HÔSIA 11:3 - Mara Bible RV (BSI)

³ Chatanachôta Epharai cha, Kei ta lâsie pachu na ta; Ama bâh ta ei chaao ei. Châhrasala âmo a patlâhtuhpa cha, Kei ei châ tahpa pahno veih ei.

HÔSIA 11:3 ပူးပေါင်းရင်းမြစ်များ

HLAZY 107:20

A bie tuapa ta âmo patlâh ta, Ama leidia awpa tawhta a pachha ei.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

PUASAINA 19:4

‘Izi mo chô liata ei hmotaozie nata pahmôhpi mathlaw ta cha phaoh ei na ta, kei lâta ei châ chhipa ei kha nâmo tlai ta nama hmôpa kha a châ.

PUASAINA 23:25

Abeipa nama Khazohpa nama chakao awpa a châ. Chatanachata nama viahchhâ nata ti zy byhnâ pie aw na ta, nama hry tawhta hriiah ei papai aw.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 30:26

Cha dei châ vei, Abeipa ta a phopi hmahphaopa chahry ta, âmo a tuna hmah a patlâh noh liata, thlâpâ cha noh tlu ta khaih aw ta, noh chhao a lie sari ta khaih aw ta, noh sari chhôh a khaihpa zie a khaih aw.

ISAI 46:3

“Hy Zakaw pathlazy saih u, Na nathlie u la; Hy Izarei pathla laibâhpazy saih u, Na nathlie teh u; Py chhôh tawhta ei pyhpazy châ ei chi ta, Chhi tawhta ei pipazy nama châ.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 30:17

‘Thy hapa’ cha tah ei ta, ‘He he ahy hmahta pachâ leipa Zaio a châ hih!’ Ama cha tahpa vâta, Tlâhna cha pie heih aw na ta, Na hmahzy ei patlâh aw,” Abeipa ta a tah.

ZEREMIAH 8:22

Kilia liata tlâhna thohna y vei ma? Cha liata dawhty y veih ei ma? Khazia ei phopi zuah a tlâh thei vei tly?

HÔSIA 14:4

“Ama paosaina patlâh aw na ta, A saipa ta ama kyh ei pachâ aw; Ei hiehâhna ta a kuasai ha ei.

HÔSIA 2:8

Sâh nata kresawhti ta vaohei na ta, Sathaw ta a vaoheituhpa kha, Keima tlai he ei châpa pahno vei. Bâlâ châta ama hmâpa tâkâ nata ngôh ta A tobituhpa chhao kha, Keima tlai he ei châpa pahno vei.

HÔSIA 7:1

Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

HÔSIA 7:15

Kei ta pachu ei na ta, Ama bâh tha ei patlô; Chatanachôta chhiena ta eina tei ei.

HMOTAOPAZY 13:18

Kô sypalih chhôh tlai râhchawhpa liata âmo mohôh ta.

RYHPACHANEINA 1:31

Chyhsa ta a sawchapawpa a pipa hawhta, Abeipa nama Khazohpa ta râhchawhpa liata cha pi laih ei ta, he su nama vaw tlôna taihta lâpi tlykha ta a cha pi lymâpa ei nama hmôpa hawhna khata,’ tah na ta.

RYHPACHANEINA 33:27

Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.