HÔSIA 3:1 - Mara Bible RV (BSI)

¹ Abeipa ta ei hnohta,“Izarei sawzy ta khazoh hropazy lâ tlei ei ta, amâ theihna hmohlâpa kresawhti nata kre chawhpa viahchhâzy ama tlaichhai kawna chô chhao ta Abeipa ta ama kyh a pachâpa hawhta, nâ chhao na lapinô cha a khopaw liata a châ pheisai hapa chhaota, vawh la, na kyhpachâna va palâsa heih teh,” tah ta.

HÔSIA 3:1 ပူးပေါင်းရင်းမြစ်များ

2 SAMUELA 6:19

Izarei zawpi zydua cha a chanô chapaw ta chyhsa to viahchhâ tlâ kha, savyuh vyuh kha, kre thei pachawhpa sao kha sai rai ta. Cha khai tawhta chyhsa zydua cha ama o chyu lâta a di ha ei ta.

2 ABEIZY 13:23

Châhrasala Abeipa ta Abarahâ, Aisika nata Zakaw zy chô liata a biehrai vâta, Izarei sawzy cha ngiachhie ta, a thapasa kaw tyh ta. Chavâta âmo lâ a heih heih tyh ta, Izarei sawzy cha pahleipadia khoh leipa ta, tahmâ taihta a mohmô tawhta âmo cha thy pathlah khoh vei.

1 THÂTIHZYRONA 16:3

Izarei saw zydua cha a chanô chapaw ta, viahchhâ tlâ kha, sa tlo kha nata kre thei pachawhpa sao kha chyu rai ta.

NEHEMIAH 9:31

Châhrasala na zawngiahna rônah ngaitapa vâta, ama chhâna ngâsâ cha patlôsa leipa chi ta, âmo cha a heihsai va chi. Nâ cha ngiachhiena nata zawngiahna ta a biepa Khazohpa na châ.

HLAZY 123:2

Chakaotuhpazy mo ta ama zibeipa ku moh ta, Chakaotuhnô mo ta a zibeinô ku a mopa hawhta, Keima mo chhao Abeipa eima Khazohpa lâ moh ta, Zawh miah â ngiah hlâlei a moh tyh.

PUASAINA 32:6

A mylâ mydi kari ta thyu ei ta, raopa hlânazy hlâpa ta, aryhna hlânazy vaw cheih ei ta. Niedo awpa ta zawpi a tyuh ei ta, cha khai tawhta a palypauasa awpa ta thyu ei ta.

HLAZY HLA 2:5

Kre chawhpa viahchhâ ta tha na patlô la, Epuh ta tha na pathyu mah y; Na vâ cha iapa ta ei pasa hih.

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ZEREMIAH 3:20

Nâmo deikua cha, Hy Izarei pathlazy saih u, A vahpa châta ngâchhih leipa lapinô hawhta, Ei châta ngâchhih veih ei chi,’” Abeipa ta a tah.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

HÔSIA 2:5

Ama nô ta sihryhpa ta y ta, Âmo a phaohtuhpa ta Nozana chhao pahno leipa ta, ‘Ei khopawzy ei chadai aw ei; Ei viahchhâ nata ei ti, Ei sahmi chysia nata pala rih dipa poh, Ei sathaw nata ei dopa Nâ pietuhpazy ei chadai aw ei,’ a tah.

HÔSIA 4:11

Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

HÔSIA 7:5

Eima bei kyhchhi noh liata, Beimachâzy kresawhti pari khai ha ei ta, Abei chhao chyhsa a pahneisaotuhpazy hry liata â hlao hra.

AMÔSÂ 2:8

Sôhkâ poh a phawpa ta, Maisâh kiapâh liata a zia ei ta, Chyhsazy ama pacheisapa kresawhti cha, Ama Khazohpa o liata ama doh tyh.

AMÔSÂ 6:6

Biebuh ta kresawhti doh ei ta, Sathaw pha chaipa a thupazy; Châhrasala Zawsi rao nota a taokhei leipazy cha, Ama hu a po na!

MIKÂ 7:7

Kei deikua cha Abeipa lâ ei moh aw; Ei pachhana Khazohpa hâ aw na ta, Ei Khazohpa ta einâ thei aw.

ZEKARIA 1:16

Chavâta Abeipa ta hetana heta a tah: Zawngiahpa ta Zerusale lâ kua heih aw na ta, cha liata ei o sapa châ aw ta, Zerusale chô liata thliena ri parai heihpa a châ aw,’ Pheisaihzy Abeipa ta a tah.

MATHAI 26:50

Zisu ta a hnohta, “Viasa, nâ vyna chhâpa cha tao mah y,” tah ta. Chyhsazy vaw pua ei ta, Zisu cha chahnaochakhipa ta patu ei ta.

1 KAWRINI 10:21

Abeipa nyu nata ahripa nyu doh pakaoh thei veih ei chi. Abeipa tlâhkhai nata ahripa tlâhkhai dôh pakaoh thei hra veih ei chi.

1 KAWRINI 10:7

“Niedoh awpa ta zawpi a tyuh ei ta, lâ awpa ta ama thyu,” tahpa ropa hawhta, âmo hawhta nothlahpa a chhy hra khuh vy.

1 PITY 4:3

Zenitaizy khopa taopa ta, parâna, aohraohna, paripangana, a hlao ta apatlana, sahma do pahmaohna nata nothlahpa achhyna pasichhihpa zy liata nama vaw tlaih tyhpa kha â daih ha bâ.

RYUREITUHPAZY 10:16

Chatanachata ama hry liata râh hropa khazohzy thypa ta, Abeipa cha chakao ei ta. Izarei nôpona cha Abeipa ta taokhei ngaita ta.

RYUREITUHPAZY 9:27

Lyu lâ sie ei ta, ama kre sadôzy liata kre theizy lyu ei ta, tly ei ta. Kyhchhi tao ei ta, ama khazoh o liata a ngiapa ta, niedoh ei ta, Abimele cha reipachhie ei ta.