HÔSIA 10:8 - Mara Bible RV (BSI)

⁸ Izarei moleina Ave su sâhpazy cha, Paraopa a châ aw. Ama maisâhzy liata Diahsai nata ahlohzy pyuh aw ta, Tlâhpizy hnohta, “Miah vao teh,” tah aw ei ta, Tlâhthlôhzy hnohta, “Miah vi teh,” ama tah aw.

HÔSIA 10:8 ပူးပေါင်းရင်းမြစ်များ

ÂTHAONA 3:8

Zâlâ noh nai râhsâ ta Zehôvâh Khazohpa cha sadô liata a chareipa pyu thei ei ta, Âdâh nata a lapinô cha sadô liata tho hry liata Zehôvâh Khazohpa cha a nyusai ei ta.

1 ABEIZY 13:2

Khazohpa chyhsa chata Abeipa bie ta maisâh cha awsao ta, “Hy maisâh, maisâh, Abeipa ta hetana heta a tah: ‘Nathlie teh, Dâvi pathlazy hry liata sawchapawpa, a moh Zôsia vaw pih aw ta, na chô liata atheihna a hlâ tyhpa su sâhpa theihthaipazy kha thie aw ta, âmo cha na chô liata vaw hlâ aw ta, chyhsapa rureihzy na chô liata raopa a châ aw,’” tah ta.

1 ABEIZY 13:34

Cha hmo cha Zerôbaw pathlazy châta moleina vaw châ ha ta, âmo a pamuatuhpa nata khizaw tawhta âmo a pahleipadiatuhpa a vaw châ haw.

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

2 ABEIZY 23:15

Cha dei châ vei, Izarei a pamoleisapa Nebâ sawchapawpa Zerôbaw ta Bethel liata maisâh nata su sâhpa a taopazy a daophi pathlah ta, mei ta rao ta, a zaona taihta a tlychheih khai haw. Aseri tôh chhao mei ta a rao haw.

2 THÂTIHZYRONA 31:1

Cha zydua cha ama tao khai nahta, cha liata a ypa Izarei saw zydua ta Zudâh khihpizy lâ sie ei ta, lôbôzy nata Aseri tôhzy pakeichheih khai ei ta. Zudâh, Benzami, Epharai nata Manase râhzy liata su sâhpa zydua nata maisâh zydua pacho khai ei ta. Cha khai tawhta, Izarei saw zydua cha ama khihpi nata ama olyu chyu lâta a di ha ei ta.

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 2:21

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 32:13

Ei phopi chhaohlei chô liata Ahloh nata diahsai zy pyuh ta; Khihpi haosai phapa liata a ly kaw tyhpazy o liata Alyna y khao vei; Chavâta nama chachôhna a chô u la, Chaphôhtu teh u.

ISAI 34:13

A abei ozy liata ahlohzy pyu aw ta, A thokhyzy chhôh liata thlahbei nata diahsaizy a pyuh aw. Savaizy tlaihna châ aw ta, Vakuzy pahrâna a châ aw.

HÔSIA 10:2

Ama palôh doleipa vâta, Ama thaileichâna ama phaoh bâ aw. Abeipa ta ama maisâhzy phie aw ta, Ama panana tôhzy a parao aw.

HÔSIA 10:5

Bethave liata viahchaotawzy vâta, Samâri mo amâ chalyu aw; A rônahna ta a puasai hapa vâ ei ta, A chyhsazy ta cha thlu aw ei ta, A theihthaipazy amâ chalyu aw.

HÔSIA 10:9

Hy Izarei, Kibia nohzy tawhna khata molei ha chi ta, Cha liata ama molei lymâ. Chavâta adoleipazy adyuhna chariah ta Âmo cha khazia Kibia liata a pahnie aw veih ei?

HÔSIA 2:6

Chavâta ahloh buhzy ta a lâpi pamaipa ta, Thokhy taokhâh aw na ta, A sie nawpa pahno aw vei.

