HÔSIA 2:16 - Mara Bible RV (BSI)

¹⁶ “Cha noh liata cha, ‘Ei zibeipa’ na tah khao leipa aw chi ta, ‘Ei vahpa,’ ei na tah bâ aw chi,” Abeipa ta a tah.

HÔSIA 2:16 ပူးပေါင်းရင်းမြစ်များ

ÂTHAONA 34:3

Sekhe palôh cha Zakaw sawchanô Dinâ liata khâchâ y ta. Laihsa cha kyhpachâ kaw ta, reikah phapa ta bie a chho ta.

ISAI 40:2

Zerusale cha bie pha a chho u la, A hnohta, Â dyuhna chhâ ha ta, A paraona a ngiahthaipa a châ haw; A moleina zydua vyuhpa ta, Abeipa ku tawhta a lie no ta a hmô haw, Tahpa ta chho teh u.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ZEREMIAH 3:14

“Hy ngiapâ hnôhsypa sawzy saih u, Nama vahpa ei châ hih, Vaw kua teh u. Khihpi tawhta pakha cha la aw ei na ta, Chhôh to tawhta pano lapa ta, Zaio lâ ei châ chhi aw ei,” Abeipa ta a tah.

EZEKIA 20:35

Phopi hrozy râhchawhpa lâ châ chhi aw ei na ta, cha liata hmiachhypa ta ei cha pachia aw ei.

HÔSIA 2:7

A khopawzy cha chadai aw ta, Châhrasala pha aw vei; Tlua laih aw ta, Hmô aw vei. Cha tita, ‘Ei vahpa tuapa lâ ei kua aw, Kha daihti kha tahmâ tahpa hlâta Ei châta a pha via,’ a tah aw.

ZAWHÂNA 3:29

Myuh a hneipa cha myuhneituhpa a châ. Myuhneituhpa viasa, myuhneituhpa pahnokhei awpa ta a duahpa cha, myuhneituhpa ao a theipa ta a palysa ngaita. Chavâta tahmâ ei lyna pakipa a châ haw.

2 KAWRINI 11:2

Vahpa pakha, Krista tlai cha, châ pahawhpa ei na ta, ano châta laihsa kôpa pathaihpa châ awpa ta a hnohta ei hlâ hapa nama châpa vâta, Khazohpa hiatliana ta ei hia ei cha tlia ei.

BIEPHUAH 19:7

Alypa nata thaphapa ta y sih la, Ano palyupalih suh u; Mietakutaw myuh hneina vaw tlô ha ta, A myuh chhao â mâ haw.

RYUREITUHPAZY 19:3

A vahpa cha thyu ta, a nôtho lâ cha sie ta, bie phapa a chhopa ta, a vaw chhi heih awpa a chhuah ta. A chakaotuhpa satlia pakha nata alâ pô no a chhi ta. A nôtho ta a vahpa cha a paw o lâ a ngiakhei ta. Chanô paw ta a piahpa cha a vaw hmô nahta, a ly kawpa ta bie a chho ta.

RUTHI 2:13

Ruthi ta, “Ei zibeipa y, na mohmô liata khokheina ei hlaopa a châ hih! Na laihsazy hry liata a hlao pha vei hraw sah la, châ chakaotuhnô he thlah na palôh chi ta, reikah phapa ta bie einâ chho chi hih,” tah ta.