HÔSIA 10:3 - Mara Bible RV (BSI)

³ Chatawhcha âmo ta, “Abeipa eima chi leipa vâta, Bei hnei ma pi; Bei cha a hneipa rai châ sih la, Khâpa ma miah a taopa thei aw?” ama tah aw.

HÔSIA 10:3 ပူးပေါင်းရင်းမြစ်များ

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

2 ABEIZY 15:13

Zudâh bei Uzia kô sythôh nata kô chaki â bei kô ta, Zabe sawchapawpa Sâluh cha abei pathao ta, Samâri liata thla kha chhôh â bei.

HLAZY 118:9

Beimachâzy ngâpa hlâta, Abeipa a chhaipa a pha via.

HLAZY 12:4

“Eima paleih ta pahnie aw pi ta, Eima hmaozy keimo liata y ta, Eima zibeipa cha ahy ma a châ tly?” A tahtuhpazy chhao, Abeipa ta chhawh pathlah mawh sy.

ISAI 5:19

“Eima hmô thei nawpa ta, A para sala, A tao awpa cha a chatliepa ta tao mawh sy. Eima pahno thei nawpa ta, Izarei Pathaihpa ryhraona cha a vaw hnia sala vaw tlô mawh sy!” A tahtuhpazy cha ama hu a po na!

HÔSIA 10:15

Chavâta, Hy Bethel, Na moleina rarôh ypa vâta, Cha cha na chô lia a tlô aw. Khih vaw deih aw ta, Izarei bei cha tlokhuh chhawh pathlahpa a châ aw.

HÔSIA 10:7

Ti chô liata ti buchaphy hawhta, Samâri bei cha a leidia aw.

HÔSIA 11:5

Kei lâ ama vaw kua khoh leipa vâta, Izi râh lâ kua heih aw ei ta, Asuria cha ama bei a châ aw.

HÔSIA 13:10

Na bei cha khataih lia a y haw? Na khihpi to liata châ pachha awpa bei cha, Khataih liata a y haw? Na ryureituhpazy khataih liata ama y haw? “Bei nata beimachâzy na pie teh,” Tahpa ta nâ hawpazy kha, Khataih liata ama y khai haw?

HÔSIA 13:11

Ei hiehâhpa ta bei cha pie na ta, Ei pathi iapa ta ei la ha heih.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

MIKÂ 4:9

“Khazia aoh tlili ta na cha? Abei hnei va chi ma? Ryh châ raokheituhpa a leidia ha ma? Chanô sawzeih pasapa hawhta ma, Pasana ta a cha patu haw?

ZAWHÂNA 19:15

Âmo ta, “Pahleipadia teh, pahleipadia teh, khaipâ teh!” tahpa ta awh ei ta. Pilâ ta ama hnohta, “Nama Beipa he ei khaipâ aw ma?” tah ta. Theihthai beizy ta a chhy ei ta, “Kaisarâ leipa ta bei hropa hnei ma pi,” tah ei ta.

1 SAMUELA 12:25

Molei ngaitapa ta hmo nama tao ngâ thlâh ha khiahta deikua cha, nâmo chhao, nama bei chhao, pahleipadiapa nama châ aw,” tah ta.