HÔSIA 14:5 - Mara Bible RV (BSI)

⁵ Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

HÔSIA 14:5 ပူးပေါင်းရင်းမြစ်များ

2 SAMUELA 23:4

My noh khaihpa hawhta châ ta, Noh vaw chhi ta meihdo a y leipa my hawh a châ. Vâsua khai noh khaih pha ry liata, Alei si panyupa a kaw pyuhpa hawhta a châ.

2 ABEIZY 19:30

Zudâh pathla laibâhpazy cha a ry lâ thari thla aw ei ta, a chô lâta thei ama pathei heih aw.

ZAWBÂ 29:19

Ei tharizy ti daih aw ei ta, Ei chiahzy liata azo zâ khihdei diati a y aw;

HLAZY 133:3

Adyhna cha Hâmaw diati lyu ta, Zaio tlâhzy liata a tlapa diati tlai a lyu. Adyhna liana cha Abeipa ta byhnâ tona bie pie ta, Tlyzaw hrona bie a pie.

HLAZY 72:16

Râh liata kô thata veih sala, Tlâhpizy liata sâh a chanei mawh sy. A thei cha Lebanaw hawhta châ sala, Khihpi chyhsazy chhao lyurâh sibiepa hawhta, Ama paw pakai mawh ei sy.

HLAZY 72:6

Abei cha sibie thlyupa chô liata vâsua hawhta châ sala, Alei a baopa khihti hawhta châ mawh sy!

HLAZY 80:9

Chhaohlei pathaipa chi ta, Â thupi taih a thari thla ta, Lyurâh a bie khai haw.

HLAZY 92:12

Mosiapa cha thiahrâ kô hawhta locho aw ta, Lebanaw sidy tho hawhta a laiseih aw.

HLAZY 92:13

Âmo cha Abeipa o liata lopazy châ ei ta, Eima Khazohpa o dôhpachhôh tlyhmia liata lochopa ta ama y.

BIESOZY 19:12

Abei hiehâna cha chakeibarôhneipa a rôhpa hawhta châ ta, A khokheina deikua cha sibiepa chôta diati a tlapa hawhta a châ.

HLAZY HLA 2:16

Ei lôhdupaw cha kei eih châ ta, Kei chhao ano eih ei châ; Ei lôhdupaw cha lilipawzy hry liata A mietaku zawzy a patlaihsa tyh.

HLAZY HLA 4:5

Na sâhpi mianozy cha sakhih taw pô no lyu ei ta, Lilipawzy hry liata a tlaihpa Sakhih taw maphieh tlai ama lyu.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 18:4

Abeipa ta ei hnohta hetana heta a tah: “Noh sa nota noh lopa hawhta, Ei pahrâna su tawhta a chalihpa ta sai aw na ta, Sâh hria noh lo nota avâ meihdo hawhta, A chalihpa ta ei sai thlâh ha aw.”

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ISAI 27:6

Noh a vaw tlô awpazy liata, Zakaw cha thari thla aw ta, Izarei cha a chhyh thaopa ta a paw pawh aw ta, Khizaw zydua he a thei ta a pabie aw.

ISAI 35:2

Râhchawhpa ta a paw pakai aw ta, Thaphapa nata hla sapa ta â ly aw. Lebanaw rônahna a hnohta piepa châ aw ta, Kâmel nata Saraw angiana chhao, A hnohta piepa a châ aw. Abeipa rônahna hmô aw ei ta, Eima Khazohpa angiana ama hmô aw.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 45:8

“Avâzy saih u, chô lâ tawhta vâkatlâ patlasa u la, Meihdozy tawhta siana avâ za suah mawh sy. Alei a pahy sala, Pachhana chhyh kaw thao mawh sy; Siana chhao a chhyh kaw thao sala, Pachhana nata pyuh khoh mawh sy; Kei Abeipa heta chazy cha ei paysapa a châ.

ISAI 57:18

A hroziezy hmô na ta, Châhrasala ei patlâh pyly aw. Ano cha a chhi aw na ta, Thlalôhna ei pie heih aw; Ano châta mâchhie a sapazy chhao, Thlalôhna ei pie heih aw.

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

ZEREMIAH 3:22

“Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.

ZEREMIAH 32:41

Ama phana taopa cha ei lyna châ aw ta, ei palôh nata ei hro zydua ta he râh liata ngâchhihpa ta ei loh aw ei.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

MIKÂ 5:7

Zakaw laibâhpazy cha, Phopizy hry liata ama y aw; Abeipa tawhta diati hawhta châ aw ei ta, Sibiepa chô lia vâsua hawhta ama châ aw; Chyhsa châta pahawhpasâh leipa aw ei ta, Chyhsa sawzy hâ hra aw veih ei.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

MATHAI 6:28

Khazia abu asai kyh liata nama nô a po? Râh liata lilipawzy pachâ tua u, kheihta ma ama laiseih? Hriapasa leipa ei ta, pala so hra veih ei.

LUKA 12:27

Lilipawzy laiseihzie pachâ tua u. Raihria leipa ei ta, pala hria hra veih ei. Châhrasala ei cha chho ei, Sawlawmaw tlai chhao kha, a rônah thei chaipa hawhta â tobi no kha, lilipaw miakha tlu chhao heta tobipa ta y vei.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

RYHPACHANEINA 32:2

Ei pachuna avâ hawhta suah sala, Ei bie diati hawhta tla mawh sy; Si panyupa chô liata avâ di hawhta tla sala, Sihnapa chô liata avâ hawhta suah mawh sy.