HÔSIA 2:15 - Mara Bible RV (BSI)

¹⁵ Cha liata a kre sadôzy pie pakhua aw na ta, Akhaw Saikao cha, Hnabeiseihna ochhi ta ei tao aw. A thyutlia daihti hawhna khata, Na chyh-ei heih aw ta; Izi râh tawhta a kaw puana no hawhna khata, Eina chyh-ei heih aw.

HÔSIA 2:15 ပူးပေါင်းရင်းမြစ်များ

1 ABEIZY 16:31

Nebâ sawcha­pawpa Zerôbaw moleina lâpi â chhihpa rakhapa cha khâpa hmahta a châ leipa ta rao ta, Sidaw bei Ethabâlâ sawchanô Zezebel cha lapinô ta hnei ta. Sie ta, Bâlâ kei chakao ta, Bâlâ cha â chhy tyh.

HLAZY 106:12

Chatawhcha a biezy zo ei ta, Ano reithaina hla ama sa.

HLAZY 129:1

Tahmâ cha Izarei ta, “Ei thyutlia no tawhta ei hluhpi na pasasa ei ta,

ISAI 65:10

Saraw bypi cha, Nâ tluatuhpa ei phopi châta Mietaku zawzy tlaihna châ aw ta, Akhaw Saikao chhao, Viahchao hrizy abyuna su a châ aw.

ISAI 65:21

Ozy sapa ta tlôh aw ei ta, Kre sadôzy tao aw ei ta, A theizy ama nie aw.

ZEREMIAH 2:1

Abeipa bie ei hnohta vaw tlô heih ta,

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 3:4

Tahmâ tlai kha vei ma na aw chi ta, ‘Ei paw, ei thyutlia no tawhta ei viasa châ chi ta,

ZEREMIAH 32:15

Pheisaihzy Abeipa, Izarei Khazohpa ta hetana heta a tah: He râh liana heta ozy, lyuzy nata kre sadôzy chaleina a y heih aw,’ tah na ta.

CHAPHÔHTUNA 3:21

Châhrasala he he a thei heih na ta, Chavâta hnabeiseihna ei hnei.

EZEKIA 16:22

Na pasichhihna nata nâ zuana zydua liata, thluahruapa nata sasaihpa ta ypa ta, na thisaih liata nâ hlaona, na thyudyu daihti kha a thei khao va chi.

EZEKIA 16:60

Chatahrasala na thyutlia daihti liata na hnohta biehrai ei taopa kha a thei aw na ta, na hnohta chhâzaw biehrai ei tao aw.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

EZEKIA 28:25

“Abeipa Zehôvâh ta hetana heta a tah: Izarei pathlazy cha hiepatlapa ta ama yna phopizy tawhta a chhi pakhy heih aw ei na ta, râhzy mohmô ta ei pathaihna ama chô liata ei palâsa tita, nâ chakaotuhpa Zakaw hnohta ei piepa ama râh lia tlai ta ama pahrâ heih aw.

EZEKIA 28:26

Cha liata â bohpa ta pahrâ aw ei ta, ozy sa aw ei ta, kre sadôzy ama tao aw. Âmo a mohnaotuhpa ama chheipâh râhzy ei pachia ti ei ta, âmo cha â bohpa ta ama y aw. Chatanachata Abeipa ama Khazohpa ei châ tahpa ama pahno aw.”

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

HÔSIA 12:13

Hrohsopa hmâpa ta, Abeipa ta Izi tawhta Izarei a kaw chhi ta; Hrohsopa hmâpa ta, A hrôbieh lymâ.

HÔSIA 12:9

Izi râh tawhna khata, Kei he Abeipa na Khazohpa châ na ta; Kyhchhi nohzy hawhna khata, Poh ozy liata ei cha pahrâsa heih aw.

HÔSIA 13:4

Châhrasala Izi râh tawhna khata, Kei he nama Khazohpa cha ei châ; Keima leipa ta Khazohpa hropa pahno leipa ei chi ta, Keima leipa ta pachhatuhpa hropa y veih ei.

HÔSIA 2:12

A kre zôhzy nata a theiku kôzy parao aw na ta, A khopaw tawhta a hmôpa, A hlao hawhta a pachâpazy ei parao khai aw. Lyurâhpa lâta palie aw ei na ta, Râhsazy ta ama bâ khai aw.

AMÔSÂ 9:14

Ei phopi Izarei cha, Vânoh ei patosa heih aw; Khih rypazy paduapathi aw ei ta, Cha liata ama pahrâ heih aw; Kre sadôzy tao aw ei ta, Kresawhti ama doh heih aw; Sadôzy tao aw ei ta, A theizy ama nie heih aw.

ZEKARIA 9:12

Hnabeiseihna a hneipa atâhpazy saih u, Nama thokhy lâ kua teh u; Tanoh tlai ta ei phuah, A lie no ta ei cha thô aw ei.

MALUHREINA 21:17

Chavâta Izarei ta hetana heta hla a sa: “Hy tikhaoh, ti kaw pali mah y! Tikhaoh lâ hla sa teh u!

ZAWHÂNA 10:9

Kei he ochhi ei châ. Ahy rai keima liata a ngiapa cha, pabohsapa ta y aw ta, a ngia aw ta, pua aw ta, sibiepa su a hmô aw.

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

ZAWSUA 7:26

A chô liata alô hluhpi pacho thlu ei ta, cha cha tanoh taihta a y thlâh haw. Chatanachata Abeipa cha a pathiiana ru ngaitapa tawhta â palie haw. Chavâta cha su cha tanoh taihta Akhôrâ Saikao tahpa a châ.

RYUREITUHPAZY 8:34

Su to liata ama chariahzy ku tawhta âmo pachhatuhpa Abeipa ama Khazohpa cha Izarei sawzy ta a thei khao veih ei.