HÔSIA 1:1 - Mara Bible RV (BSI)

¹ He biezy he Zudâh râh liata Uzia, Zôthâ, Ahâza nata Hezekia zy amâ beina daihti nata Izarei râh liata Zôasâ sawchapawpa Zerôbôâ â bei nota Beri sawchapawpa Hôsia hnohta Abeipa bie vaw tlôpazy a châ.

HÔSIA 1:1 ပူးပေါင်းရင်းမြစ်များ

2 ABEIZY 13:13

Zôasâ cha a pathlatuhpazy hnohta a mô ta, Zerôbaw ta a beidyuchhai liata a tyuh ta, Zôasâ cha Izarei beizy hnohta Samâri liata pabupa a châ.

2 ABEIZY 14:16

Zehôasâ cha a pathlatuhpazy hnohta a mô ta, Izarei beizy hnohta Samâri liata pabu ei ta, a sawchapawpa Zerôbaw ta ano su liata â bei.

2 ABEIZY 14:23

Zôasâ sawchapawpa Zudâh bei Amazia kô hrawh hleipangawh â bei kô ta, Zôasâ sawchapawpa Izarei bei Zerôbaw cha Samâri liata a bei pathao ta, kô sypalih nata kô kha â bei.

2 ABEIZY 15:32

Remâliah sawcha­pawpa Izarei bei Pekâ kô no â bei kô ta, Uzia sawchapawpa Zudâh bei Zôthâ cha a bei pathao ta.

2 ABEIZY 15:5

Zehôvâh ta abei cha hrie ta, chatanachata a thi noh taihta phawh ha ta, o nano ta paysapa a châ. Abei sawchapawpa Zôthâ cha abei o liata hyutuhpa ta y ta, râh chyhsazy chô liata ryureina a siekheituhpa a châ.

2 ABEIZY 15:7

Azariah cha a pathlatuhpazy hnohta a mô ta, a pathlatuhpazy hnohta Dâvi khihpi liata ama pabu. A sawchapawpa Zôthâ ta ano su liata â bei.

2 THÂTIHZYRONA 27:1

Zôthâ cha kô kih nata kô pangawhpa a châ nota a bei pathao ta, Zerusale liata kô hrawh hleicharu â bei. A nô moh cha Zerusâ châ ta, Zadô sawchanô a châ.

2 THÂTIHZYRONA 28:1

Ahâza cha kô kihpa a châ nota a bei pathao ta, Zerusale liata kô hrawh hleicharu â bei. A pathlatuhpa Dâvi ta Abeipa mohmô liata hmo dopa a taopa hawhta tao leipa ta,

2 THÂTIHZYRONA 29:33

Pathaisana atheihna châta hlâpazy cha viahchao tôhpa 600 nata mietaku 3,000 a châ.

ISAI 1:1

He aluahna he Zudâh bei Uzia, Zôthâ, Ahâza nata Hezekia zy amâ bei nota, Amôza sawchapawpa Isai ta Zudâh nata Zerusale kyh liata a hmôpazy a châ.

ISAI 7:1

Uzia sawchapawpa Zôthâ sawchapawpa Zudâh bei Ahâza â beina daihti liata, Aramia bei Rezi nata Remâliah sawchapawpa Izarei bei Pekâ cha Zerusale a dyuh awpa ta khyhnao ei ta, châhrasala pahnie thei leipa ei ta.

ZEREMIAH 1:2

Amawna sawchapawpa Zudâh bei Zôsia daihti, â beina kô hrawh hleithôhna liata, Zeremiah hnohta Abeipa bie a vaw tlôpa a châ.

ZEREMIAH 1:4

Abeipa bie cha ei hnohta vaw tlô ta,

EZEKIA 1:3

Kaldia râh Khebâ chavah kiah liata a ypa Buzi sawchapawpa theihthaipa Ezekia hnohta Abeipa bie vaw tlô ta, Abeipa ku a chô liata y ta.

ZÔELA 1:1

He he Pethua sawchapawpa Zôela hnohta a vaw tlôpa Abeipa bie a châ.

AMÔSÂ 1:1

He biezy he Zudâh bei Uzia â bei no nata Zôasâ sawchapaw Zerôbaw Izarei liata â beina daihti, alosih hlâ kô nona liata, Tekô khih liata mietaku vaituhpazy hry liatapa Amôsâ ta Izarei kyh a hmôpazy a châ.

ZAWNA 1:1

Amitai sawchapawpa Zawna hnohta Abeipa bie vaw tlô ta,

MIKÂ 1:1

He he Zudâh bei Zôthâ, Ahâza nata Hezekia zy amâ bei nota, Môrese khihpa Mikâ hnohta Samâri nata Zerusale kyh Abeipa bie a vaw tlôpa a châ.

ZEKARIA 1:1

Dâria abeina kô nona, thla chariena liata, Idô sawchapawpa Berekiah, Berekiah sawchapawpa hrohsopa Zekaria hnohta Abeipa bie vaw tlô ta:

ZAWHÂNA 10:35

Khazohpa bie vaw tlôna chyhsazy hmahta khazohzy a tah khiahta cha, Biehrai bie cha parao thei awpa châ vei.

RAWMA 9:25

Khazohpa ta Hôsia châbu liata hetana heta a reipa kha: “Ei phopi a châ beih leipa cha, ‘Ei phopi,’ tah aw na ta; Kyhpachâ beih leipa cha, ‘Kyhpachâpa,’ ei tah aw.”

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.