HMOTAOPAZY 8:17 - Mara Bible RV (BSI)

¹⁷ Lyuhchâpazy ta ama chô liata ama ku pahnieh ei ta, Thlahpa Pathaihpa hnei ha ei ta.

HMOTAOPAZY 8:17 ပူးပေါင်းရင်းမြစ်များ

MALUHREINA 27:18

Abeipa ta Mawsi hnohta, “Nunâ sawchapawpa Zawsua, thlahpa ta a ylâhpa chyhsa kha a chhi la, a chô liata na ku pahnieh mah y.

MALUHREINA 8:10

Livai pathlazy cha Abeipa hmiakô lâ a chhi aw chi ta, Izarei sawzy ta Livai pathlazy chô liata ama ku ama pahnieh aw.

MÂKA 5:23

“Ei sawchanô hawtipa thi daihmâpa ta y ta. Tlâh sala, a hro thei nawpa ta, a vy la, a chô liata na ku vaw pahnieh mah y,” tahpa ta a haw chaimâh ta.

HMOTAOPAZY 13:3

Kâhvileipa ta thlah ama chhâ khai nahta, Bânabâ nata Sawla chô liata ama ku pahnieh ei ta, pasiesa ha ei ta.

HMOTAOPAZY 19:6

Pawla ta ama chô liata a ku a pahnieh nahta, Thlahpa Pathaihpa ama chô liata vaw tlô ta, reih hropazy ta bie reih ei ta, hrohsona biezy phuah ei ta.

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

HMOTAOPAZY 6:6

Cha chyhsazy cha lyuhchâpazy hmiakô liata paduasa ei ta, ama chô liata ku pahniehpa ta, thlahchhâpa ei ta.

HMOTAOPAZY 8:18

Lyuhchâpazy ku pahniehpa vâta Thlahpa Pathaihpa piepa a châ tahpa Saimaw ta a hmô nahta, lyuhchâpazy cha tâkâ pie ta,

HMOTAOPAZY 9:17

Anania cha pua ta, Sawla yna o liata a kei ngia ta. A chô liata a ku pahnieh ta, “Unawh Sawla, na mo pavâ nawpa nata Thlahpa Pathaihpa biepa ta na y thei nawpa ta, na vaw siena lâpi liata na hnohta a vaw luahpa Abeipa Zisu khata eina vaw tuah,” tah ta.

RAWMA 1:11

Nama pachyu thei nawpa ta Thlahpa hmopiepa cha pahneisa awpa ei ta, nâmo châ hmô awpa ei khoh ngaita.

1 TIMAWTHY 4:14

Hmopiepa na hneipa kha uasa leipa ta y khah y. Kha hmopiepa kha, hrohsona bie hawhta, machâzy ta na chô liata ama ku ama pahnieh nota piepa na châ.

1 TIMAWTHY 5:22

Chyhsa chô liata ku pahnieh awpa ta a para leipa la, mohropazy moleina liata a hlao leipa la, pathaihpa ta y mah y.

2 TIMAWTHY 1:6

Cha vâna chata na chô liata ei ku pahniehpa ta Khazohpa hmopiepa nâ liata a ypa kha, pa-ia awpa ta ei cha pahnosa heih.

HEBRAI 6:2

bâtina, ku pahniehna, athihpa thyuheihna nata chhâzaw pachiana thâtih pachu pathaonazy liata y khao khah ei suh u.