ta thei mawh ei sy; Khizaw ta thei sala, A chhôh tawhta a puapa zydua ta thei mawh ei sy.

ISAI 34:8

Abeipa ta phuh lana noh hnei ta, Zaio kyh liata viarithôna kô a hnei.

ISAI 5:3

Hy Zerusale khihsawzy nata Zudâh chyhsazy saih u, Tahmâ kei nata ei kre sadô likah miah pachia teh u.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

ISAI 59:8

Thlalôhna lâthlôh pahno leipa ei ta, Ama lâpizy liata adona y vei. Ama lâpizy â kopa ta tao ei ta, Cha liata a siepa ahy hmahta thlalôhna hmô veih ei.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

ZEREMIAH 11:7

Châ pathlatuhpazy kha Izi râh tawhta ei kaw chhi papua no tawhta tanoh taihta, ei bie zyh awpa ta â i ngaitapa ta ei vaw chho ngâ thlâh ha tyh ei.

ZEREMIAH 19:3

Hetana heta na tah aw: ‘Hy Zudâh beizy nata Zerusale khihsawzy saih u, Abeipa bie he thei teh u. Pheisaihzy Abeipa, Izarei Khazohpa ­ta hetana heta a tah: Pachâ teh u, he su liata chhiena rarôh ypa vaw patlôsa aw na ta, a theipa maihta ama nah a khai aw.

ZEREMIAH 2:4

Hy Zakaw pathlazy nata Izarei pathla pho zydua saih u, Abeipa bie he nathlie teh u.

ZEREMIAH 2:9

“Chavâta cha chakhia aw ei na ta, Nama samohzy taihta ei chakhia aw ei,” Abeipa ta a tah.

ZEREMIAH 25:31

Abeipa cha phopizy lyuhtua awpa a hneipa vâta, Â rôhpa pyu cha alei chhâna taihta a khaihpalie aw; Sapa zydua pachiana liata a ngiakhei aw ta, Hmoparaopazy cha zaozi lâ a hlâ aw ei,’ Abeipa ta a tah.

ZEREMIAH 34:4

Chatahrasala Hy Zudâh bei Zedekia y, Abeipa bie he thei mah y! Nâma kyh liata Abeipa ta hetana heta a tah: Zaozi ta thi aw va chi.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 4:28

Cha vâna chata alei cha, Mâchhiesapa ta y aw ta, Chô lâ avâzy a zoh aw. Bie reih ha na ta, Ei chhuah haw; A ngiapachhi leipa na ta, Pathleih hra aw va na.”

ZEREMIAH 5:4

Chatawhcha kei ta, “Hezy he dyhchhiepazy deita châ ei ta, Hmo a pahno thai leipazy ama châ hih; Abeipa lâpi pahno leipa ei ta, Ama Khazohpa ryhpa pahno vei ei.

ZEREMIAH 51:5

Ama Khazohpa, Pheisaihzy Abeipa ta Izarei nata Zudâh cha siesai leipa ta, Kaldia râh deikua cha moleina ta bie ta, Izarei Mo Pathaihpa chô liata ama moleina ta a bie.

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

ZEREMIAH 7:28

Chatanachata ama hnohta, ‘He phopi he Abeipa ama Khazohpa ao a nathlie leipa nata a chhoreina a ngiah leipa phopi ama châ hih. Ngâchhihna lei ha ta, ama pakah tawhta chhawh pathlah hapa a châ,’ na tah aw ei.

ZEREMIAH 9:20

Hy chanôzy saih u, Abeipa bie thei u la, Nama nah liata a pakah bie a ngia mawh sy. Nama sawchanôzy chaphôh pachu u la, Chanô to ta ama vaihzy athih hla pachu mawh ei sy.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

ZEREMIAH 9:7

Chavâta Pheisaihzy Abeipa ta hetana heta a tah: “Ei phopi cha pathaisa aw ei na ta, Ei pasia aw ei. Cha hawhta tao thlâh ha leipa ta cha, Ei phopi châta khâpa hropa ma ei tao aw tly?

EZEKIA 16:35

“Chavâta Hy âzuahnô y, Abeipa bie he nathlie teh:

HÔSIA 12:2

Abeipa ta Zudâh thailei pachâsa ta, A hrozie hawhta Zakaw cha hrie aw ta, A hmotaopazy hawhta viari a thô aw.

HÔSIA 12:3

Chhi liata a y nota a unawhpa phei patu ta, Vaw pitloh ta Khazohpa â pia heih.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

HÔSIA 5:4

Ama hmotaopazy ta Ama Khazohpa lâ kua heih awpa pakhâ ha ta, Sihryh khona ta ama palôh bie ta, Abeipa pahno veih ei.

ZÔELA 1:2

Machâzy saih u, he he thei u la, Râhsaw zydua saih u, nah pachôh teh u! He hawhpa hmo he nama chhâ liata a tlô beih ma? Châ pathlatuhzy chhâ liata chhao a tlô beih ma?

AMÔSÂ 3:1

Hy Izarei sawzy saih u, Abeipa ta nama hnohta a reipa bie he nathlie u la, Izi râh tawhta ei chhi papuapa Izarei phopi ta thei teh u:

AMÔSÂ 7:16

Chavâta tahmâ Abeipa bie he nathlie teh: “‘Izarei chakhiapa ta hrohsona bie phuah leipa la, Aisika pathla chakhiapa ta bie chho hra khah y,’ tah chi ta.

MIKÂ 6:2

Nâmo, tlâhpizy saih u, Nâmo, leilô abôna hlôpazy saih u, Abeipa ta a phopi a leihna bie he nathlie tua u; Abeipa ta ano phopi leih nawpa hnei ta, Izarei cha â dyuh aw.

ZAWHÂNA 8:55

Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

1 KAWRINI 15:34

Siana lâta a hra u la, molei khao khuh vy. Thokha cha Khazohpa pahnona rai hnei veih ei chi. Nama maophyuh nawpa ta he bie he ei reih.

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.

BIEPHUAH 2:29

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy,’ a tah na,” tahpa ta.