HÔSIA 2:2 - Mara Bible RV (BSI)

² “Nama nô cha a haw u la, A haw chaimâh teh u; Ei lapinô châ leipa ta, A vahpa châ va na. A sihryhna cha a hmia tawhta thy sala, Â pheina cha a sâhpizy tawhta thy mawh sy!

HÔSIA 2:2 ပူးပေါင်းရင်းမြစ်များ

ISAI 11:12

Râhzy lâta ngiana poh chaluahpa ta, Ama râh tawhta papuapa Izarei sawzy pahmaoh aw ta, Zudâh paipatlapazy cha, Alei ki palih tawhta a pakhy aw.

ISAI 50:1

Abeipa ta hetana heta a tah: “Nama nô ei papua hapa kha, Ei mana ryuchâ khataih liata a y? Leih ei bâhpa ahy hnohta ma ei cha zua ei? Pachâ teh u, nâmo moleinazy vâta zuapa châ ei chi ta, Nâmo paraonazy vâta nama nô cha papuapa a châ.

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ZEREMIAH 19:3

Hetana heta na tah aw: ‘Hy Zudâh beizy nata Zerusale khihsawzy saih u, Abeipa bie he thei teh u. Pheisaihzy Abeipa, Izarei Khazohpa ­ta hetana heta a tah: Pachâ teh u, he su liata chhiena rarôh ypa vaw patlôsa aw na ta, a theipa maihta ama nah a khai aw.

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

ZEREMIAH 3:13

“‘Nâ deikua cha na thaileichâna a pahno mah y: Abeipa na Khazohpa a dyuhpa ta, Tho hrohpa ry to liata chihropazy khokhei chi ta, Ei bie zyh va chi,’” Abeipa ta a tah.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

EZEKIA 16:20

“Nâma nâ zuapa bao hmahta â daih tah leipa chi ta, keima liata na sapa na sawchapawzy nata na sawchanôzy a chhi chi ta, atheihna ta hlâ awpa nata ama nie awpa ta, khazoh nothlahpazy lâ na hlâ ei.

EZEKIA 16:25

Lâtlei to liata su sâhpa a sa chi ta, na chhithaina cha pasichhihna ta taopa ta, châ chapiapa maih châta na keih pakai chi ta, na sihryhna na papôh via rili.

EZEKIA 20:4

Âmo cha na pachia aw ei ma, Hy chyhsa sawchapawpa, na pachia aw ei ma? Âmo pathlatuhpazy pasichhihnazy pahnosa la,

EZEKIA 23:43

“Chatawhcha apheina ta a tha a pachhâ hapa chanô kyh liata hetana heta ei tah: ‘Azuahnô ta hmâh lymâ mawh ei sy, cha cha a châna dopa a châ.’

EZEKIA 23:45

Châhrasala chyh­sa siapazy ta âmo cha pachia aw ei ta, apheinô châta pachiana nata thisaih a palopa chanô châta pachianazy ta ama pachia aw. Apheinôzy ama châpa vâta, ama ku liata thisaih a ypa ama châ.”

HÔSIA 1:2

Abeipa ta Hôsia hmâpa ta bie a rei tua nota, Abeipa ta Hôsia hnohta, “Vawh la, sihryh nô na lapinô ta kei hnei la, sihryhpa sawzy sa teh, râh he sihryh ha ta Abeipa â pheisaih hapa vâta,” tah ta.

HÔSIA 2:1

Nama unawhzy cha “Ei phopi” tah u la, nama sietanôzy cha “Ei kyhpachâpa” tah teh u!

HÔSIA 2:5

Ama nô ta sihryhpa ta y ta, Âmo a phaohtuhpa ta Nozana chhao pahno leipa ta, ‘Ei khopawzy ei chadai aw ei; Ei viahchhâ nata ei ti, Ei sahmi chysia nata pala rih dipa poh, Ei sathaw nata ei dopa Nâ pietuhpazy ei chadai aw ei,’ a tah.

HÔSIA 4:5

Nohchhô sawhvaw ta pao aw chi ta, Zâ ta hrohsopa nata na pao khoh aw; Na nô cha ei pahleipadia aw.

MIKÂ 2:13

Thokhy a chatôhtuhpa ama hmia lâta sie ta, Chatôh lymâpa ta chhikao tlô ei ta, Chhikao tawhta ama pua. Ama bei cha ama hmia lâta sie ta, Abeipa cha ama luh chô lâta a sie.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.