HMOTAOPAZY 7:25 - Mara Bible RV (BSI)

²⁵ Mawsi cha ano ku ta Khazohpa ta Izarei sawzy a pachha ei tahpa a unawhzy ta ama pahno thai thlyu aw tahpa pachâ ta, châhrasala pahno thai leipa ei ta.

HMOTAOPAZY 7:25 ပူးပေါင်းရင်းမြစ်များ

2 ABEIZY 5:1

Aramia bei pheisaih hyutuhpa Nâmâ cha Abeipa ta Aramia mo pachhatuhpa ta a hmâ tyhpa vâta a zibeipa pachâna liata chyhsa zachhih ngaitapa nata mody kawpa châ ta. Ano cha chyhsa thatlôpa nata riahphapa châ ta, anodeikua phawhpa châ ta.

HLAZY 106:7

Miah pathlatuhpazy Izi râh liata ama y no kha, Na hmotao noâhpazy pachâ veih ei; Na kyhpachâna rônahpa a thei leipa ei ta, Tilaipi liata cha chakhia ei ta, Tilaipi Saihpa liata ama cha chakhia.

PUASAINA 2:12

Mohmia pasaih ta, ahy hmah y veih ei tahpa a pahno nahta, Izi chyhsa cha tusao ta, sadi liata nyu ta.

MÂKA 9:32

Châhrasala a bie reipa cha a pachâ nawpa rai pahno veih ei. Ano hra cha hiahri ngâh tlôh leipa ei ta.

LUKA 18:34

Châhrasala cha biezy cha a pachâna rai pahno veih ei. Cha bie cha âmo tawhta nyupa ta y ta, khâpa bie ma a reih tahpa chhao pahno veih ei.

LUKA 9:45

Châhrasala a bie reipa cha, ama pahno thei lei nawpa ta nyupa a châpa vâta, a yzie pahno veih ei. Âmo hra ta a bie reipa kyh cha ano hiahri ngâh tlôh leipa ei ta.

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

HMOTAOPAZY 15:4

Zerusale ama tlô nahta, Awnanopa sahlaozy, lyuhchâpazy nata machâzy ta a vaw ly ei ta, Khazohpa ta âmo hmâpa ta hmo a taopa zydua cha chho ei ta.

HMOTAOPAZY 15:7

Thata amâ ei tawhta, Pity a duah ta ama hnohta, “Unawh saih u, Zenitaizy ta keima pakah tawhta thâtihpha bie theipa ta a ngiapâ awpa ta, daihti hmiatuapa liana khata Khazohpa ta nâmo hry liata kei he eina raozie kha nama pahno.

HMOTAOPAZY 21:19

Pawla ta âmo cha â naoh khai nah ei ta, a chakaona hmâpa ta Khazohpa ta Zenitaizy hry liata hmo a taopazy miakha miakha ta reih ta.

HMOTAOPAZY 7:24

Izarei chyhsa pakha cha Izi chyhsa ta a taochhie haipa hmô ta, a chiheih cha a châhpa ta a phuh la ta, Izi chyhsa cha thie ha ta.

HMOTAOPAZY 7:26

A mylâ ta chyhsa pano amâ tu hai nota kei tlô ta, âmo cha paryh a chhuah ta, ‘Pâpuh saih u, unawh nama châ khawh, khazia namâ tu?’ tah ta.

RAWMA 15:18

Zenitaizy Khazohpa bie pazyhsa awpa ta Krista ta kei na hmâh ta, cha châta ei biereipa nata ei hmotaopazy dei leipa ta cha, bie hropa rei a chhuah va na.

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

1 KAWRINI 3:9

Keimo he Khazohpa hrialâhpazy châ pi ta, nâmo Khazohpa lyu châ ei chi ta, Khazohpa o sapa nama châ.

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.

RYUREITUHPAZY 15:12

Âmo ta a hnohta, “Cha chahry ta, Philistinâ mo ku liata cha hlâ awpa ta eimâ zu,” tah ei ta. Sâsawna ta ama hnohta, “Nâmo ku ta na thie lei awpa ta bie nâ taih teh u,” tah ta.

1 SAMUELA 14:45

Châhrasala zawpizy ta Sawla hnohta, “He pachhana rônah ngaitapa Izarei hry liata a vaw tlôkheituhpa Zawnathâ he a thi aw ma? Châ bao va! Abeipa hrona reipa ta eima reih, a sâbu miakha chhao alei liata a tla awpa châ vei. Tanoh he ano cha Khazohpa a hrialâhpa a châ hih,” tah ei ta. Zawpi ta Zawnathâ cha pachha ha ei ta, thiepa châ khao vei.

1 SAMUELA 19:5

A hrona sokhâhpa ta Philistinâ chyhsa kha thie ta, Abeipa ta Izarei zydua châta pachhana rônah ngaitapa a tao. Cha cha nâ chhao ta hmô chi ta, nâ ly ngaitapa kha a châ. Khazia a chhâpa y leipa ta Dâvi cha thie aw chi ta, mosiapa thisaih chô liata moleina na tao aw?” tah ta.