HÔSIA 11:9 - Mara Bible RV (BSI)

⁹ Ei hiehâhpa ta hmo tao khao leipa aw na ta, Kuahnaopa ta Epharai cha parao khao aw va na. Chyhsapa châ leipa na ta, Khazohpa ei châ; Nama hnohta a ypa Pathaihpa châ na ta, Pathi iapa ta a vy aw va na.

HÔSIA 11:9 ပူးပေါင်းရင်းမြစ်များ

2 SAMUELA 20:10

Zôabâ ku liata zaozi a ypa cha Amâsâ ta hmô leipa ta, Zôabâ ta Amâsâ cha a py liata dy ta, a rihzy puapa ta alei lâ tla ta, dy chanei byuh leipa ta thi ha ta. Zôabâ nata a unawhpa Abisai ta Bikhari sawchapawpa Sebâ cha a chadai lymâ ei ta.

HLAZY 46:5

Khihpi liah liata Khazohpa pahrâ ta, Khihpi cha a chalyu aw vei; My khihdei tita Khazohpa ta a bao tyh aw.

HLAZY 78:38

Chatahrasala ano cha thapasana ta a biepa a châpa vâta, Ama paraona cha a ngiahthai ta, Âmo cha pahleipadia vei. A hiehâhna ei hluhpi padia ta, A pathiiana zydua pathyu khoh vei.

HLAZY 85:4

Hy eima pachhana Khazohpa, Miah paduapathi heih la, Eima chô liata na ruchhôna papai mah y!

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 48:9

Ei cha chhawh pathlah leina awpa ei ta, Ei moh vâta ei hiehâhna pahawhsa na ta, Keima reithaina vâta nama châta maoh ei oh.

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ZEREMIAH 26:3

Nathlie aw ei ta, chyhsa to ama hrozie pha leipa ama siesai thei ngyu aw lah. Chatanachata ama hmotaopa pha leipazy vâta ama chô liata chhiena tao ei chhuahpa cha ei pathleih aw.

ZEREMIAH 30:11

Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

HÔSIA 12:1

Epharai cha ziza chahâpa ta, Noh y ta nochhi thlih a chadai ta, Haiphiana nata atudaina ama papôhsa. Asuria nata biehrai tao ei ta, Izi râh lâ sathaw ama paphao tyh.

HÔSIA 14:4

“Ama paosaina patlâh aw na ta, A saipa ta ama kyh ei pachâ aw; Ei hiehâhna ta a kuasai ha ei.

MALAKHAI 3:6

“Kei he Abeipa châ na ta, anano beih va na. Chavâta, Hy nâmo, Zakaw pathlazy saih u, pahleipadia khaipa ta nama y leipa a châ hih!

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

RYHPACHANEINA 13:17

Hraona sôh hmoziehpazy kheihawhpa hmah nama hria awpa châ vei. Chatanachata Abeipa cha a hiehâhna ru ngaitapa tawhta a palôh pananopa ta, a zawngiahna nama chô liata palâsa aw ta, châ pathlatuhpazy hnohta bie â taihpa hawhta, cha ngiachhie aw ei ta, a cha papôh aw ei.

1 SAMUELA 26:8

Abisai ta Dâvi hnohta. “Tanoh he Khazohpa ta na chariahpa na ku liata a cha pie haw. Asei ta alei nata a kei chô pâ ha tua tlai sah, ei kha a chô â daih aw, a chô chanei byuh aw vei,” tah ta.