HÔSIA 13:15 - Mara Bible RV (BSI)

¹⁵ A unawhzy hry liata Thlaochhipa ta y hra sala, Râhchawhpa lâ tawhta Abeipa thlih, Nochhi thlih a vaw pathli aw; A chavah kua aw ta, A tihnawh a hi aw; A ryusôhpa hmo pha tozy chhao, Hrao khaipa a châ aw.

HÔSIA 13:15 ပူးပေါင်းရင်းမြစ်များ

ÂTHAONA 41:23

Cha hnôhlâ ta sâh suh sihpa nata dipa, nochhi thlih ta a chhei chahrie hapa suh sari kaw pua ei ta.

ÂTHAONA 41:52

“Khazohpa ta ei riethei taona râh liata ei chipathla a papôh haw,” tah ta, a panona moh cha Epharai a bi.

ÂTHAONA 41:6

Âmo hnôhlâ ta sâh suh sihpa nata nochhi thlih ta a chhei chahrie hapa suh sari kaw pua ei ta.

ÂTHAONA 48:19

Châhrasala a paw ta khoh leipa ta, “Ei pahno na, ei sawchapawpa y, ei pahno na. Manase chhao phopi miakha vaw châ hra aw ta, a vaw rônah hra aw. Châhrasala a nawhta he ano hlâta rônah via aw ta, a chipathla cha phopi hluhpi a vaw châ aw,” tah ta.

ÂTHAONA 49:22

“Zawsi cha kre zôh pathei khoh ngaitapa châ ta, Tihnawh kiah liata a pathei khoh ngaitapa a châ; Thokhy khô lâ taihta a chiahzy â zawh.

ZAWBÂ 18:16

A ry lâta a thari raoh aw ta, A chô lâta a chiahzy a uah aw.

HLAZY 1:4

Hmoparaopazy deikua, cha hawhta châ leipa ei ta, Sâh sihpa ziza ta a phaopa hawhta ama châ.

HLAZY 109:13

A pathlazy chhawh pathlahpa ta y ei sala, Chhâ a vaw pazi awpa liata a moh pahno khao leipa châ mawh sy!

ISAI 14:21

Âmo pathlatuhpa moleina vâta, A sawchapawzy thie nawpa su a chhuahdy teh u; Chataleipatala thyu aw ei ta, Khizaw he hnei aw ei ta, Alei chô he khihpizy ta ama pabie pathlei aw na.’”

ISAI 17:13

Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

ISAI 27:8

Izarei cha a dyuh chi ta, A râh tawhta papuapa ta, Na papaipatla haw. Nochhi thlih hrâhpa pathli no hawhta, Abeipa hu thatlôpa ta Izarei cha phaoh ta, A pasie haw.

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ZEREMIAH 20:5

Cha dei châ vei, khihpi hneirôna zydua, a hmo pachôpa zydua, a hmo sôhpa zydua nata Zudâh beizy ryusôhpa zydua cha, ama chariahpazy ku liata hlâ aw na ta, ama chariahpazy ta hrao aw ei ta, patu aw ei ta, Babylaw lâ ama siekhei aw.

ZEREMIAH 4:11

Cha tina cha, he phopi nata Zerusale hnohta hetana heta ama tah aw: “Râhchawhpa awphy tlâh lakizy tawhta thlih lalôhpa ta ei phopi sawchanô lâ vaw pathli ta, châhrasala zie awpa ta tlyma, pathai awpa ta tlyma châ vei.

ZEREMIAH 4:12

Thlih ru ngaitapa eina vaw pathli thlu aw. Châhrasala kei ta âmo cha ei pachia aw ei.

ZEREMIAH 51:1

Abeipa ta hetana heta a tah: “Moh teh u, paraotuhpa thlih ei pathyu aw; Babylaw chô liata pathli aw ta, Lebakâmai chyhsazy chô liata a pathli aw.

ZEREMIAH 51:36

Chavâta Abeipa ta hetana heta a tah: “Pachâ teh, na chhâh a châ aw na ta, Na phuh ei cha lapa aw. A tilaipi pakua aw na ta, A tihnawh ei pachawhkaraisa aw.

EZEKIA 17:10

Moh teh u, lopa châ ha ta, châhrasala a pha aw ma? Nochhi thlih ta a vaw chanaoh tita, uah khai thlâh ha aw vei ma? A pyuna su lia tlai ta uah thlâh ha aw vei ma?’ tahpa ta reih teh,” tah ta.

EZEKIA 19:12

Châhrasala kre zôh cha hiehâhpa ta phia ei ta, Alei liata ama thy haw; Nochhi thlih ta a thei pachawh ta, A theizy zô ta a uah haw. A chiah châpa chhao, Mei ta a kâ haw.

DÂNIAH 11:8

Ama khazoh zy, ama khazoh nothlahpa thua ta leihpa zy, tâkâ nata ngôh ta taopa ama hmobaoh sôhpazy Izi râh lâ siekhei aw ta, kô khazie chhôh ma cha maw bei a dyuh khao aw vei.

HÔSIA 10:1

Izarei cha kre zôh sichâphapa châ ta, A pathei pha ngaita tyh. A pathei hluh via nahta, Maisâh hluh via tao ta; A râh a pha via nahta, Panana tôh a hluh via.

HÔSIA 2:3

Chataleipatala thluahruapa ta soh aw na ta, A pi noh hawhna khata ei tao pathlei aw na; Râh chawhpa ta tao aw na ta, Sadi su lâta paliepa ta, Dâhphina ta ei thie pathlei aw na.

HÔSIA 4:19

Chavâta thlih ta âmo cha a mathlaw liata chahry ha ta, Amâ theihnazy vâta nozapa ta ama y aw.

HÔSIA 9:11

Epharai rônahna cha, Pavaw hawhta â zaw syulyu ha aw; Saw sapa nata saw phaopa y khao leipa aw ta, Nawh â chohpa y khao aw vei.

ZAWNA 4:8

Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.

NÂHU 2:9

Tâkâ hrao u la, Ngôh hrao teh u! Ryusôhpa chhâ tiah leipa ei ta, Sôhthih nata hmo sôhpazy chhâ tiah vei.

RYHPACHANEINA 33:17

Zawsi cha viahchao pataw tuapa tôhpa hawhta rônah ta, A kizy chaoliah tôhpa ki hawhta a châ; A ki ta phopizy tôh aw ta, Ama zydua ta alei chhâna taih a tôh pathlah aw ei. Âmo cha Epharai thy hluhpi châ ei ta, Manase sâh hluhpizy ama châ.”