HMOTAOPAZY 8:20 - Mara Bible RV (BSI)

²⁰ Pity ta a hnohta, “Khazohpa hmopiepa cha tâkâ sôh ta chalei thei awpa ta na pachâpa vâta, na tâkâ cha na leidiana liata leidia hra mawh sy!

HMOTAOPAZY 8:20 ပူးပေါင်းရင်းမြစ်များ

BIESOZY 15:26

Moleipazy pachâna cha Abeipa châta pasichhihpa châ ta, Mopathaihpazy bie deikua cha khochhihpa a châ.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

DÂNIAH 5:17

Dâniah ta abei cha a chhy ta, a hnohta, “Na hmosaipazy cha nâma châta châ sala, na lymâzy cha mohropa pie mah y. Chatahrasala châropa cha abei reipa aw na ta, a chhopasiana chhao ei pahnosa aw.

ZEKARIA 5:4

“Chhiesana cha tuah aw na ta, parutuhpa o a ngia aw ta, haipa ta ei moh ta bie a taihpa ochhôh chhao â ngia aw. Ama o liata y aw ta, tho nata lô zydua a tlô khaina taihta a kâ khai aw,” Pheisaihzy Abeipa ta a tah.

MATHAI 10:8

Tlâhleipazy patlâh u la, athipazy pathyu u la, phawhpazy pathaisa u la, ahripazy papua teh u. A saipa ta hmô ei chi ta, a saipa ta pie teh u.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

HMOTAOPAZY 1:18

Cha chyhsa chata a moleina lymâ a daopa hmâpa ta râh chalei ta, cha liata â khu lâta pao ta, a py kaichheih ta, a rih zydua pua khai ha ta.

HMOTAOPAZY 10:45

Chopawtaipa sahlao hry liata Pity a vaw zipa ngiapâtuhpazy cha, Zenitaizy chô lia taihta Thlahpa Pathaihpa hmopiepa hrypa a châpa ama hmô nahta, ama noâh ngaita ta.

HMOTAOPAZY 11:17

Cha hawhta, keimo Abeipa Zisu Krista eimâ ngiapâ nota Khazohpa ta miah a piepa hmopiepa cha, Khazohpa ta âmo a pie ha hra khiah ei ta cha, Khazohpa lâpi liata chybâlâkhâ châ awpa ta, kei he ahy ma ei châ?” tah ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 8:19

“He hawhpa hmotaotheina he na pie hra teh u, ama chô liata ku ei pahniehpa maihta Thlahpa Pathaihpa a to hra nawpa ta,” tah ta.

HMOTAOPAZY 8:22

Chavâta na moleina ro la, na palôh phaozie a châ ngiahthai thei nawpa ta, Abeipa lâ thlahchhâ mah y.

RYHPACHANEINA 15:9

A vaih teh u, chataleipatala, ‘Dyuchei ngiahthaina kô, kô sarina a vaw tlô daihmâ haw,’ tahpa ta nama unawh dyhchhiepa cha uasa a chhuah leipa ta, bao khoh leina palôh chhiepa nama hnei pathlei aw. Cha hawhta nama y khiahta cha, Abeipa lâ cha tlôkhei aw ei ta, nama châta moleina a châ aw.

RYHPACHANEINA 7:26

Na o chhôh liata hmo pasichhihpa nâ ngiakhei awpa châ vei. Chataleipatala nâ chhao, cha hmo hawhta pahleipadiapa na châ aw. Cha cha chhiesapa hmo a châpa vâta na pasi kaw awpa châ ta, nâ hao ngaita awpa a châ.

1 TIMAWTHY 6:9

Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.

ZÂMIE 5:3

Nama ngôh nata tâkâzy a saiie khai ha ta, a saiiepa cha nama thaileizie pahnosana châ aw ta, nama sapa mei hawhta a kâ aw. Noh hnôhchaipazy liata ryu a pachôpa nama châ.

BIEPHUAH 18:15

Cha hmozy ta sôhpalie ei ta, ano vâta a hneirôhpa sôhpalietuhpazy cha, a pasataona chipa ta lâhlapi ta a duah aw ei ta, hetana heta ao paro ngaitapa ta cha aw ei ta, chaphôh ama tu aw: