HÔSIA 13:2 - Mara Bible RV (BSI)

² Tahmâ chhao molei via rili ei ta, Ama tâkâ ta leihpa nothlahpazy amâ tao; Cha zydua cha âmo pachâpalipa ta Zôthaipazy taopa sai a châ. Chavâta âmo kyh liata, “Atheihna a hlâpazy ta Viahchaotaw amâ pahnâ,” Ama tah tyh.

HÔSIA 13:2 ပူးပေါင်းရင်းမြစ်များ

1 ABEIZY 19:18

Châhrasala Izarei râh liana heta Bâlâ hmiakô liata pakhu paneih beih leipa nata Bâlâ a pahnâ beih leipa chyhsa sâh sari kei châta ei pahlôh aw,” tah ta.

2 THÂTIHZYRONA 28:13

ama hnohta, “He liata seizy namâ vaw ngiakhei awpa châ vei. Eima moleinazy nata eima paraonazy hleikhô ta, Abeipa chô liata eima paraona baichha awpa namâ chhuahpa a châ hih. Moleina ru ngaitapa hnei pi ta, pathiiana ru ngaitapa Izarei chô liata a tlô thlu ha hih,” tah ei ta.

2 THÂTIHZYRONA 33:23

Amawna cha a paw Manase a panawhpa hawhna khata Abeipa hmiakô liata a panawh khoh vei. Chavâta thaileichâna ano liata â baichha via lymâ.

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

ISAI 1:5

Khazia hmo parao lymâpa ta, Tupa ta khâ nama y aw? Na luh zydua pasa ta, Na palôh tlokhuh a panao haw.

ISAI 30:1

“Saw chhorupazy ama hu a po na,” Abeipa ta a tah. “Ryhraona tao ei ta, Châhrasala keima ryhraopa châ vei; Azaona tao ei ta, Châhrasala ei Thlahpa ta taopa châ vei. Chavâta moleina ama baichha via lymâ.

ISAI 44:11

Pachâ teh u, ano zituhpa zydua cha, Maophyuhpa ta ama y aw; Zôthaipazy cha chyhsapa deita ama châ. Ama zydua ta a vy ei sala, Ama thâtih a vaw duakhei tua ei sa. Chipa ta paysapa châ aw ei ta, Maophyuhpa ta taopa ama châ aw.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 46:6

Sahria tawhta ngôh bôpa ta, Khopathliahna ta tâkâ pathliah ei ta, Ngôh daihtuhpa pahriahlaosapa ta, Ngôh nata tâkâ hmâpa ta khazoh pataosa ei ta, A bôh ei ta amâ chhy.

ISAI 46:8

“Nâmo moleipazy saih u, He hmo he my leipa u la, Pachâ u la, a thei thlâh ha muh vy.

ZEREMIAH 10:4

Tâkâ nata ngôh ta tobi ei ta, Â pasie lei nawpa ta thua nata syulô ta ama khai pâ tyh.

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

ZEREMIAH 8:5

Cha hawhta a châpa tlai ta, Khazia ma he phopi heta lâpi tlei ei ta, Hnôh amâ sy pathlah ha tly i? Dôveina khâchâ patu ei ta, Kua khoh khao veih ei.

HÔSIA 10:1

Izarei cha kre zôh sichâphapa châ ta, A pathei pha ngaita tyh. A pathei hluh via nahta, Maisâh hluh via tao ta; A râh a pha via nahta, Panana tôh a hluh via.

HÔSIA 10:5

Bethave liata viahchaotawzy vâta, Samâri mo amâ chalyu aw; A rônahna ta a puasai hapa vâ ei ta, A chyhsazy ta cha thlu aw ei ta, A theihthaipazy amâ chalyu aw.

HÔSIA 11:2

Awpa ama châ via nahta, Amâ pahla via rili; Bâlâzy lâ atheihna hlâ ei ta, Nothlahpazy lâ hmo ama hlâ tyh.

HÔSIA 11:6

Zaozi ta ama khihpizy a dyuh aw ta, Ama thokhy chhikao tlâhzy a chhawh pachhô khai aw; Ryh amâ raopa pha leipa vâta A pahleipadia khai aw ei.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

HÔSIA 2:8

Sâh nata kresawhti ta vaohei na ta, Sathaw ta a vaoheituhpa kha, Keima tlai he ei châpa pahno vei. Bâlâ châta ama hmâpa tâkâ nata ngôh ta A tobituhpa chhao kha, Keima tlai he ei châpa pahno vei.

HÔSIA 4:17

Epharai cha nothlahpa nata a zao ha ta, Ano y ta y mawh sy.

HÔSIA 8:4

Beizy padua ei ta, Châhrasala keima raopa châ veih ei; Beimachâzy rao ei ta, Châhrasala pahno veih ei na. Ama tâkâ nata ngôh ta nothlahpazy tao ei ta, Âmosasyh ta amâ parao.

HÔSIA 8:5

Hy Samâri, Na viahchaotaw nothlahpa kha ei dytha; Ama chô liata ei hie a hâh ngaita. Khachâ ma sia leipa ta ama y aw tly?

HÔSIA 8:6

Viahchaotaw cha Izarei ta a taopa châ ta, Syudaihpazy ta ama daipa a châ; Khazohpa châ vei. Samâri viahchaotaw cha, Pakeichheih khaipa a châ aw.

MALUHREINA 32:14

Châ pathlatuhpazy kha moleipa pathlazy châ ei ta, nâmo chhao âmo su a thlapa ta, Izarei chô liata Abeipa pathiiana chichhihpa nama baichha via rili he zaw!

RAWMA 11:4

Khazohpa ta kheihta â chhy? “Bâlâ hmiakô liata pakhu paneih beih leipa chyhsa sâh sari kei châta ei pahlôh thlâh haw,” tahpa ta â chhy.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.