HMOTAOPAZY 8:37 - Mara Bible RV (BSI)

³⁷ Phili ta a hnohta, “Na pathipalôh tlokhuh ta nâ ngiapâ khiahta cha, bâti na châ thei aw,” tah ta. Ano ta, “Zisu Krista cha Khazohpa Sawchapawpa a châ tahpa ei ngiapâ,” tah ta.

HMOTAOPAZY 8:37 ပူးပေါင်းရင်းမြစ်များ

MATHAI 16:16

Saimaw Pity ta, “Mesia, Khazohpa hrohpa Sawchapawpa na châ,” tahpa ta a chhy ta.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MÂKA 16:16

A ngiapâ ta bâti a châpa cha pachhapa ta y aw ta, a ngiapâ leipa deikua cha thaileichâpa ta a y aw.

ZAWHÂNA 11:27

Marthâ ta, “Abeipa, ei ngiapâ na. Mesia, Khazohpa Sawchapawpa, khizaw lâ a vy awpa cha na châ tahpa ei ngiapâ,” tah ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 6:68

Saimaw Pity ta a chhy ta, “Abeipa, ahy lâ ma eima sie aw, nâ cha chhâzaw hrona bie a hneipa châ chi ta,

ZAWHÂNA 9:35

Ano ama papua hapa kyh cha Zisu ta thei ta, a hmô heih nahta, “Chyhsa Sawchapawpa nâ ngiapâ ma?” tah ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 8:12

Phili ta Khazohpa khinarâh thâtihpha nata Zisu Krista moh a chhopa cha, Samâri mo ta a ngiapâ ei ta, a chanô chapaw ta bâti châ ei ta.

HMOTAOPAZY 8:21

Na palôh phaozie Khazohpa hmiakô liata â doleipa vâta, he hmo liata a hlao hra leipa chi ta, tovyuh chhao hnei va chi.

HMOTAOPAZY 8:36

Lâpi liata ama sie hai nota, ti yna tlô ei ta, hrilyupa ta, “Moh tua, he liata ti a y! Bâti châ awpa ta khâpa ma na pakhâ?” tah ta.

HMOTAOPAZY 8:38

Talailih paduasa awpa ta biepie ta, Phili nata hrilyupa cha ama pano ta ti lâ zu ei ta, Phili ta hrilyupa cha bâti pachâsa ta.

HMOTAOPAZY 9:20

Sawla ta Zisu cha Khazohpa Sawchapawpa a châ tahpa pakhyna ozy liata thlai chho ta.

RAWMA 10:10

Palôh ta a ngiapâpa cha thai pachâsapa ta y ta, pakah ta a châhkheipa cha pachhapa ta a y.

1 KAWRINI 12:3

Chavâta he he nama pahno awpa ei khoh: Khazohpa Thlahpa chhihthapa ta bie a reihtuhpa ta, “Zisu cha chhiesapa a châ!” tah beih vei. Ahy hmahta Thlahpa Pathaihpa chhihthana dei leipa ta cha, “Zisu cha Abeipa a châ,” tah thei veih ei.

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.

1 ZAWHÂNA 4:15

Ahy rai Zisu cha Khazohpa Sawchapawpa a châ tahpa a châkheipa maih cha, ano liata Khazohpa y thlâh ha ta, ano chhao Khazohpa liata a y thlâh ha hra.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

1 ZAWHÂNA 5:10

Khazohpa Sawchapawpa a ngiapâpa maih ano liata a pahnona a hnei. Khazohpa a ngiapâ leipa deikua cha, Khazohpa ta a Sawchapawpa a pahnokheina â ngiapâ leipa vâta, Khazohpa cha a haihpa ta a tao.

1 ZAWHÂNA 5:5

Zisu he Khazohpa Sawchapawpa a châ tahpa a ngiapâtuhpa dei leipa ta cha, ahy ma khizaw a tiah thei tly?