HÔSIA 4:13

Tlâh lakizy liata atheihna hlâ ei ta, Tlâhthlôhzy liata raopa hlâna ama hlâ tyh; Ama buh nohdi a pha kawpa vâta, Ôkâ, pôpalâ nata terebi kôzy ry liata, Atheihnazy ama hlâ tyh. Chavâta nama sawchanôzy ta sihryh ei ta, Nama myuhnôzy ta amâ phei tyhpa a châ.

HÔSIA 4:15

Hy Izarei, nâma a pheina vâta, Zudâh cha thailei châ khah sy. Kilkal lâ vawh leipa la, Bethave lâ chhao khy khah y; “Abeipa a hrohpa hawhta,” tahpa ta Bie a taih hra khah y.

HÔSIA 5:8

Kibia liata saki tô teh u; Râmâ liata chiahmie tô u la, Bethave liata adyuhna pyu parosa teh u; Hy Benzami, eima cha pazi.

HÔSIA 8:5

Hy Samâri, Na viahchaotaw nothlahpa kha ei dytha; Ama chô liata ei hie a hâh ngaita. Khachâ ma sia leipa ta ama y aw tly?

HÔSIA 9:6

Moh teh u, raona amâ râsaipa chhao ta, Izi ta âmo cha patupakhy aw ta, Mephi ta a pabu aw ei. Thlahbei ta ama tâkâ hmobaoh sôhpazy hnei aw ta, Ama poh ozy liata ahlohzy a y aw.

AMÔSÂ 1:5

Dâmaskâ thokhy chhikao hrainazy thlie aw na ta, Ave Saikao liata a pahrâpazy ei chhawh pathlah khai aw ei. Be-Idâh ryureina chôchahrei a chabapazy Chhawh pathlah aw ei na ta, Aramia zawpizy cha Kiri lâ sei ta ama sie aw,” Abeipa ta a tah.

AMÔSÂ 3:14

“Cha noh liata, Izarei cha a moleinazy vâta hrie aw na ta, Bethel maisâhzy ei hrie aw; Maisâh kizy chhawh pathlahpa châ aw ta, Alei liata ama pao aw.

AMÔSÂ 7:9

Aisika su sâhpazy cha, Roryhrapa ta taopa châ aw ta; Izarei supathaihpazy chhao, Paraopa a châ aw; Zerôbaw pathlazy cha, Zaozi ta ei thyuhnao aw ei.”

AMÔSÂ 8:14

Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.

MIKÂ 1:13

Hy Lakhi mo saih u, Arâzy cha talailih liata buh teh u; Lakhi cha Zaio sawchanô moleina athaona a châ; Izarei moleinazy cha, Nâma liata hmôpa châ tlôh ta.

MIKÂ 1:5

Cha zydua cha Zakaw paraona vâta châ ta, Izarei phopi moleina vâta a châ. Zakaw paraona cha khâpa maw? Samâri châ vei ma? Zudâh su sâhpa cha khâpa maw? Zerusale châ vei ma?

NÂHU 3:11

Nâ chhao paripa ta a nyu aw chi ta, Na chariahpa tawhta abohna na tlua aw.

LUKA 23:30

Cha tina chata chyhsazy ta tlâhpizy hnohta, ‘Miah vi teh,’ tah aw ei ta; tlâhthlôhzy hnohta, ‘Miah khu teh,’ ama tah aw.

RYHPACHANEINA 9:21

Nama moleina hmo, viahchao taw nothlahpa nama taopa kha la na ta, mei liata rao na ta, pakeichheih khaipa ta, dohlei hawhta dina taihta charo na ta, tlâh tawhta chavah zâ lohpa liata a paoh ei thy haw.

BIEPHUAH 6:16

tlâhpizy nata lôpanôzy hnohta, “Miah vi u la, beidyuchhai liata atyuhpa hmiakô tawhta nata Mietakutaw hiehâhna tawhta miah nyu teh u.

BIEPHUAH 9:6

Cha nohzy liata chyhsazy ta thina tlua aw ei ta, châhrasala hmô aw veih ei. Thi khoh ngaita aw ei ta, châhrasala thina ta a râsai aw ei.