HMOTAOPAZY 8:24 - Mara Bible RV (BSI)

²⁴ Saimaw ta a chhy ta, “Nama bie reipa cha khâpa hmah ei chô liata a tlô lei nawpa ta, Abeipa lâ thlah na chhâpa teh u,” tah ta.

HMOTAOPAZY 8:24 ပူးပေါင်းရင်းမြစ်များ

ÂTHAONA 20:17

Abarahâ ta Khazohpa lâ thlahchhâ ta, Khazohpa ta Abimele nata a lapinô nata a seichanôzy cha patlâh heih ta, chatanachata sawzy sa heih ei ta.

ÂTHAONA 20:7

Chavâta tahmâ chyhsa lapinô kha pie pakhua ha mah y. A vahpa kha hrohsopa châ ta, thlah cha chhâpa aw ta, na hroh aw. Na pie pakhua leipa khiahta deikua cha, nâ nata na hneipa zydua chhaota na thi tlai aw tahpa pahno mah y,” tah ta.

1 ABEIZY 13:6

Chatawhcha abei ta a chhy ta, Khazohpa chyhsa hnohta, “Ei ku he a tlâh heih thei nawpa ta Abeipa na Khazohpa lâ ngiachhiena na hiapa la, thlah na chhâpa teh,” tah ta. Khazohpa chyhsa ta Abeipa lâ thlahchhâ ta, abei ku cha vaw tlâh heihpa ta, a y tyhpa hawhta vaw y ha ta.

EZRÂ 6:10

Chatanachata avâ Khazohpa a palysapa atheihnazy hlâ aw ei ta, abei nata a sawchapawzy hrona châta thlah ama chhâ tyh aw.

EZRÂ 8:23

Chatanachata kâhvileipa ta ypa ta, abohna châta eima Khazohpa cha hiah pi ta. Eima Khazohpa ta eima hiana cha miah nathlie ta.

ZAWBÂ 42:8

Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

PUASAINA 10:17

Chavâta tahmâ ei châ haw ei, he ei khata ngâlâh he ei moleina rie nâ ngiahthai u la, he thina he kei tawhta na lapa awpa ta Abeipa nama Khazohpa cha na hiapa teh u,” tah ta.

PUASAINA 12:32

Nama reipa hawhna khata, nama mietaku zawzy nata nama viahchao hrizy cha a chhi u la, sie teh u. Kei chhao he byhnâ na awpa teh u!” tah ta.

PUASAINA 8:8

Phiraoh ta Mawsi nata Arawna cha aw ta, ama hnohta “Kei tawhta nata ei phopi tawhta uphawhzy he la khai ha awpa ta Abeipa lâ hiah teh u. Abeipa lâ amâ theih thei nawpa ta Izarei phopi cha ei pasiesa aw ei,” tah ta.

ZEREMIAH 37:3

Bei Zedekia ta Selemiah sawchapawpa Zehukâ nata Mâsei sawchapawpa theihthaipa Zephania cha hrohsopa Zeremiah lâ tuah ta, a hnohta, “Ngiachhiepa ta Abeipa eima Khazohpa lâ thlah miah chhâpa mah y,” tahpa ta kei pachhosa ta.

ZEREMIAH 42:2

hrohsopa Zeremiah hnohta, “Eima châ haw na, eima hiana he na hmiakô liata a pyhpa châ sala, he laibâhpa zydua châna heta, Abeipa na Khazohpa lâ thlah miah chhâpa mah y. Na mo ta miah na hmôpa hawhna heta, chyhsa hluhpi hry liata a chyhta dei pahlôhpa eima châ hih.

MALUHREINA 21:7

Zawpizy cha Mawsi lâ vawh ei ta, a hnohta, “Abeipa nata nâma chakhiapa ta bie reih pi ta, eima vaw molei ha na. Abeipa lâ thlah miah chhâpa la, parihzy he keimo tawhta la awpa ta miah hiapa teh,” tah ei ta. Chatanachata Mawsi ta zawpizy châta thlahchhâ ta.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.

1 SAMUELA 12:19

Izarei phopi zydua ta Samuela hnohta, “Eima thi lei nawpa ta, châ chakaotuhpazy châta Abeipa na Khazohpa lâ thlah miah chhâpa teh. Bei hiah pi ta, he hmo pha lei ngaitapa eima taopa he, eima moleina zydua baichhatuhpa tlao a vaw châ,” tah ei ta.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.