HÔSIA 2:7 - Mara Bible RV (BSI)

⁷ A khopawzy cha chadai aw ta, Châhrasala pha aw vei; Tlua laih aw ta, Hmô aw vei. Cha tita, ‘Ei vahpa tuapa lâ ei kua aw, Kha daihti kha tahmâ tahpa hlâta Ei châta a pha via,’ a tah aw.

HÔSIA 2:7 ပူးပေါင်းရင်းမြစ်များ

2 THÂTIHZYRONA 28:23

“Aramia khazohzy ta Aramia beizy ama baopa vâta, kei chhao eina bao thei nawpa ei ta, âmo lâta atheihna ei hlâ aw,” tah ta, ano a pahnietuhpa Dâmaskâ khazohzy lâta atheihna hlâ ta. Châhrasala cha cha ano nata Izarei zydua raona a châ.

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

ISAI 30:16

“Châ vei! Arâ kiah aw pi ta, Eimâ râ ha aw,” tah ei chi ta, Chavâta namâ râ tlai aw; “Arâ chahrapa eima kiah aw,” tah ei chi ta, Chavâta châ chadaituhpazy chhao, Chahra ngaitapa ama châ aw.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

ZEREMIAH 2:36

“Khazia na yzie pananopa ta, Nâ khiekhâ ngâ thlâh haw? Asuria ta maophyuhpa ta a cha sopa hawhna khata, Izi ta maophyuhpa ta a cha soh aw.

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

ZEREMIAH 31:18

“Epharai chapa ao hetana heta ei thei: ‘Na chhorei chi ta, Viahchao dawpa hriepa hawhta Eina chhorei chi. Paduapathipa ei châ thei nawpa ta, Nâ chhi pakhua heih mah y, Abeipa ei Khazohpa mah na châ tâh.

ZEREMIAH 31:32

“Âmo pathlatuhpazy ama ku patupa ta Izi râh tawhta ei chhi papua noh ta ama hnohta ei hraipa biehrai hawhpa, ama vahpa ei châpa chhao ta, ama paraopa ei biehrai hawhpa kha châ aw vei,” Abeipa ta a tah.

ZEREMIAH 44:17

Keimo nata miah pathlatuhpazy nata eima beizy nata eima beimachâzy heta, Zudâh khihpizy nata Zerusale khiliahzy liata eima tao tyhpa hawhna khata, avâ beinô lâ ropahâhpazy raopa ta, dopa hlânazy ano lâ patlai aw pi ta, bie eimâ taihpa zydua eima tao aw. Kha daihti liana kha niedo hluhpi hneipa ta, thlaochhipa ta y pi ta, chhiena a tyh ma pi.

EZEKIA 16:18

Na chysia chapaipazy lapa ta, âmo cha bu chi ta, ei sathaw nata ei ropahâhpa zy ama hmiakô liata na sopa tyh ei.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

EZEKIA 20:32

“Nama palôh liata, ‘Phopizy hawhta y sih la, râhzy liata chiphozy hawhta y hrapa ta, tho nata lô zy a chhy ei suh u,’ nama tah. Nama pachâpa hawhta vaw y beih aw vei.

EZEKIA 23:12

Ano chhao Asuria mo râhvaotuhpazy nata pheisaih hyutuhpazy chô liata aohraoh ta, chariah chhaichhi zydua a tobipa ta arâ a kiahpa arâ pheisaihzy chô liata chhao aohraohpa ta a tlaichhai kaw ei. Cha chyhsazy cha ama zydua ta satlia khochhih ngaitapa sai ama châ.

EZEKIA 23:22

Chavâta Hy Ôhôlibâ y, Abeipa Zehôvâh ta hetana heta a tah: “Moh teh, a hao kawpa ta nâ heihsai hapa na khopawzy kha pathyu aw ei na ta, su to tawhta ei cha vaw pasiehnaosa aw ei:

EZEKIA 23:4

A uhtheinô moh cha Ôhôlâ châ ta, a nawhtanô moh cha Ôhôlibâ a châ. Kei eih vaw châ ei ta, sawchapawzy nata sawchanôzy sa ei ta. Ama moh kyh liata, Ôhôlâ cha Samâri châ ta, Ôhôlibâ cha Zerusale a châ.

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 4:32

Chyhsazy hry tawhtapa papuapa ta y aw chi ta, na pahrâna cha râhsazy hry ta a châ aw. Viahchao hawhta sibiepa pabâsapa châ aw chi ta, na châta daihti mia sari a khô aw, Chônôchaipa ta chyhsazy khinarâh chô liata ryureih ta, a pie khohpa hnohta khinarâh cha a pie tyh, tahpa na pahno hlâlei cha,” tahpa ta.

DÂNIAH 5:21

Khazohpa Chônôchaipa ta chyhsazy khinarâh chô liata ryureih ta, a khopa maih khinarâh chô liata a pabeisa tyh tahpa a pahno hlâlei cha, chyhsazy hry tawhtapa papuapa ta y ta, râhsa palôh paphaosapa châ ta, râh alâzy hry liata pahrâ ta, viahchaozy hawhta sibiepa pabâsapa châ ta, a pôhpa avâ diati ta padâpa ta a y.

HÔSIA 1:2

Abeipa ta Hôsia hmâpa ta bie a rei tua nota, Abeipa ta Hôsia hnohta, “Vawh la, sihryh nô na lapinô ta kei hnei la, sihryhpa sawzy sa teh, râh he sihryh ha ta Abeipa â pheisaih hapa vâta,” tah ta.

HÔSIA 13:6

Ama lao bâ ei ta, Ama rih bie ta; Ama rih a bie nahta, Ama palôh lai ta; Kei eina my ha ei.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 2:16

“Cha noh liata cha, ‘Ei zibeipa’ na tah khao leipa aw chi ta, ‘Ei vahpa,’ ei na tah bâ aw chi,” Abeipa ta a tah.

HÔSIA 5:13

Epharai ta a pasana hmô ta, Zudâh ta a hmah a hmô nahta; Epharai cha Asuria lâ sie ta, Bei rônahpa lâ chyhsa a tuah. Châhrasala ano ta Cha patlâh thei leipa aw ei ta, Nama hmah paphasa thei aw vei.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.