HÔSIA 2:12 - Mara Bible RV (BSI)

¹² A kre zôhzy nata a theiku kôzy parao aw na ta, A khopaw tawhta a hmôpa, A hlao hawhta a pachâpazy ei parao khai aw. Lyurâhpa lâta palie aw ei na ta, Râhsazy ta ama bâ khai aw.

HÔSIA 2:12 ပူးပေါင်းရင်းမြစ်များ

HLAZY 80:12

Khazia ma a diahpaizy na parao ha tly? A chapiapa maihta a theizy ama lyu bâ he zaw!

ISAI 29:17

Bohpi leipa ta Lebanaw cha, Lei phapa lyu ta pachâsapa châ aw ta; Lei phapa lyu cha, Râhmâhpa ta pachâ­pa a châ aw?

ISAI 5:5

Chavâta ei kre sadô chô liata ei tao awpa Tahmâ ei cha chho aw ei. A diahpai phie aw na ta, Nie khaipa ta a y aw. A diahsua parao aw na ta, Tlypâpa ta a y aw.

ISAI 7:23

Cha noh liata, sekel sâh kha mâpa kre zôh sâh kha y tyhna su zydua cha, diahsai nata ahloh su lâta amâ lie khai aw.

ZEREMIAH 13:26

Keima tlai ta na hnorâh ty aw na ta, Na hmia khuna taihta ei ty aw; Chatanachata maophyuhpa ta na y aw.

ZEREMIAH 26:18

“Môrese chyhsa Mikâ ta Zudâh bei Hezekia â beina daihti liata hrohsona bie phuah ta, Zudâh zawpi zydua hnohta, ‘Pheisaihzy Abeipa ta hetana heta a tah, “‘Zaio cha leipalie hawhta paliepa châ aw ta, Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw,’” tah ta.

ZEREMIAH 5:17

Na kôvei nata pati zy nie khai aw ei ta, Na sawchapawzy nata sawchanôzy ama nie khai aw. Na mietaku zawzy nata na viahchao hrizy nie khai aw ei ta, Na kre zôhzy nata na theiku kôzy ama nie khai aw. Nâ ngâchhâpa na thokhy khihpizy tlai chhao, Zaozi ta ama parao khai aw.”

ZEREMIAH 8:13

“Ama kôveizy lapa khai aw ei na ta, Kre zôh liata a theizy y khao aw vei. Theiku kôzy liata chhao theikuzy y khao leipa aw ta, Ama hnazy a uah khai aw. Âmo ei piepazy ei kha, Âmo tawhta la pakhuapa a châ aw,” Abeipa ta a tah.

HÔSIA 13:8

Chavyh a taw ama chhupa hawh ta A zawhnao aw ei na ta, Ama châh-ao alâna taihta Ei hriechhei khai aw ei; Cha liata âmo cha, Chakeibarôhneipa hawhta nie aw ei na ta; Sahrâhpa hawhta Ei hriechheih khai aw ei.

HÔSIA 2:5

Ama nô ta sihryhpa ta y ta, Âmo a phaohtuhpa ta Nozana chhao pahno leipa ta, ‘Ei khopawzy ei chadai aw ei; Ei viahchhâ nata ei ti, Ei sahmi chysia nata pala rih dipa poh, Ei sathaw nata ei dopa Nâ pietuhpazy ei chadai aw ei,’ a tah.

HÔSIA 5:14

Epharai châta chakeibarôhneipa hawhta châ aw na ta, Zudâh châta chakeibarôhneipa lochopa hawhta ei châ aw. Kei, keima tlai ta hriechheih aw ei na ta, Ei sie ha aw; Siekhei aw ei na ta, A pachha awpa y aw veih ei.

HÔSIA 9:1

Hy Izarei, a ly leipa la, Phopi hropazy hawhta na thapha khah sy. Sihryhpa ta na Khazohpa a pheisai chi ta, Sawhrihmo to liata Âzuahnô ty na tlaichhai tyh.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.