HÔSIA 2:20 - Mara Bible RV (BSI)

²⁰ Ngâchhihna ta châ pahawh aw na ta, Abeipa cha na pahno aw.

HÔSIA 2:20 ပူးပေါင်းရင်းမြစ်များ

ÂTHAONA 9:10

Nama hnohta a ypa hmohrohneipa zydua, pavawzy, sahrohzy nata nama hnohta a ypa râhsa balyh tawhta a vaw puapa zydua hnohta chhao biehrai tao na ta, alei liata sa to hnohta biehrai ei tao.

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 62:4

Azubâ cha tah khao leipa aw ei ta, Na râh chhao Semâmâ tah khao aw veih ei. Hephazibâ tlao cha tah aw ei ta, Na râh cha Beulâ râh ama tah aw. Na chô liata Abeipa a ly ta, Na râh cha dyh a châ aw.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 32:41

Ama phana taopa cha ei lyna châ aw ta, ei palôh nata ei hro zydua ta he râh liata ngâchhihpa ta ei loh aw ei.

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.

EZEKIA 16:62

Na hnohta ei biehrai pa-i aw na ta, Abeipa ei châ tahpa na pahno aw.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

EZEKIA 34:25

“Ama hnohta thlalôhna biehrai tao aw na ta, sahrâhpazy cha râh tawhta ei pahlei aw ei. Chatanachata râhchawhpa liata â bohpa ta pahrâ aw ei ta, râhmâhpa liata amâ mô thei aw.

EZEKIA 34:27

Lyu liata thozy ta ama thei pathei aw ei ta, alei ta kôvei papua aw ta, ama râh liata â bohpa ta ama y aw. Ama raopaky thliepa ta, sei ta a taotuhpazy ku tawhta ei pachha ti ei ta, kei he Abeipa ei châ tahpa ama pahno aw.

EZEKIA 38:23

Cha hawhna chata ei rônahzie nata ei pathaihzie palâsa aw na ta, phopi hluhpi mohmô liata keimasasyh ta ei pahnosa aw. Chatanachata kei he Abeipa ei châ tahpa ama pahno aw.”

HÔSIA 13:4

Châhrasala Izi râh tawhna khata, Kei he nama Khazohpa cha ei châ; Keima leipa ta Khazohpa hropa pahno leipa ei chi ta, Keima leipa ta pachhatuhpa hropa y veih ei.

HÔSIA 2:19

“Chhâzaw châta châ pahawh aw na ta, Siana nata adona ta ei châ pahawh aw; Kyhpachâna ta châ pahawh aw na ta, Ngiachhiena ta ei châ pahawh aw.

HÔSIA 6:6

Atheihna khoh leipa na ta, Ngiachhiena ei khoh; Raopa hlâna châ leipa ta, Khazohpa pahnona ei khoh.

THEIHTHAINA 26:5

Nama sawhri liata sâh ta kre thei lyuna daihti taih a daih aw ta, kre thei nama lyupa ta chi cheina daihti taih a daih aw ta, nama viahchhâ lôhrâtlôpa ta nie aw ei chi ta, nama râh liata thlalôh ngaitapa ta nama pahrâ aw.

THEIHTHAINA 26:6

Râh cha thlalôhpa ta paysa aw na ta, a zia aw ei chi ta, ahy hmahta cha pachisa aw veih ei. Sahrâhpazy râh tawhta to khai aw na ta, zaozi ta nama râh chahryh aw vei.

MIKÂ 4:3

Khazohpa ta phopizy likah liata bie pachia aw ta, Lâhlapi liata phopi thatlôpazy châta biepathluna a tao aw; Ama zaozizy cha, Leipaliena thua pazaopa lâta daih aw ei ta; Ama aseizy cha, Theilâ kô taina tâkô lâta ama daih aw. Râh kha nata râh kha zaozi a hy thlu khao leipa aw ei ta, Adyuhna kyh a chu khao aw veih ei.

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 8:55

Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

HEBRAI 8:11

‘Abeipa pahno teh,’ tahpa ta, Vaih nata vaih a pachu raihrie khao leipa aw ei ta, Unawh nata unawh a pachu raihrie khao aw veih ei; A chyh chaipa tawhta a lai chaipa taihta, Ama zydua ta eina pahno khai aw ei.

1 ZAWHÂNA 4:6

Keimo cha Khazohpa tawhtapa châ pi ta, Khazohpa a pahnopa maihta eima bie nathlie ei ta, Khazohpa tawhtapa a châ leipazy deikua cha, eima bie nathlie veih ei. Cha liana chata Thlahpa dopa nata thlahpa doleipa eima pahno.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.