HMOTAOPAZY 8:39 - Mara Bible RV (BSI)

³⁹ Ti tawhta ama kaw pua nahta, Abeipa Thlahpa ta Phili cha a chhi ha ta, hrilyupa ta ano cha hmô khao leipa ta, thapha ngaitapa ta sie ha ta.

HMOTAOPAZY 8:39 ပူးပေါင်းရင်းမြစ်များ

1 ABEIZY 18:12

Ei cha puasaipa nahta, Abeipa Thlahpa ta ei pahno leina lâ châ chhi aw ta, Ahabâ cha kei chho aw na ta, a cha hmô thei tlôh vei khiahta cha, kei châ chakaotuhpa he ei thyutlia no tawhta Abeipa a chipa ei châpa chhao ta, eina thie thlâh ha aw mâh tâh.

2 ABEIZY 2:16

A hnohta, “Tahmâ pachâ teh, châ chakaotuhpazy hnohna heta chyhsa thatlôpa sypangawh ama y. Na zibeipa tlua awpa ta âmo cha pasiesa ei suh u. Abeipa Thlahpa ta khykhei aw ta, khataih tlâh liata tlyma, khataih saikao liata tlyma, a pathla thei ngyu mâh tâh,” tah ei ta. Elaisâh ta, “Nama pasiesa awpa châ vei,” tah ta.

HLAZY 119:111

Na bieraopazy cha kei châta ei chhâzaw ryuto châ ta, Ei palôh alyna a châ.

HLAZY 119:14

Na bieraopazy ta na palysa ta, Hneirôna zydua liata a lypa hawhta ei ly tyh.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

EZEKIA 11:1

Chatawhcha Thlahpa ta na chalo ta, nochhi lâ a heihpa Abeipa o chhikao lâ nâ chhi ta. Chhikao angiana kiapâh liata chyhsa pakih nata papangawh hmô ei na ta, ama hry liata phopi beimachâzy, Azu sawchapawpa Zazeniah nata Benai sawchapawpa Pelatiah zy chhao hmô ei na ta.

EZEKIA 11:24

Kei cha Thlahpa ta na chalo ta, Kha­zohpa Thlahpa ta aluahna ta Kaldia râh seichâna liata a ypazy lâ nâ chhi ta. Chatawhcha aluahna ei hmôpa cha na kiasai ha ta.

EZEKIA 37:1

Abeipa ku ei chô liata y ta, Abeipa Thlahpa ta nâ chhi ta, saikao liah liata na soh ta. Cha saikao cha ru ta bie thlâh ha ta.

EZEKIA 43:5

Thlahpa ta na chalo ta, dôhpachhôh tlyhmia chhôh lâ nâ chhi ta. Abeipa rônahna ta Achhyna o cha pabie khai ha ta.

EZEKIA 8:3

A ku a lyupa vaw pazawh ta, ei sâ tô ta na vaw patu ta. Thlahpa ta na chalo ta, alei nata avâ likawh liata na soh ta. Thlahpa chata Khazohpa aluahna ta Zerusale lâ nâ chhi ta. Dôhpachhôh tlyhmia lâ angiana maw thokhy chhikao liata na soh ta. Hia patliasatuhpa, hiatliana khazoh nothlahpa dyuchhai cha, cha su liata a y.

MATHAI 13:44

“Vârâh khinarâh cha lyu liata ryubyh nyupa chyhsa pakha ta hmô ta, nyu heih ta, a ly ngaitapa ta sie ta, a hneina zydua zuah ta, cha lyu cha a chaleipa hawhta a châ.

MATHAI 3:16

Zisu cha bâti a châ khaipa nahta, ti tawhta thlai kaw pua ta, avâ a vaw pahy ta, Khazohpa Thlahpa cha vachhuh hawhta za chô ta, a chô liata â chohpa hmô ta.

MÂKA 1:10

Ti tawhta a kaw puapa nahta, avâ a pahypa hmô ta, Thlahpa cha vachhuh hawhta a chô liata a zâ choh ta.

HMOTAOPAZY 13:52

Chatanachata pachupazy cha alyna nata Thlahpa Pathaihpa ta bie ei ta.

HMOTAOPAZY 16:34

Lyuhchâpazy cha a o lâ a chhi ta, âmo châta pati taopa ta, Khazohpa amâ ngiapâ hapa vâta ano nata a chhôhkha zydua ta a ly ngaita ei ta.

HMOTAOPAZY 8:29

Thlahpa ta Phili hnohta, “Talailih lâ hao vawh la, a kei hnia teh,” tah ta.

HMOTAOPAZY 8:38

Talailih paduasa awpa ta biepie ta, Phili nata hrilyupa cha ama pano ta ti lâ zu ei ta, Phili ta hrilyupa cha bâti pachâsa ta.

HMOTAOPAZY 8:8

Chatanachata cha khihpi liata alyna thata tlô ta.

RAWMA 5:2

Ano vâ lilaw ta tahmâ ta eimâ duana ngiachhiena liana heta ngiapâna ta a ngia ha pi ta, Khazohpa rônahna hnabeiseihpa ta a lypa ta eima y.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

PHILIPI 4:4

Abeipa liata khâ a ly teh u; ei tah heih aw, a ly teh u.

ZÂMIE 4:16

Châhrasala a pasâhsapa ta, a palai ei chi ta, cha hawhpa apalaina zydua cha moleina a châ.