HÔSIA 13:10 - Mara Bible RV (BSI)

¹⁰ Na bei cha khataih lia a y haw? Na khihpi to liata châ pachha awpa bei cha, Khataih liata a y haw? Na ryureituhpazy khataih liata ama y haw? “Bei nata beimachâzy na pie teh,” Tahpa ta nâ hawpazy kha, Khataih liata ama y khai haw?

HÔSIA 13:10 ပူးပေါင်းရင်းမြစ်များ

1 ABEIZY 12:20

Zerôbaw â kaw lie haw tahpa Izarei zydua ta ama thei nahta, a hmaohpakhyna liata a vy awpa ta paawsa ei ta, Izarei zydua chô liata bei ta ama tao haw. Zudâh chi tah leipa ta cha Dâvi pathlazy a pazipa ahy hmahta y vei ei.

2 ABEIZY 17:4

Hôsia ta Izi bei Sô lâ lyuhchâpa tuah ta, Asuria bei hnohta a kô charei ta râhpaw a pie tyhpa cha pie khao leipa ta. Cha hawhta Hôsia ta a dôveina cha Asuria bei ta pahno ha ta. Chavâta Asuria bei ta Hôsia cha patu ta, chahryna chôta patâhna o liata khô ta.

HLAZY 10:16

Abeipa cha chhâzaw nata tlyzaw ta bei châ ta, Phopizy a râh tawhta ama leidia aw.

HLAZY 149:2

Izarei cha a Taotuhpa chô liata a thapha sala, Zaio sawzy cha ama Beipa chô liata a ly mawh ei sy!

HLAZY 44:4

Hy Khazohpa, nâ cha ei Beipa châ chi ta, Zakaw châta pahniena phuah mah y.

HLAZY 74:12

Hy Khazohpa, nâ cha hlâno tawhta ei Beipa châ chi ta, Alei chô zydua liata pachhana a taotuhpa na châ.

HLAZY 89:18

Eima vyhphao cha Abeipa eih châ ta, Eima bei cha Izarei Mo Pathaihpa eih a châ.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 43:15

Kei he Abeipa nama Mo Pathaihpa cha châ na ta, Izarei a paysatuhpa nama Beipa cha ei châ.”

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

ZEREMIAH 8:19

Râh do nata hâ liata, Ei phopi zuah chana ao he nathlie tua u: “Zaio liata Abeipa y vei ma? A chhôh liata ano Bei y vei ma?” “Khazia ama nothlahpa taopazy ta ei hie na pahâh ei ta, Chihropa khazoh nothlahpazy ta ei hie eina pahâh ei?”

CHAPHÔHTUNA 4:20

Eima hnapasu liata husona Abeipa sathawthupa cha, Ama khaohtlôzy liata patu ha ei ta; “A nohdi ry liata phopizy hry liata eima pahrâ aw,” Eima tah tyhpa chyhsa cha ama patu haw.

HÔSIA 10:3

Chatawhcha âmo ta, “Abeipa eima chi leipa vâta, Bei hnei ma pi; Bei cha a hneipa rai châ sih la, Khâpa ma miah a taopa thei aw?” ama tah aw.

HÔSIA 13:4

Châhrasala Izi râh tawhna khata, Kei he nama Khazohpa cha ei châ; Keima leipa ta Khazohpa hropa pahno leipa ei chi ta, Keima leipa ta pachhatuhpa hropa y veih ei.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

HÔSIA 7:7

Ama zydua ta lômathu hawhta sah ei ta, Ama ryureituhpazy ama palâ khai haw. Ama bei zydua pao khai ei ta, Ahy hmahta na pado veih ei.

HÔSIA 8:4

Beizy padua ei ta, Châhrasala keima raopa châ veih ei; Beimachâzy rao ei ta, Châhrasala pahno veih ei na. Ama tâkâ nata ngôh ta nothlahpazy tao ei ta, Âmosasyh ta amâ parao.

ZEKARIA 14:9

Abeipa cha alei chô zydua liata Bei a châ aw. Cha noh liata, Abeipa pakha deita y aw ta, a moh chhao moh kha dei a châ aw.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

1 SAMUELA 8:7

Abeipa ta Samuela hnohta, “Zawpi ao ta na hnohta ama reipa zydua cha nathlie mah y. Nâma ama cha khoh leipa châ leipa ta, ama bei châta kei eina khoh leipa ei tlao a châ.