HÔSIA 3:5 - Mara Bible RV (BSI)

⁵ Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

HÔSIA 3:5 ပူးပေါင်းရင်းမြစ်များ

1 ABEIZY 12:16

Abei ta ama bie nathlie khoh vei tahpa Izarei saw zydua ta ama hmô nahta, zawpi ta, “Dâvi liata tovyuh hnei leipa pi ta, Zese sawchapawpa liata ryuto hnei ma pi! Hy Izarei, nama poh o chyu lâ a di teh u; Nâ Davi, na chhôhkha tlâ pachâ teh,” tahpa ta abei cha a chhy ei ta, Izarei sawzy cha ama poh o lâ chyu a di ha ei ta.

ISAI 17:7

Cha noh liata, chyhsa ta ano a Taotuhpa lâ moh aw ta, a mo ta Izarei Mo Pathaihpa cha a hmô aw.

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

ISAI 60:5

Tilaipi hneirônazy nâ lâ vaw tlô aw ei ta, Râhzy liata sôh nata thihzy nâ lâ amâ vy aw. Chazy cha moh aw chi ta, Na hmia a kai kaw aw; Na palôh thapha aw ta, Nâ ly ngaita aw.

ISAI 9:13

Izarei phopi ta âmo a tutuhpa lâ a heih leipa ei ta, Pheisaihzy Abeipa cha tlua hra veih ei.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 30:24

A palôh achhuahnazy patlôpa ta a tao khai hlâlei cha, Abeipa hiehâhna ru ngaitapa cha kua aw vei. Noh hnôhlâzy liata cha, Cha hmozy cha nama pahno thai aw.

ZEREMIAH 30:9

Abeipa ama Khazohpa nata ama bei châta ei padua awpa Dâvi tlao ama chakao aw,” Pheisaihzy Abeipa ta a tah.

ZEREMIAH 33:17

“Abeipa ta hetana heta a tah: Dâvi cha Izarei pathlazy beidyuchhai liata a tyuh awpa chyhsa a phahla beih aw vei.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 38:16

Meihdo ta râh a khupa hawhta, ei phopi Izarei cha khyhnao aw chi ta a râh na khu khai aw. Noh hnôhlâzy liata, ei râh a dyuh awpa ta châ chhi aw na ta, Hy Kawkâ, nâma hmâpa ta ama mohmô liata ei pathaihna ei chaluah tita, phopizy ta eina pahno aw ei.

EZEKIA 38:8

Noh hluhpi tawhta chariah a dyuh awpa ta awpa na châ aw. Kô a vaw tlô awpazy liata, zaozi tawhta pachhapa râh na siehnao aw. Cha râh cha, phopi hluhpi tawhta Izarei tlâhpizy liata pahmaoh pakhypa chyhsazy yna râh châ ta, roryhrapa ta khâ a ypa râh a châ. A chyhsazy cha phopizy hry tawhta a chhi papuapazy châ ei ta, tahmâ cha ama zydua ta thlalôhpa ta a y hapazy ama châ.

DÂNIAH 10:14

Noh hro ta na chyhsazy chô liata hmo a vaw tlô awpazy cha pahnosa awpa ta tahmâ ei vy, aluahna he noh a vaw tlô awpazy châta a châ,” tah ta.

DÂNIAH 2:28

Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

HÔSIA 5:6

Ama mietaku zaw nata ama viahchao hrizy chhaota sie aw ei ta, Abeipa cha ama tlua aw; Châhrasala hmô aw veih ei, Âmo tawhta â chhei haw.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.

MALUHREINA 24:14

Tahmâ cha ei phopi lâ ei sie aw. A vy teh, noh a vaw tlô awpazy liata, he phopi ta na phopi chô liata ama tao awpa ei cha pahnosa aw,” tah ta.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

RAWMA 2:4

A châ vei khiah, Khazohpa phana cha rona lâ châ chhi awpa a châpa pahno leipa ta, a phana hluhzie nata a nôphazie nata a palôh pasizie zy cha, hraoleipa hawhta ma na pachâ?

RYHPACHANEINA 4:30

Rietheina a tyhpa ta, cha hmo zydua cha nama chô liata a vaw tlô tita, a chhâna liata cha Abeipa nama Khazohpa lâ kua heih aw ei chi ta, a ao nama nathlie aw.