HMOTAOPAZY 7:38 - Mara Bible RV (BSI)

³⁸ Ano cha Sinai Tlâh liata ano bie â chhopa vâlyuhchâpa nata miah pathlatuhpazy chhaota râhchawhpa liata Izarei zawpi hnohta a ypa kha a châ. Miah pie pachhuah awpa ta bietapa hrohpazy a daotuhpa a châ.

HMOTAOPAZY 7:38 ပူးပေါင်းရင်းမြစ်များ

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

ZAWHÂNA 6:63

Hrona pietuhpa cha Thlahpa a châ, sapa cha phahnaina hnei vei. Nama hnohta bie ei reipazy he Thlahpa châ ta, hrona chhao a châ.

HMOTAOPAZY 7:30

“Kô sypalih a châ tawhta, Sinai Tlâh râhchawhpa thobuh liata, meipaleih hry liata vâlyuhchâpa a hnohta a vaw luah ta.

HMOTAOPAZY 7:35

“Kha Mawsi, ‘Hyutuhpa nata ryureituhpa ta ahy ma châ tao?’ tahpa ta ama dythapa kha, thobuh liata a hnohta a luahpa vâlyuhchâpa ku hmâpa ta, Khazohpa ta hyutuhpa nata pachhatuhpa châta vaw tuah ta.

HMOTAOPAZY 7:53

nâmo, vâlyuhchâpazy hmâpa ta piepa ryhpa hnei ta, a zyh khoh leipazy he nama châ,” tah ta.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

RAWMA 9:4

Izarei chyhsa châ ei ta, saw châna, rônahna, biehrai, ryhpa piena, achhyna nata bietai zy âmo eih a châ.

KALATIA 3:19

Cha khiahta la, khazia ryhpa he a y? Paraonazy vâta ryhpa he bietaizy liata baichhapa châ ta, bietai chipathla â vy hlâta hmâ awpa a châ. Cha cha vâlyuhchâpazy hmâpa ta lyuhchâpa ku ta pa-ipa a châ.

RYHPACHANEINA 33:4

Mawsi ta ryhpa miah pie ta, Zakaw pathlazy ryuto châta miah a pie.

HEBRAI 2:2

Vâlyuhchâpazy hmâpa ta bie reipa hmahta a i sala, paraona nata reingiah leina tozy ta viarithôna dopa a hmô lymâ khiahta cha,

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

HEBRAI 5:12

A daihti pachâpa ta, pachutuhpa a châ bâ awpa châ ei chi ta, châhrasala Khazohpa bie thabypa pachu namâ ngiah thlâh ha chy. Sâhpiti a ngiah chy ei chi ta, pati hmeiseihpa nie thei mâh veih ei chi.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.