HÔSIA 3:2 - Mara Bible RV (BSI)

² Chatanachata tâkâ sekel tlaw hrawh hleipangawh nata bâli sâh bai kha nata khophie a mâ châta pie na ta,

HÔSIA 3:2 ပူးပေါင်းရင်းမြစ်များ

ÂTHAONA 31:41

Kha kô kih chhôh zydua kha na o liata y na ta. Na sawchanô panozy hnei awpa ta kô hrawh hleipalih cha chakao na ta, na sahrohzy hlao awpa ta kô charu ei cha chakao. Ei hlao ei hrawh tlai na panano.

ÂTHAONA 34:12

Mâ nata chhao nata hmosaipa cha, khazie rai haw u la, nama reipa hawhta ei cha pie aw ei. Khâpa rai châ sala, laihsa he lapinô ta na pahneisa teh u,” tah ta.

PUASAINA 22:17

Chanô paw ta a pahneisa khoh ngâsâ leipa khiahta cha, laihsa kôpazy nômâ zie sôh a pie pyly awpa a châ.

ISAI 5:10

Kre sadô bai hrawh lyu liata beihrai kha ngâlâh veih aw ta, Sâh chi bai kha tu liata kachu kha ngâlâh a veih aw.”

EZEKIA 45:11

Kachu nata tibyh cha amâ kho awpa a châ. Kachu tiepa tibyh cha, bai tiepa tibyh su hrawh su kha châ aw ta, kachu chhao bai su hrawh su kha a châ aw. Bai cha panuana thliena châta hmâ awpa a châ.

HÔSIA 3:3

he hawhta zikyu ei râ, “Noh hluhpi nâma deita ta keima châta na y aw. Sihryh khao leipa aw chi ta, chapaw liata a phei khao aw va chi; kei chhao ta châ zialâh mâh khao aw va na.”

THEIHTHAINA 27:16

“Chyhsa ta a lyu thokha Abeipa châta a hlâ khiahta cha, chi a tla thei awpa zie lymâ hawhta, a mâ tu awpa a châ. Bâli sâh bai kha tu theina lyu cha tâkâ sekel sypangawh a châ aw.

RUTHI 4:10

Cha dei châ vei, athipa cha a ryuto râh liata a moh a lei lei nawpa nata athipa moh cha a unawhzy tawhta nata a liahritlona khih thokhy chhikao tawhta chhawh pathlahpa ta a y lei nawpa ta, Mâhlô ta a panôhmeipa Môabâ zuah Ruthi chhao ei lapinô châta ei chalei haw. Tanoh nâmo he pahnokheituhpazy nama châ,” tah ta.

1 SAMUELA 18:25

Sawla ta, “Dâvi hnohta hetana heta reih teh u, ‘Abei ta a chariahpazy chô liata phuh la a khohpa vâta, nômâ châta Philistinâ mo chopaw vo za kha haw ta, cha leipa cha abei ta nômâ hropa khâpa hmah haw a chhuah vei,’ nama tah aw,” tah ta. Cha cha Philistinâ mo ku liata Dâvi a thi thei nawpa ta Sawla ryhraona a châ.