HMOTAOPAZY 9:39 - Mara Bible RV (BSI)

³⁹ Pity cha thyu ta ama hnohta sie ta. O a tlô nahta, o chô chhôhpadâhpa lâ a chhi ei ta. Nôhmei zydua cha a kiapâh liata a duahpa ta, Dawkâsi a hro nota viahkao a biehpa nata chysia hropa a biehpazy pahmô ei ta, thata cha ei ta.

HMOTAOPAZY 9:39 ပူးပေါင်းရင်းမြစ်များ

2 SAMUELA 1:24

“Hy Izarei zuahzy saih u, Sawla chakhei teh u; Ano ta poh saih ngiapazy cha pabu ei ta, Nama chysiazy ngôh ta a tobi.

BIESOZY 10:7

Mosiapa atheithlâhna cha vânoh tona châ ta, Moleipa moh deikua cha a thuzao aw.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

MATHAI 17:17

Zisu ta a chhy ta, ama hnohta, “Hy ngiapâleipa nata chhorupa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

MATHAI 26:11

Dyhchhiepazy cha nama hnohta khâ ama y thlâh ha aw. Kei deikua cha nama hnohta khâ a y awpa châ va na.

MÂKA 14:8

Chanô heta a tao theipa a tao hih. Pabu awpa ta ei pôhpa he sathaw a thu chhieliepa a châ.

LUKA 24:44

Chatawhcha ama hnohta, “Hezy he ei rei tyhpa, Mawsi Ryhpa liata nata Hrohsopazy Châbu liata nata Hlazy liata ei thâtih ropa zydua a vaw tlô khai awpazie nama hnohta ei y nota ei cha chho tyhpa ei kha a châ,” tah ta.

ZAWHÂNA 12:8

Dyhchhiepazy cha nama hry liata ama y ngâ thlâh ha aw, kei deikua la nama hnohta y ngâ thlâh ha aw va na,” tah ta.

ZAWHÂNA 17:12

Nâ ta eina piepazy chi he, ama hnohta ei y chhôh ta na moh ta ei hrôbieh ei. Âmo cha vaih na ta, Biehrai bie pakisa nawpa ta leidia sawchapawpa dei leipa khata cha, ama hry liata pakha hmah leidia veih ei.

HMOTAOPAZY 1:13

O amâ ngia nahta, Pity, Zawhâna, Zâmie, Adaru, Phili nata Thawma, Bâthawlawmu nata Mathai, Alphu sawchapawpa Zâmie nata Saimaw, Zilô py liatapa nata Zâmie sawchapawpa Zudâh zy cha ama yna chhôhpadâhpa chô chaipa lâ khy ei ta.

HMOTAOPAZY 20:35

Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

HMOTAOPAZY 6:1

Cha nohzy liata, pachupazy ama pôh via lymâ nahta, noh chareih ama hmo raipa liata ama nôhmeizy ama pachâ tyh leipa vâta, Krikâh Zuzy cha Hebraizy chô liata paphôh ei ta.

HMOTAOPAZY 8:2

Khazohpa a pachâpazy ta Stiphana cha pabu ei ta, a ri chô liata chaphôh thata tu ei ta.

HMOTAOPAZY 9:41

Pity ta a ku hlâ ta, Tâbi cha pathyu ta. Mopathaihpazy nata nôhmeizy cha aw ta, Tâbi cha a hrohpa ta âmo pahmô ta.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

1 THYSALAWNIKA 4:13

Unawh saih u, hnabeiseihna rai a hnei leipa mohropazy hawhta nama pachâ a rôh lei nawpa ta, a môpazy thâtih nama pahno lei awpa khoh ma pi.

1 TIMAWTHY 5:3

Nôhmei hmeiseihpazy cha za mah y.

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

1 ZAWHÂNA 3:18

Sawzy saih u, bie nata reikah deita ta kyh a pachâ leipa sih la, hmotaopa nata biehmeiseihpa ta kyh a pachâ ei suh u.