HÔSIA 14:1 - Mara Bible RV (BSI)

¹ Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 14:1 ပူးပေါင်းရင်းမြစ်များ

2 ABEIZY 8:12

Hâze ta, “Ei zibeipa cha khazia ma a cha tly?” tah ta. Khazohpa chyhsa ta a chhy ta, “Izarei sawzy chô liata hmo pha leipa na tao awpa ei pahnopa vâta a châ. Ama thokhyzy rao aw chi ta, ama satliazy zaozi ta thie aw chi ta, ama hawtizy taichheih aw chi ta, saw phaohpa ama chanôzy py na pahy aw,” tah ta.

ISAI 19:22

Abeipa ta Izi cha tu aw ta, tupa ta patlâh aw ta, Abeipa lâ kua aw ei ta, zawngiah awpa ta amâ hawpazy cha Abeipa ta nathlie aw ta, a patlâh aw ei.

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZEREMIAH 4:1

“Hy Izarei y, na kua awpa khiahta la, Kei lâ vaw kua mah y,” Abeipa ta a tah. “Na pasichhihnazy ei mohmô tawhta pasie la, Na palôh a zawvaw leipa sala,

CHAPHÔHTUNA 5:16

Eima luh tawhta lakho tla ha ta, Molei ha pi ta, eima hu a po kaw dia!

EZEKIA 16:46

Na narô uhtheinô cha Samâri châ ta, nâ tawhta nochhi lâ liata a sawchanôzy chhao ta ama pahrâ. Na narô seihnainô cha Sawdawmâ châ ta, nâ tawhta chho lâ liata a sawchanôzy chhao ta a pahrâ.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

EZEKIA 33:14

Moleipa hnohta, ‘Na thi tlai aw,’ tah hraw sah la, a moleina siesaipa ta, siana nata adona tao sala,

HÔSIA 10:12

Na châta siana chi tu la, Kyhpachâna tleih beih leipa thei hria mah y; Na râhmâhpa palie bâ teh. Tahmâ he Abeipa tlua daihti cha a châ hih, Chatanachata a vy aw ta, Na chô liata siana avâ a pasuasa aw.

HÔSIA 12:6

Na Khazohpa lâ kua la, Ngâchhihna nata adona patu la, Na Khazohpa cha khâ ngâ mah y!

HÔSIA 12:8

Epharai cha a palai kawpa ta, “Âh, hneirôh ha na ta, Sôh nah thih ei hnei haw; Ei raihria zydua liata moleina hmô khao leipa aw ei ta, Paraona keima liata hmô khao aw veih ei,” a tah.

HÔSIA 13:9

Hy Izarei, nâ dyuh chi ta, Châ baotuhpa nâ dyuhpa vâta, Pahleipadiapa na châ.

HÔSIA 4:8

Ei phopi moleina atheihna sa nie ei ta, Chavâta chyhsazy ta moleina hmo ama tao awpa Tlao ama khoh kaw tyh.

HÔSIA 5:5

 palaina ta Izarei cha hmiadaisâ ta padei ta, A thaileichâna liata Izarei nata Epharai ama pao; Zudâh chhao ama hnohta a pao hra.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

HÔSIA 9:13

Tyre hawhta Epharai chhao, Si panyupa su liata lopa a châpa ei hmô; Châhrasala Epharai cha, Thietuhpazy lâta a sawzy â chhi aw ei.

HÔSIA 9:7

Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

AMÔSÂ 1:13

Abeipa ta heta na heta a tah: “Amawna mo moleina miathôh vâta, Âh, miapalih vâ chhao rai ta, Hriena chalihsa aw va na; Ama râh ama pakawh thei nawpa ta, Kilia chanô sawphaohpazy py taihta ama pahypa vâta.