HÔSIA 2:23 - Mara Bible RV (BSI)

²³ Cha chanô cha, Ei châta alei liata loh aw na ta, Lôruhâmâ cha ‘Ei kyhpachâpa’ ei tah aw; Lôami chhao ‘Ei phopi na châ’ tah aw na ta, Ano ta, ‘Ei Khazohpa na châ’ eina tah aw.”

HÔSIA 2:23 ပူးပေါင်းရင်းမြစ်များ

HLAZY 118:28

Hy Abeipa, nâ cha ei Khazohpa châ chi ta, Alyna bie ei cha hlâ aw; Ei Khazohpa châ chi ta, Ei cha palyupalih aw.

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 68:31

Izi râh tawhta lyuhchâpazy a khy aw ei ta, Kusi ta Khazohpa lâ a ku thlai a pazawh aw.

HLAZY 72:16

Râh liata kô thata veih sala, Tlâhpizy liata sâh a chanei mawh sy. A thei cha Lebanaw hawhta châ sala, Khihpi chyhsazy chhao lyurâh sibiepa hawhta, Ama paw pakai mawh ei sy.

HLAZY HLA 2:16

Ei lôhdupaw cha kei eih châ ta, Kei chhao ano eih ei châ; Ei lôhdupaw cha lilipawzy hry liata A mietaku zawzy a patlaihsa tyh.

ISAI 44:5

Chyhsa pakha ta, ‘Abeipa eih ei châ,’ tah aw ta, Chyhsa hropa ta Zakaw moh a bi aw ta, Mohropa ta a ku liata ‘Abeipa eih,’ tahpa ropa ta, Anosasyh ta Izarei moh â bi aw.”

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 30:22

Chatanachata ei phopi châ aw ei chi ta, Nama Khazohpa ei châ aw,” Abeipa ta a tah.

ZEREMIAH 31:27

“Pachâ teh u, Izarei râh nata Zudâh râh liata chyhsapa chi nata sahroh chi ei tu nawpa nohzy a vaw tlô hai,” Abeipa ta a tah.

ZEREMIAH 32:38

Ei phopi châ aw ei ta, kei ama Khazohpa ei châ aw.

ZEREMIAH 33:26

Zakaw chipathlazy nata nâ chakaotuhpa Dâvi chipathlazy cha thy aw ei na ta, a chipathlazy hry liata pakha cha, Abarahâ nata Aisika nata Zakaw chipathlazy chô liata ryureituhpa châta a tlyh aw va na. Chavâta vânoh patosa heih aw ei na ta, zawh ei ngiah heih aw ei.”

EZEKIA 36:29

Nama pathaih leina zydua tawhta ei cha pachha aw ei. Sâh cha pahneisapa ta kôvei papha aw na ta, nama chô liata chakâhna patlôsa aw va na.

HÔSIA 1:6

Cha khai tawhta Kôme cha saw phaoh heih ta, sawchanô sa ta, Abeipa ta Hôsia hnohta, “A moh ta Lôruhâmâ bi teh, Izarei chhôhkha hnohta ei kyhpachâna palâsa khao leipa aw na ta, ei ngiahthai beih khao lei awpa vâta.

HÔSIA 8:2

Na awsao ei ta, “Eima Khazohpa, Izarei ta eima cha pahno,” tah ei ta.

ZEKARIA 10:9

Phopizy hry liata papai ha hra ei sah la, Lâhla râhzy tawhta nâ thei aw ei ta, Ama sawzy chhaota hroh aw ei ta, Ama vaw kua heih aw.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

ZEKARIA 14:16

Zerusale a dyuhpa phopi zydua hry liata ahrohpa maih cha, Abeipa, Pheisaihzy Abeipa a naoh awpa nata Byureih Kyhchhi hmâ awpa ta, kô chareih ta Zerusale lâ ama khy tyh aw.

ZEKARIA 14:9

Abeipa cha alei chô zydua liata Bei a châ aw. Cha noh liata, Abeipa pakha deita y aw ta, a moh chhao moh kha dei a châ aw.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

RAWMA 3:29

Khazohpa cha Zuzy Khazohpa dei ma a châ? Zenitaizy Khazohpa chhao châ hra vei ma? A châ tlaih, Zenitaizy Khazohpa a châ hra.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.