HÔSIA 2:8 - Mara Bible RV (BSI)

⁸ Sâh nata kresawhti ta vaohei na ta, Sathaw ta a vaoheituhpa kha, Keima tlai he ei châpa pahno vei. Bâlâ châta ama hmâpa tâkâ nata ngôh ta A tobituhpa chhao kha, Keima tlai he ei châpa pahno vei.

HÔSIA 2:8 ပူးပေါင်းရင်းမြစ်များ

1 THÂTIHZYRONA 29:16

Hy Abeipa eima Khazohpa y, na moh pathaihpa y nawpa o eima cha sapa awpa châta eima hmopiepa hluh ngaitapazy he, nâma ku tawhta eima hmôpazy châ ta, ato zydua he na eih sai a châ.

ZAWBÂ 19:8

Ei lâpi liata diahsua na chhôh khâh ta, Sie palâh thei leipa na ta, Ei lâpizy liata zohna eina so khâh.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ISAI 46:6

Sahria tawhta ngôh bôpa ta, Khopathliahna ta tâkâ pathliah ei ta, Ngôh daihtuhpa pahriahlaosapa ta, Ngôh nata tâkâ hmâpa ta khazoh pataosa ei ta, A bôh ei ta amâ chhy.

ZEREMIAH 7:18

Sawzy ta tho pakhy ei ta, pawzy ta mei patih ei ta, chanôzy ta Avâ Beinô châta viahchhâ tao nawpa viahdie neih ei ta, ei hie na pahâh awpa ta, khazoh hropazy lâta dopa hlânazy ama hlâ tyh.

EZEKIA 23:41

Dyuchhai rônah ngaitapa liata a tyuh chi ta, a hmiakô liata tlâhkhai patyuh chi ta, cha liata ei ropahâhpa nata ei sathaw zy na so tyh.

DÂNIAH 3:1

Bei Nebukaneza ta ngôh nothlahpa, a doh lâ dy sycharu a sâhpa nata a hâ dy charu a kawhpa tao ta, Babylaw râh Durâ bypi liata padua ta.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

HÔSIA 10:1

Izarei cha kre zôh sichâphapa châ ta, A pathei pha ngaita tyh. A pathei hluh via nahta, Maisâh hluh via tao ta; A râh a pha via nahta, Panana tôh a hluh via.

HÔSIA 13:1

Epharai ta bie a reih khiahta cha, Chyhsazy amâ chalyu tyh; Ano cha Izarei liata cheihchalopa a châ. Châhrasala Bâlâ vâta thailei châ ha ta, Chavâta a thi haw.

HÔSIA 13:2

Tahmâ chhao molei via rili ei ta, Ama tâkâ ta leihpa nothlahpazy amâ tao; Cha zydua cha âmo pachâpalipa ta Zôthaipazy taopa sai a châ. Chavâta âmo kyh liata, “Atheihna a hlâpazy ta Viahchaotaw amâ pahnâ,” Ama tah tyh.

HÔSIA 2:5

Ama nô ta sihryhpa ta y ta, Âmo a phaohtuhpa ta Nozana chhao pahno leipa ta, ‘Ei khopawzy ei chadai aw ei; Ei viahchhâ nata ei ti, Ei sahmi chysia nata pala rih dipa poh, Ei sathaw nata ei dopa Nâ pietuhpazy ei chadai aw ei,’ a tah.

HÔSIA 4:11

Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

HÔSIA 8:4

Beizy padua ei ta, Châhrasala keima raopa châ veih ei; Beimachâzy rao ei ta, Châhrasala pahno veih ei na. Ama tâkâ nata ngôh ta nothlahpazy tao ei ta, Âmosasyh ta amâ parao.

HABAKU 1:16

A sao vâta nie pahâhpa nie thei ta, Niedo hluhpi a hneipa vâta, A sao lâ atheihna hlâ ta, A sao sykhao lâta ropahâhpa a hlâ tyh.

LUKA 15:13

Bohpi leipa liata, a sawchapaw seihnaipa cha a tovyuh zydua pakhy ta, râh hlapi lâ sie ta. Cha liata phasa ngaitapa ta y ta, a sôh cha pahryuh thlâhthli ta.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RYHPACHANEINA 8:18

Abeipa nama Khazohpa cha namâ thei thlâh ha awpa a châ. Ano tlai cha nama hneirôh nawpa ta hmotaotheina châ pietuhpa ei châ ta, tanoh ta namâ tyhpa hawhna heta, châ pathlatuhpazy hnohta bie â taihpa a biehrai a pa-ituhpa a châ.

RYUREITUHPAZY 9:27

Lyu lâ sie ei ta, ama kre sadôzy liata kre theizy lyu ei ta, tly ei ta. Kyhchhi tao ei ta, ama khazoh o liata a ngiapa ta, niedoh ei ta, Abimele cha reipachhie ei ta.