HÔSIA 12:5 - Mara Bible RV (BSI)

⁵ Zehôvâh, Pheisaihzy Khazohpa cha, A moh Zehôvâh tahpa ta a thei thlâh ha awpa a châ.

HÔSIA 12:5 ပူးပေါင်းရင်းမြစ်များ

ÂTHAONA 28:16

Zakaw cha â môpa a kaw hra ta, “He su liata Abeipa a vaw y tlai na, vaw pahno leipa na ta,” tah ta.

ÂTHAONA 32:30

Zakaw ta, “Khazohpa cha hmiachhypa ta hmô na ta, chatanachôta ei hrona pahlôhpa ta a y,” tah ta, cha su moh cha Penia a bi.

ÂTHAONA 35:9

Zakaw cha Pâdâ-Aramia tawhta â vy nahta, Khazohpa ta a hnohta a vaw luah heih ta, byhnâ awpa ta.

HLAZY 135:13

Hy Abeipa, na moh cha tlyzaw ta y aw ta, Hy Abeipa, nâma atheithlâhna chhao a y kôzaw aw.

HLAZY 30:4

Hy a mopathaihpazy saih u, Abeipa reithaipa ta sa u la; A moh pathaihpa lâ alyna bie hlâ teh u.

PUASAINA 3:15

Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

ISAI 42:8

Kei he Zehôvâh châ na ta, Cha cha ei moh a châ; Ahy hnohta hmah ei rônahna pie leipa na ta, Nothlahpazy hnohta chhao, Keima reithaina pie veih ei na.