HÔSIA 10:10 - Mara Bible RV (BSI)

¹⁰ Pha ei tahna daihti liata Ei chhorei aw ei; Âmo a dyuh awpa ta, Phopizy a baopasu aw ei ta; Ama moleina a pathopazy vâta, Patupa ama châ aw.

HÔSIA 10:10 ပူးပေါင်းရင်းမြစ်များ

1 ABEIZY 12:28

Abei cha chyhsa a saohiah ta, ngôh viahchaotaw pô no tao ta. Zawpi hnohta, “Zerusale lâ khy ngâ thlâh hapa cha nâmo châta rairu ngaitapa a châ. Chavâta Hy Izarei sawzy, moh teh u, hezy he Izi râh tawhta châ kaw chhi papuatuhpa nama khazohzy ama châ hih,” tah ta.

ZAWBÂ 39:10

Leipalie liata chaori ta buhpa ta, Nâ cha pazipa ta alei na paliesa thei aw ma?

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ZEREMIAH 15:6

Na thy ha chi ta, Hnôh nâ sy lymâ. Chavâta na chô liata ei ku hy na ta, Ei cha pahleipadia haw; A ngiapachhi tiah khao va na, Abeipa ta a tah.

ZEREMIAH 16:16

“Moh teh u, nga patutuhpa hluhpi tuah aw na ta, âmo ta Izarei sawzy cha ama patu aw. Cha khai tawhta sakathaipa hluhpi tuah heih aw na ta, âmo ta tlâhpi to nata tlâhthlôh to liata Izarei sawzy cha tlua aw ei ta, lôpanô khaoh to liata ama tlua aw.

ZEREMIAH 21:4

“Zedekia cha hetana heta kei chho teh u, ‘Abeipa, Izarei Khazohpa ta hetana heta a tah: Pachâ teh, thokhy khôtho lâta châ dôhtuhpa Babylaw bei nata Kaldia mo nâ dyuhna chariah chhaichhi na ku liata a ypazy kha, nâ lâ vaw pakuasa aw na ta, Babylaw bei nata Kaldia mo cha, he khihpi chhôh lâ hmaohkha ta ei vaw pangiasa aw ei.

EZEKIA 16:37

moh teh, nâ lyna na khopaw zydua pakhy aw ei na ta, na khopa zydua nata nâ haopa zydua ei pahmaoh aw ei. Âmo cha su to tawhta cha vaw pahmaoh thlu aw na ta, ama hmia liata thluahruapa ta cha soh aw na ta, na thluahruana zydua ama hmô khai aw.

EZEKIA 16:42

Cha hawhna chata na chô liata ei pathiiana cha papai aw na ta, ei hiatliana ta a cha puasai ha aw. A chalih ha bâ aw na ta, ei hie hâh khao aw vei.

EZEKIA 23:46

Abeipa Zehôvâh ta hetana heta a tah: “Âmo lâ zawpi a vaw chhi u la, âmo cha pachisa ei sala, hrao mawh ei sy.

EZEKIA 23:9

“Chavâta a khopawzy liata hlâ na ta, aohraohpa ta a tlaichhaipa Asuria mo ku liata ei hlâ haw.

EZEKIA 5:13

“Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

HÔSIA 10:9

Hy Izarei, Kibia nohzy tawhna khata molei ha chi ta, Cha liata ama molei lymâ. Chavâta adoleipazy adyuhna chariah ta Âmo cha khazia Kibia liata a pahnie aw veih ei?

HÔSIA 4:19

Chavâta thlih ta âmo cha a mathlaw liata chahry ha ta, Amâ theihnazy vâta nozapa ta ama y aw.

HÔSIA 4:9

Zawpi nata theihthaipa amâ lyu khai; Ama hrozie vâta hrie aw ei na ta, Ama hmotaopazy viari ei thô aw ei.

HÔSIA 8:1

Ei biehrai parao ei ta, Ei ryhpa amâ dyuhpa vâta, Abeipa o chô liata pahmôhpi hawhta, Na hmao liata chiahmie pataoh teh.

HÔSIA 8:10

Phopizy hry tawhta viasazy chalei hra ei sala, Thlai ei pahmaohpakhy aw ei. Bei laipa hnohta pie awpa râhpaw phaohri vâta, Bei nata beimachâzy riethei taopa ta ama y aw.

MATHAI 22:7

Abei cha a hiehâh ngaita ta, a pheisaihzy tuah ta, cha liany cheituhpazy cha pahleipadia ei ta, ama khih chhao rao ei ta.

RYHPACHANEINA 28:63

Abeipa ta nama chô liata hmo phapa tao ta, nama maluh cha papôh awpa â lynazie a châpa hawhta, nama leina tao awpa nata cha pahleipadia awpa chhao cha Abeipa alynazie châ aw ta, hnei awpa ta namâ kei ngiapa râh tawhta phia pathlahpa nama châ aw.