HÔSIA 13:14 - Mara Bible RV (BSI)

¹⁴ Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

HÔSIA 13:14 ပူးပေါင်းရင်းမြစ်များ

ZAWBÂ 33:24

Khazohpa ta chyhsapa cha zawh a ngiahpa ta, Vâlyuhchâpa hnohta, ‘Khaohtlô lâ a zu awpa tawhta chyhsapa kha pachha mah y, A chatlai nawpa ei hmô haw;

ZAWBÂ 41:22

A rao liata thatlôna y ta, Chichhihna ta a hmia lâta a lâ laih.

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HLAZY 30:3

Hy Abeipa, Athihkhih tawhta ei thlahpa thaoh papua chi ta, Khaohtlô lâ a zupazy tawhta ei hrona na pahro heih.

HLAZY 49:15

Kei deikua cha ei hrona he, Khazohpa ta Athihkhih hmotaotheina tawhta chatlai aw ta, Ano ta eina vaw dy aw. Selah

HLAZY 49:16

Chyhsa a vaw hneirôh tita ngiaroh leipa la, A o a rônah via rilipa chhao ta chi khah y.

HLAZY 71:20

Nôpona nata chhiena hluhpi nâ pahmôsatuhpa nâma tlai chata, Na pahro heih aw chi ta, Alei athupa tawhta eina thaoh heih aw chi.

HLAZY 86:13

Kyh eina pachâna chi he rônah ta, Athihkhih ry chaipa tawhta ei hro na pachha haw.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ZEREMIAH 15:6

Na thy ha chi ta, Hnôh nâ sy lymâ. Chavâta na chô liata ei ku hy na ta, Ei cha pahleipadia haw; A ngiapachhi tiah khao va na, Abeipa ta a tah.

ZEREMIAH 20:16

Cha chyhsa cha Abeipa ta ngiachhie leipa sala, A parao hapa khihpizy hawhta châ mawh sy. My ta chana ao thei sala, Nohchhô ta zikyurâna pyu thei mawh sy,

ZEREMIAH 31:35

Nohchhô khaihna châta noh a pietuhpa, Zâ khaihna châta thlâpâ nata awhsizy yzie awpa a raotuhpa, Tilaipi chatlaosa ta, Tichatlaopazy a paaohsatuhpa, A moh Pheisaihzy Abeipa ta hetana heta a tah:

EZEKIA 37:9

Abeipa ta ei hnohta, “Hu hnohta hrohsona bie phuah la, Hy chyhsa sawchapawpa y, phuah tlai la, hu hnohta, Abeipa Zehôvâh ta hetana heta a tah: ‘Hy hu y, thlih pathlina kaokih miapalih tawhta a vy la, ama hro thei nawpa ta, he thiepazy chô liana heta hu so thlu teh,’ tah mah y,” tah ta.

HÔSIA 6:2

Noh no khai tawhta miah pahrapa ta, Noh thôhna noh ta miah pathyu aw ta, A hmiakô liata eima hroh aw.

HÔSIA 7:10

Izarei apalaina ta ano cha hmiadaisâ ta leih ta, Chatanachôta Abeipa ama Khazohpa lâ kua leipa ei ta, Cha zydua vâta ano cha tlua hlei veih ei.

MALAKHAI 3:6

“Kei he Abeipa châ na ta, anano beih va na. Chavâta, Hy nâmo, Zakaw pathlazy saih u, pahleipadia khaipa ta nama y leipa a châ hih!

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

RAWMA 11:15

Âmo dythana hmahta khizaw aryhna a châ khiahta cha, âmo apyhna chhochhi cha, thina tawhta hrona leipa ta cha, khâpa a châ aw?

RAWMA 11:29

Khazohpa hmosaipiepazy nata a awna cha panano heih theipa châ vei.

2 KAWRINI 5:4

He lei byureih liata eima y chhôh cha phaohripa ta eimâ rôh tyh. A tobi leipa ta y awpa eima khohpa vâta châ leipa ta, a tobi via awpa eima khohpa vâta tlao a châ. Chatanachata he thi theipa he hrona ta a palâ ha aw.

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

1 THYSALAWNIKA 4:14

Zisu thi ta a thyu heihpa eimâ ngiapâpa vâta, Zisu liata a môpazy cha Khazohpa ta ano hnohta â vaw chhi aw ei tahpa eimâ ngiapâ.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

BIEPHUAH 20:13

Tilaipi ta a chhôh liata athihpa a ypazy papuasa ta, Thina nata Athihkhih ta ama chhôh liata athihpa a ypazy papuasa hra ei ta, chyhsa to ama hmotaopa lymâ hawhta pachiapa ama châ.

BIEPHUAH 21:4

Ama mo liata mothlih zydua a hru khai aw. Hmo parohpazy a lei hapa vâta, thina y khao leipa aw ta, mâchhiesana, chana nata pasana zy y khao aw vei,” tahpa ta a reipa thei na ta.

BIEPHUAH 6:8

Kaw moh na ta, arâ peipa hmô na ta, a chô liata a kiahpa moh cha Thina châ ta, a hnôh lâta Athihkhih ta vaw pazi ta. Khizaw zydua he su palih ta pachhaih ta su kha cha, zaozi, chakâhna, hri nata alei liata sahrâhpazy hmâpa ta thie awpa ta, ama hnohta biehneina piepa a châ.

1 SAMUELA 15:29

Izarei Rônahna cha haipa bie reih leipa aw ta, a palôh anano hra aw vei. Ano cha chyhsapa hawhta a palôh anano thaipa châ vei,” tah ta.