HÔSIA 2:9 - Mara Bible RV (BSI)

⁹ Chavâta sâh a hmoh tita, Ei sâh thiehpa cha ei la ha aw; Kre â daih tita, Ei kresawhti thiehpa ei la ha aw; Ei sahmi nata ei pala zy chhao, A la pakhua ha aw na ta, A thluahruana khu nawpa ta a hmâpazy tlai chhao, Ei la pakhua ha aw.

HÔSIA 2:9 ပူးပေါင်းရင်းမြစ်များ

EZEKIA 16:27

Chavâta pachâ teh, na chô liata ei ku hypa ta, na tovyuh pachyh na ta, na chariahpazy khohlei khona lâ ei cha hlâ haw. Na sihryhna hro a zakhei kaw tyhpa Philistinâ sawchanôzy ku lia tlai ta ei cha hlâ haw.

EZEKIA 16:39

Ama ku liata cha hlâ aw na ta, na yna su achhuapa cha phie aw ei ta, na su sâhpazy ama pacho aw. Na chysiazy hlaipa ta, na lôsôhpa atobina a ngiapazy cha lapa aw ei ta, thluahruapa nata sasaihpa ta ama cha siesai aw.

EZEKIA 23:26

Na chysiazy cha pahluhpa aw ei ta, na lôhsôhpa atobina a ngia ngaitapazy ama cha lapa aw.

DÂNIAH 11:13

Maw bei ta pheisaih hluhpi, a hmiatuapa hlâta hluh viapa padua heih aw ta, kô khazie tlyma a khô tawhta, pheisaih hluh ngaitapa nata chariah chhaichhi a kipa ta hrâ a za sie heih aw.

HÔSIA 2:3

Chataleipatala thluahruapa ta soh aw na ta, A pi noh hawhna khata ei tao pathlei aw na; Râh chawhpa ta tao aw na ta, Sadi su lâta paliepa ta, Dâhphina ta ei thie pathlei aw na.

HÔSIA 8:7

Ziza chi tu ei ta, Khisô tlao ama hria aw. Sâh kô a suh leipa ta a duah ta, Viahdie papua aw vei. Sâh hria awpa a ypa chhao ta, Chihropazy ta ama nie aw.

HÔSIA 9:2

Sawhrihmo nata kresawhti saohnazy ta Âmo cha chyh leipa aw ta, Kresawhti thiehpa ta ama lôhrâ patlô aw vei.

ZÔELA 2:14

Abeipa nama Khazohpa cha, A ngiapachhi leipa aw ta, A palôh panano aw vei tahpa ahy ma a pahno ei chi? Niepa hlâna nata dopa hlânazy Ano lâ nama hlâ thei nawpa ta, Byhnâzy cha siesaipa aw veih ei tahpa chhao, Ahy ma a pahno ei chi?

ZEPHANIA 1:13

Ama hmozy hraopa châ aw ta, Ama ozy a rua aw. Ozy sa hra ei sala, Cha liata pahrâ aw veih ei; Kre sadôzy tao hra ei sala, A kresawhti doh aw veih ei,” Abeipa ta a tah.

MALAKHAI 1:4

Edômâ ta, “Parao khaipa châ pi ta, châhrasala araopazy cha eima padua pathi heih aw,” tah hrasa la, Pheisaihzy Abeipa ta hetana heta a tah: “Ama padua ngyu ma, châhrasala phie aw na ta, ‘râh moleipa,’ nata ‘Abeipa hiehâhna chhâzaw ta a topa phopi,’ tahpa ta awpa ama châ aw.”

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.