HMOTAOPAZY 6:7 - Mara Bible RV (BSI)

⁷ Chatawhcha Khazohpa bie cha pôh lymâ ta, pachupazy maluh cha Zerusale liata thata pôh ta, theihthaipa hluhpi chhao ta zo ei ta, amâ ngiapâ haw.

HMOTAOPAZY 6:7 ပူးပေါင်းရင်းမြစ်များ

2 THÂTIHZYRONA 29:34

Theihthaipazy ama chyh tu hapa vâta, raopa hlâna sahrohzy cha a vo hlai tiah leipa ei ta. Chavâta theihthaipa hropazy amâ pathai khai hlâlei cha, ama unawh Livai pathlazy ta rai a ngoh hlâlei ama bao. Apathaisana kyh liata la, theihthaipazy hlâta Livai pathlazy ama palôh tlao â do via.

2 THÂTIHZYRONA 30:24

Zudâh bei Hezekia ta zawpi ahmaohpakhypazy châta viahchao tôhpa 1,000 nata mietaku 7,000 thyu ta, beimachâzy ta zawpi châta viahchao tôhpa 1,000 nata mietaku 10,000 thyu hra ei ta. Theihthaipa hluhpi a pathai ei ta.

HLAZY 132:16

A theihthaipazy pachhana ta tobi aw ei na ta, A mopathaihpazy thaphapa ta ama rahao aw.

HLAZY 132:9

Na theihthaipazy siana ta a tobi ei sala, Na mopathaihpazy thaphapa ta rahao mawh ei sy.

MATHAI 19:30

Châhrasala hmiatuapa hluhpizy cha hnôhchaipa châ aw ei ta, hnôhchaipazy cha hmiatuapa ama châ aw.

LUKA 2:34

Simeôna ta âmo cha byhnâ awpa ta, a nô Mâri hnohta, “Pachâ teh, he hawti he Izarei hry liata chyhsa hluhpi paona nata thyuna châta raopa a châ. Ano cha ngiana châ aw ta, chyhsa hluhpi ta ama reipachhie aw.

ZAWHÂNA 12:42

Chatanachôta ryureituhpa hluhpi ta Zisu cha a ngiapâ ei ta, châhrasala Phârisaihzy ama chipa vâta, pakhyna o tawhta papuapa ama châ lei nawpa ta, amâ ngiapâna cha palâhâh veih ei.

HMOTAOPAZY 12:24

Khazohpa bie cha laiseih via rilipa ta, pôh lymâ ta.

HMOTAOPAZY 13:8

Châhrasala dyuthaipa Elaimâ ta râhvaotuhpa cha ngiapâna patleisa a chhuahpa ta, Bânabâ nata Sawla cha pakhâpadie ta. Elaimâ cha dyuthaipa tahna a châ.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

HMOTAOPAZY 19:20

Cha hawhna chata Abeipa bie cha pathâh via rilipa ta, a thatlô via lymâ ta.

HMOTAOPAZY 2:47

Khazohpa reithai ei ta, chyhsa zydua modypa ta ama y tyh. Chatanachata pachha a châpazy cha, noh chareih ta Abeipa ta ama hnohta a baichha lymâ ei.

HMOTAOPAZY 21:20

Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.

HMOTAOPAZY 6:1

Cha nohzy liata, pachupazy ama pôh via lymâ nahta, noh chareih ama hmo raipa liata ama nôhmeizy ama pachâ tyh leipa vâta, Krikâh Zuzy cha Hebraizy chô liata paphôh ei ta.

RAWMA 1:5

Ano vâta nata ano moh ta phopi to pangiapâsa ta, a bie pazyhsa awpa ta, ngiachhiena nata lyuhchâpa châna eima hmô.

RAWMA 16:26

Tahmâ deikua cha, bienyupa palâhâhpa ta a y haw. Chyhsazy ta a ngiapâ ei sala, a bie ama zyh thei nawpa ta, chhâzaw Khazohpa ta biepie ta, bienyupa cha hrohsopazy châbu hmâpa ta phopi zydua hnohta pahnosapa ta a y.

KALATIA 1:23

“Miah a taola tyhpa khata, tahmâ cha parao â chhuah tyhpa ngiapâna bie tlao a chho haw,” tahpa ta chyhsazy reipa rakha dei ama thei.

KALATIA 6:10

Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

2 TIMAWTHY 2:9

Cha thâtihpha vâna chata pasa tao na ta, moleipa hawhta bâlia ta chahrypa ei châ. Châhrasala Khazohpa bie cha chahry theipa châ vei.

HEBRAI 11:8

Ngiapâna ta Abarahâ cha a ryuto râh lâ sie awpa ta awna zyh ta, khataih lâ ma a sie aw tahpa a pahno leipa chhao ta, a sie lymâ.

HEBRAI 5:9

chavâta pakipa ta taopa vaw châ ta, a rei a ngiahpa zydua châta chhâzaw pachhana hnawh a vaw châ haw.

ZUDÂH 1:20

Kho ngaitapa saih u, nâmo deikua la, namâ ngiapâna pathaih ngaitapa liata nâmosasyh tha a patlô u la, Thlahpa Pathaihpa ta thlahchhâ muh vy.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.