HÔSIA 12:9 - Mara Bible RV (BSI)

⁹ Izi râh tawhna khata, Kei he Abeipa na Khazohpa châ na ta; Kyhchhi nohzy hawhna khata, Poh ozy liata ei cha pahrâsa heih aw.

HÔSIA 12:9 ပူးပေါင်းရင်းမြစ်များ

ÂTHAONA 25:27

Hawtizy cha vaw laiseih ei ta, Esaw cha sakathaipa, râh a khiepa chyhsa châ ta, Zakaw cha chyhsa reih hluh leipa, poh o liata a pahrâpa a châ.

2 SAMUELA 7:2

abei ta hrohsopa Nâthâ hnohta, “Pachâ tua, keima cha sidy o liata pahrâ na ta, Khazohpa Byh deikua cha poh o liata a pahrâ thlâh haw,” tah ta.

EZRÂ 3:4

Ryhpa liata ropa hawhta, Byureih Kyhchhi hmâh ei ta, noh chareih ta hlâ awpa zie raopa hawhta raopa hlânazy ama hlâ.

HLAZY 49:7

Chyhsapa ta chyhsa hropa chatlai thei leipa ta, A hrona ty Khazohpa hnohta pie khai thei hra vei.

HLAZY 81:10

Kei he Abeipa na Khazohpa châ na ta, Izi râh tawhta châ kaw chhi papuatuhpa kha ei châ. Na pakah a kawhpa ta â la, Ei pabie aw.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

BIESOZY 30:12

Âmo mokhaoh liata pathaih â tah kawpazy y ei ta, Châhrasala ama puana pathaipa châ hlei veih ei.

ZEREMIAH 35:7

O namâ sa awpa châ leipa ta, chi chhao nama chei awpa châ hra leipa ta, kre sadôzy taopa ta nama hnei awpa châ vei. Nama pahrâna râh liata nama hro a pareih thei nawpa ta, nama hro chhôh zydua poh o liata nama y awpa a châ,’ tahpa ta bie miah pie ha ta.

ZEREMIAH 5:27

Pavaw byh liata pavaw a biepa hawhta, Ama ozy cha dôveina ta bie ta, Chavâta kaw lai ei ta ama hneirôh.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

HÔSIA 13:4

Châhrasala Izi râh tawhna khata, Kei he nama Khazohpa cha ei châ; Keima leipa ta Khazohpa hropa pahno leipa ei chi ta, Keima leipa ta pachhatuhpa hropa y veih ei.

HÔSIA 2:15

Cha liata a kre sadôzy pie pakhua aw na ta, Akhaw Saikao cha, Hnabeiseihna ochhi ta ei tao aw. A thyutlia daihti hawhna khata, Na chyh-ei heih aw ta; Izi râh tawhta a kaw puana no hawhna khata, Eina chyh-ei heih aw.

THEIHTHAINA 19:36

Khopathliahna dopa, khopathliahna lô dopa, kachu dopa, chhiehraôh dopa nama hmâ awpa a châ. Kei he Abeipa nama Khazohpa, Izi râh tawhta châ chhi papuatuhpa ei kha ei châ.

THEIHTHAINA 26:13

Kei he Abeipa nama Khazohpa, Izi mo sei nama châ khao lei awpa ta, Izi râh tawhta nâmo châ chhi papuatuhpa ei châ. Nama raopakyzy thlie pachhô na ta, â patlâpa ta ei cha pasiesa ei.

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

ZEKARIA 11:5

A chaleituhpazy ta chado leipa ta thie ei ta, hriena a tyh hlei leipa ei ta. A zuahtuhpazy ta, ‘Ei hneirôh haw, Abeipa cha reithaipa ta y se!’ tah ei ta, âmo vaituhpazy dâhdei chhao ta ngiachhie veih ei.

MALUHREINA 15:41

Kei he Abeipa nama Khazohpa, nama Khazohpa châ awpa ta Izi râh tawhta châ chhi papuatuhpa ei châ. Kei he Abeipa nama Khazohpa ei châ,” tah ta.

ZAWHÂNA 7:2

Zuzy Byureih Kyhchhi cha a hnia ha ta.