HÔSIA 12:1 - Mara Bible RV (BSI)

¹ Epharai cha ziza chahâpa ta, Noh y ta nochhi thlih a chadai ta, Haiphiana nata atudaina ama papôhsa. Asuria nata biehrai tao ei ta, Izi râh lâ sathaw ama paphao tyh.

HÔSIA 12:1 ပူးပေါင်းရင်းမြစ်များ

ÂTHAONA 41:6

Âmo hnôhlâ ta sâh suh sihpa nata nochhi thlih ta a chhei chahrie hapa suh sari kaw pua ei ta.

2 ABEIZY 15:19

Asuria bei Puli ta Izarei râh za siehnao ta. Menâhe ta â beina pa-i awpa nata bao awpa ta Puli cha tâkâ talent sâh kha pie ta.

2 THÂTIHZYRONA 21:11

Cha dei châ vei, Zudâh tlâh râh liata su sâhpazy tao ta, Zerusale khihsawzy sihryhna lâ a chhipa ta, Zudâh­ cha lâpi paviasa ta.

ZAWBÂ 15:2

“Chyhsa sopa ta ziza liata pahnona rakha ta bie a chhypa ta, Nochhi thlih ta a py a pabie aw ma?

HLAZY 78:36

Châhrasala ama pakah ta papyupahly pakhei ei ta, Ama paleih ta haipa bie ama rei thlu tyh.

ZEREMIAH 2:36

“Khazia na yzie pananopa ta, Nâ khiekhâ ngâ thlâh haw? Asuria ta maophyuhpa ta a cha sopa hawhna khata, Izi ta maophyuhpa ta a cha soh aw.

ZEREMIAH 22:22

Thlih ta na mietaku vaituhpa zydua vaih aw ta, Na kyhpachâpazy sei ta ama sie aw; Nâ chhao na moleina zydua vâta, Nozapa nata nohzaopa ta na y aw.

ZEREMIAH 7:15

Nama unawhpa Epharai chipathla zydua ei thy khai hapa hawhna ei khata, ei mohmô tawhta ei cha thy pathlah aw ei,” Abeipa ta a tah.

CHAPHÔHTUNA 5:6

Rihbiena khi viahchhâ hnei awpa ta, Izi lâ ku dao pi ta, Asuria lâ ku eima dao.

EZEKIA 17:10

Moh teh u, lopa châ ha ta, châhrasala a pha aw ma? Nochhi thlih ta a vaw chanaoh tita, uah khai thlâh ha aw vei ma? A pyuna su lia tlai ta uah thlâh ha aw vei ma?’ tahpa ta reih teh,” tah ta.

HÔSIA 11:12

Epharai ta haipa bie ta na chadô ta, Izarei chhôhkha ta dôveina ta eina chadô ei. Zudâh deikua cha, Khazohpa nata charei khoh ta, Pathaihpa chô liata ngâchhihpa ta a y.

HÔSIA 11:9

Ei hiehâhpa ta hmo tao khao leipa aw na ta, Kuahnaopa ta Epharai cha parao khao aw va na. Chyhsapa châ leipa na ta, Khazohpa ei châ; Nama hnohta a ypa Pathaihpa châ na ta, Pathi iapa ta a vy aw va na.

HÔSIA 4:15

Hy Izarei, nâma a pheina vâta, Zudâh cha thailei châ khah sy. Kilkal lâ vawh leipa la, Bethave lâ chhao khy khah y; “Abeipa a hrohpa hawhta,” tahpa ta Bie a taih hra khah y.

HÔSIA 4:19

Chavâta thlih ta âmo cha a mathlaw liata chahry ha ta, Amâ theihnazy vâta nozapa ta ama y aw.

HÔSIA 5:13

Epharai ta a pasana hmô ta, Zudâh ta a hmah a hmô nahta; Epharai cha Asuria lâ sie ta, Bei rônahpa lâ chyhsa a tuah. Châhrasala ano ta Cha patlâh thei leipa aw ei ta, Nama hmah paphasa thei aw vei.

HÔSIA 7:1

Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

HÔSIA 7:11

Epharai cha vachhuh lyu ta, Dôvei nao ta, palôh hnei vei; A châh ta Izi awsao ei ta, A châh ta Asuria lâ ama sie.

HÔSIA 8:7

Ziza chi tu ei ta, Khisô tlao ama hria aw. Sâh kô a suh leipa ta a duah ta, Viahdie papua aw vei. Sâh hria awpa a ypa chhao ta, Chihropazy ta ama nie aw.