HÔSIA 2:14 - Mara Bible RV (BSI)

¹⁴ “Chavâta, pachâ teh, ano cha sydiepa ta, Râhchawhpa lâ a chhi aw na ta, Ao naipa ta ei chho heih aw.

HÔSIA 2:14 ပူးပေါင်းရင်းမြစ်များ

ÂTHAONA 34:3

Sekhe palôh cha Zakaw sawchanô Dinâ liata khâchâ y ta. Laihsa cha kyhpachâ kaw ta, reikah phapa ta bie a chho ta.

ZAWBÂ 36:16

Pachârôhna tawhta cha papuapa ta, Pakhâpadiena y leina su kawhpa lâ châ chhi ta, Pati pahâh chaipazy ta na tlâhkhai a bie.

HLAZY HLA 1:4

Na ku ta nâ kei la, A râ ei suh u. Abei ta a chhôhpadâhpazy lâ einâ ngiakhei haw. Nâ liata a lypa ta eima thapha aw ta, Na kyhpachâna cha kresawhti hlâta eima cheihchalo via aw; Ama cha khoh kaw saipa he â vaw do tlai na.

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 5:5

Chavâta ei kre sadô chô liata ei tao awpa Tahmâ ei cha chho aw ei. A diahpai phie aw na ta, Nie khaipa ta a y aw. A diahsua parao aw na ta, Tlypâpa ta a y aw.

ZEREMIAH 16:14

“Chavâta pachâ teh u, nohzy a vaw tlô hai, Abeipa ta a tah. Cha tita cha ‘Izarei sawzy Izi râh tawhta a kaw chhi papuatuhpa Abeipa hrona reipa ta ei reih,’ tah khao leipa aw ei ta,

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 45:4

Châhrasala Abeipa ta na hnohta reih awpa ta hetana heta eina chho: Abeipa ta hetana heta a tah: Pachâ teh, ei padua hapa cha phie heih aw na ta, ei bô hapa chhao ei phia heih awh.

EZEKIA 20:10

Chatanachata Izi râh tawhta a chhi papua ei na ta, râhchawhpa lâ ei siekhei ei.

EZEKIA 20:33

“Ei hrona reipa ta ei reih. Ku thatlôpa nata bâh pazawhpa nata hiehâhna patlaipa ta, nama chô liata ryu ei reih aw, Abeipa Zehôvâh ta a tah.

HÔSIA 2:3

Chataleipatala thluahruapa ta soh aw na ta, A pi noh hawhna khata ei tao pathlei aw na; Râh chawhpa ta tao aw na ta, Sadi su lâta paliepa ta, Dâhphina ta ei thie pathlei aw na.

MIKÂ 1:7

A nothlahpa khazoh zydua cha, Pakeichheih khaipa châ aw ta, A hlao zydua mei ta rao khaipa a châ aw. A nothlahpa khazoh zydua cha, Ei parao khai aw; Âzuahnô ta â zuana ty hmâpa ta A pahmaohpazy châ ei ta, Âzuahnô ty châta hmâ heihpa ama châ aw.

MIKÂ 4:10

Hy Zaio sawchanô y, Chanô sawzeihpa hawhta, A taikalô la a rôh teh; Khihpi tawhta pua aw chi ta, Lyurâhpa liata na pahrâ aw; Babylaw lâ sie aw chi ta, Cha liata pachhapa na châ aw; Cha liata na chariahpazy ku tawhta Abeipa ta a cha chatlai aw.

ZAWHÂNA 12:32

Kei he alei tawhta chaluahpa ei châ tita, chyhsa zydua kei lâta ei sy aw ei,” tah ta.

ZAWHÂNA 6:44

Nâ tuahtuhpa Paw ta a sy vei khiahta la, ahy hmah kei lâ a vy thei aw veih ei. Kei lâ a vypa cha noh chhâna noh liata ei pathyu aw.

BIEPHUAH 12:14

Châhrasala chanô cha râhchawhpa liata a y nawpa su lâ â zaw thei nawpa ta, pahmôhpi lai ngaitapa mathlaw miano piepa châ ta, cha liata, parih ta a hmô thei khao leina liata kô thôh nata khophie chhôh pasapa a châ aw.

BIEPHUAH 12:6

Chanô cha Khazohpa ta ano châta â chhuahdypa su, râhchawhpa lâ a râ syulyu ha ta. Cha liata noh 1,260 chhôh pasapa a châ aw.

RYUREITUHPAZY 19:3

A vahpa cha thyu ta, a nôtho lâ cha sie ta, bie phapa a chhopa ta, a vaw chhi heih awpa a chhuah ta. A chakaotuhpa satlia pakha nata alâ pô no a chhi ta. A nôtho ta a vahpa cha a paw o lâ a ngiakhei ta. Chanô paw ta a piahpa cha a vaw hmô nahta, a ly kawpa ta bie a chho ta.